“Kiristoosi baxilli xixxiiwannonke.”—2Qo 5:14, NW.
KIRISTAANU HEESHSHO
Badheessu Woy Dotteessu Aganira Kaaꞌlaancho Suwisaancho Ikkite Soqqamatto?
Qaagooshshu Ayyaani woggara, Yihowara albinni roore soqqama hasiꞌratto? (2Qo 5:14, 15) Badheessunna Dotteessu aganira, 30 woy 50 saate soqqamme kaaꞌlaano suwisaano ikka dandiineemmo. Tenne baxxitino doogonni soqqama dandaattoha ikkiro, forme wonshite Songoꞌnete Soqqanshote Komitera uyi. Aganu kiiro, kaaꞌlaano suwisaano ikkite soqqantara fajjinoonninsare songote egensiinsanni. Tini, songote giddo noori wolootu halashshaano suwisaanote ledo soqqante kaaꞌlitannonsa gede assitanno. Ninke baalunku sabbakate dandoonke woyyeessiꞌratenna mimmito jawaachishate, Qaagooshshu Ayyaani wogga seekkine horoonsiꞌno.—1Te 5:11.