Anga Fantine Haadhensa

Anga fanne haaꞌnannihu ayeti? Wosina ikko ikkano hoogo, Kiristaanu gambooshshenke daanno manna baala anga fane haara hasiissannonke. (Ro 15:7; Ib 13:2) Wole gobbanni daannoha ammanate roduuwanke woy ayyaanaamittetenni shoshshoggitino halashshaano Kiristaanu gambooshshenke dagganno wote anga fanne haara hasiissannonke. Atera togo assinihero mayi macciishshamannohero hedi. Mannu faasiiqe keere haarannohe wote dihagiidhatto? (Mt 7:12) Konni daafira Mangistete Addaraashera gambooshshu hanafara albaanninna goofi gedensaanni woloota keere haaꞌrate mayira diwoꞌnaalatto? Togo assa Mangistete Addaraashera baxillu woꞌmannonna Yihowa ayirranno gede assitanno. (Mt 5:16) Mitto mittonka mancho hasaawisa dandiinannikkiti egennantinote. Kayinni dandiinummo deerrinni keere haaꞌrate woꞌnaalleemmoha ikkiro, baalunku hagiidhanno.a

Manna anga fanne haaꞌra hasiissannonkehu Qaagooshshu Ayyaana daanno wote calla ikkikkinni woꞌmanka woteeti. Haaruuddu mereeronke noo baxille laꞌuronna insano banxeemmonsata leellinshummoro, Magano guwissaranna ledonke Yihowa magansidhannore ikkitara dandiitanno.—Yoh 13:35.