Maganu Mangiste Faarso Worba Ikkinanni Gede Kaaꞌlitanno

Phaawuloosinna Sillaasi usuru mine heedhe faarsotenni Magano guwissino. (Soq 16:25) Yannankerano roduuwinke Jarmanete Naazi gashshooti yannara Zakisenihawuzeni yinanni kaamperanna Sayibeeriya qafadante hadhinowa Maganu Mangiste faarso faarsitino. Kuri lawishshuwa, faarso fonqolu iillinonsa Kiristaana jawaachishshannota leellishshanno.

Muli yanna giddo Yihowara ‘Hagiirrunni Faarse’ yaannoha faarsote maxaafa batinyu afiinni qixxeessinanni. Faarso wodaninkera qaꞌmitanno gede maatete magansiꞌra assiꞌneemmo yannara rosiisiꞌra dandiineemmo. (Ef 5:19) Hakkiinni qullaawu ayyaani fonqolu iillannonke yannara kuri faarsuwa qaangeemmo gede kaaꞌlannonke. Maganu Mangiste faarsuwa Maganu uyinonke hexxo illachinsheemmo gede kaaꞌlitannonke. Qoleno fonqolu iillannonke yannara jawaante afiꞌneemmo gede assitannonke. Fonqolu iillinonkekki woteno, faarso hagiirraamo wodana afiꞌnoommo daafira Yihowara ‘hagiirrunni faarsineemmo’ gede assitannonke. (1Du 15:16; Fa 33:1-3) Duuchante yannara Maganu Mangiste faarso danchu garinni horoonsiꞌno!

LOOSAASINE JAWAACHISHSHINO FAARSO YITANNO VIIDIYO LAꞌINI GEDENSAANNI AANTE NOO XAꞌMUWARA DAWARO QOLLE:

• Roduu Firosti faarso qixxeessanno gede kakkayisinosiri maati?

• Zakisenihawuzeni yinanni kaampera usurame noo roduuwa faarso jawaachishshinonsahu hiittoonniiti?

• Maganu Mangiste faarso jawaante ikkitinohehu hiittoo woteeti?

• Qaaga hasiꞌrattoti Maganu Mangiste faarso hiitteeti?