Looxi Galte Qaagge

Looxi galte Soddoomunni xooqqanni heedhe badhe higge laꞌinohu mayiraati? Qullaawu Maxaafi tenne bade dikulanno. (Ka 19:17, 26) Yesuusi qorowishshi leellishannonte gede ise badhe higge laꞌinohu agurte daggino coye gaabbite ikkara dandaanno. (Lu 17:31, 32) Looxi galte gede Magano hagiirsiinseemmokki gede assannonkere hooꞌla dandiineemmohu hiittoonniiti? Heeshshonke giddo maalaamittete coyira noonke hasatto balaxisiisa dihasiissannonke. (Mt 6:33) Yesuusi ‘Maganohonna woxeho borojje ikka dandiineemmokkita’ coyiꞌrino. (Mt 6:24) Heeshshonke giddo maalaamittete coyi ayyaanaamittete coye balaxisiinseemmokki gede assanni noonketi leeltunkero ma assa hasiissannonke? Yihowa hiikkonne coye biddi assiꞌra hasiissannonkero anfeemmo gedenna biddi assiꞌrate hasiissanno worbimmanna jawaante aannonke gede huucciꞌra hasiissannonke.

LOOXI GALTE QAAGGE YITANNOTA SASU GAFI VIIDIYO LAꞌINI GEDENSAANNI AANTE NOO XAꞌMUWARA DAWARO QOLLE:

• 

  Gilooriya heddanno gari, coyidhanno garinna assootise, lowo woxe afidhanno gede xixxiimboonnisetera qeelantinota leellishannohu hiittoonniiti?

• Looxi galtehu qorowishshu lawishshi xaa yannara kaaꞌlannonkehu hiittoonniiti?

• Jowunna maatesi Qullaawu Maxaafiha xintu seera harunsansa kaaꞌlitinonsahu hiittoonniiti?

• Aana Ledo loossannori ayyaanaamittesera qarra ikkitinohu hiittoonniiti?

• Heeshshonke giddo woxe balaxisiinseemmo gede xixxiimbanninke woyite worbuulle ikka hasiissannonkehu mayiraati?

• Birawuninna Gilooriya galagale ayyaanaamittete coye balaxisiisinohu hiittoonniiti?

• Tenne viidiyo giddo laoottohu Qullaawu Maxaafihu xintu seeri hiikkoonneeti?