SOQQANSHOTE DANDOOKKI WOYYEESSIꞌRI | SOQQANSHOTENNI AFIDHINANNI HAGIIRRI LEXXANNO GEDE ASSIDHE
Qullaawu Maxaafi Rosaanoꞌne Gambooshshe Dagganno Gede Kaaꞌlensa
Songote gambooshshi halaalu magansiꞌrara lowo geeshsha hasiisannoho. (Fa 22:22) Yihowa magansiꞌrate gamba yaannohu baalunku hagiirrenna atoote afiꞌranno. (Fa 65:4) Qullaawu Maxaafi rosaano ganyite gambooshshe daggannoha ikkiro, ayyaanaamittetenni rakke lophitara dandiitanno.
Rosaanoꞌne gambooshshe dagganno gede kaaꞌla dandiitinannihu hiittoonniiti? Insa songote gambooshshe dagganno gede koyisa agurtinoonte. Insara Gambooshshu Addaraashenkera Maa Maa Assinanni? yitanno viidiyo leellishshensa. Qoleno gambooshshe dagguro afidhanno horo kullensa. (lff roso 10) Sai gambooshshira rossinoonnita mite hedo kula woy aananno gambooshshira maa maa ronsanniro haransitine kula dandiitinanni. Qoleno gambooshshunniwa xiinxallinanni borro uyiyyensa. Mitore assitineno kaaꞌlensa. Gambooshshe dagganno gara injeessa hasiissannoꞌneha ikkara dandaanno. Qullaawu Maxaafi rosaanoꞌne mite yite gambooshshe dagguro, insa kaaꞌlate assitinoonnirinni hagiidhitinanni.—1Qo 14:24, 25.
QULLAAWU MAXAAFI ROSAANOꞌNE GAMBOOSHSHE DAGGANNO GEDE KAAꞌLENSA YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:
Niita, Jeedi songote gambooshshe dagganno gede koyisate hiittenne faro horoonsidhino?
Qullaawu Maxaafi rosaanonke songote gambooshshe dagganno woyite hagiidhineemmohu mayiraati?
“Halaalinta Maganu kiꞌne ledo no”
Jeedi mite yite gambooshshe hadhu woyite wodanchitinori maati?