Yihowara Woꞌmanka Wote Soqqantanno Gede Qajeelsensa

Haaro halashshaano soqqansho ganyite fultannonna diinaggaabbe soqqantanno gede hanafotenni kayinse qajeelsiniro, ganaanni worba halashshaano ikkitannota buunxoonni. (La 22:6; Fil 3:16) Konni woroonni Qullaawu Maxaafi rosaano soqqanshote worbuulle ikkitanno gede kaaꞌla dandiinanni gara kultannota mite hedo qummi assinoonni:

• Rosaanchu halashshaancho ikkanno gede fajjinannisi heeꞌneenna qajeelsa hanaffe. (km-AM 8/15 1) Lamalate kiiro soqqansho fula roso assiꞌra mayi horo afidhinoro huwatanno gede kaaꞌlesi. (Fil 1:10) Soqqanshote qoqqowi daafira coyidhinanni wote, mishshine coyidhinoonte. (Fil 4:8) Gaamote aliidi laꞌꞌaanchinna wole halashshaano ledo soqqamanno gede jawaachishshesi; tini insa woꞌnaalshinni horo afiꞌranno gede kaaꞌlitannosi.—La 1:5; km 10/12 6 guf. 3

  

• Rosaanchu cuuami gedensaannino soqqansho fulanno gede jawaachishanna qajeelsa agurtinoonte; hakko iso rosaanchu ‘Maganu Baxille’ yinanni maxaafa xiinxalle gudinokkiha ikkiro, tenne assa hasiissanno.—km 12/13 7

  

• Haaru halashshaanchi ledo soqqantinanni wote, mannu ledo harancho hasaawu bitima horoonsidhe. Isi manna hasaawisi gedensaanni galattesi. Soqqanshosinni dancha guma afiꞌrate kaaꞌlitannosi hedo kullesi.—km-AM 5/10 7