Xiinxallate Kaaꞌlitanno Hedo

‘Ayyaanaamittete Faarso’ Wodaniꞌnenni Amada Rosse

“Ditidhoommate yee hedeemma woyite, Yihowa JW Biroodikaastera fultanno faarso widoonni jawaachishannoe.”—Loraane, Yunayitidi Isteetisetenni.

Kiristaanu Yihowa guwisiꞌrate, woꞌmanka woyite ‘ayyaanaamittete faarso’ faarsanno. (Qol. 3:16) Faarso wodanikkinni amadattoha ikkiro tini, faarsote maxaafa woy elektirooniksete uduunnichokki afiꞌra qarra ikkitannohe woyitira nafa kaaꞌlitannohe. Faarso wodanikkinni amadate aane noo coye assate woꞌnaali.

• Faarsote kiiro woy giximi tiro huwatate gixima seekkite nabbawi. Mittu coyi tiro huwatittoro, hakko coye qaaga shota ikkitannohe. Baalanta faarso gixima, baxxitino faarsonna qaaqquullu faarso giximano jw.org aana afiꞌra dandaatto. Layibirere yaanno gafira Faarso yaannoha fani.

• Gixima borreessiꞌri. Hatto assakki borreessootto qaalla roore qaagatto gede kaaꞌlitannohe.—Mar. 17:18.

• Huurokki naggi assite rosiisiꞌri. Faarsote gixima duucha higge nabbawi hattono faarsi.

• Mageeshsha qaagattoro afate woꞌnaali. Faarsote gixima laittokki qaagate woꞌnaali; hakkiinni mageeshshi gixima qaagoottoro lai.