Qullaawu Maxaafi Rosaanoꞌne Busha Jaalooma Qorophitanno Gede Kaaꞌlensa

Qullaawu Maxaafi rosaano Yihowa jaala ikkate dancha jaalla doodha hasiissannonsa. (Fa 15:1, 4) Dancha jaalla gara ikkinore assitanno gede kaaꞌlitannonsa.—La 13:20; lff roso 48.

Rosaanoꞌne busha jaalooma qorophitanno gede kaaꞌlitinanninsa woyite marartinannire ikke. Insara busha jaalla agura qarra ikkitansara dandiitanno. Hakko daafira, Qullaawa Maxaafa xiinxallissinannikki yannarano insara addinta heddinanninsata leellishshe. Lawishshaho, sokka borreessitine, silke dowoltine woy noowa martine xaꞌmitinansara dandiitinanni. Rosaanoꞌne ayyaanaamittetenni lophitanno woyite, roduuwu gamba yite boohaartanno yannara koyissinansara dandiitinanni. Hakkiinni insa agurtino coyinni lowo geeshsha roorannore afidhinota huwattanno. (Marq 10:29, 30) Kiꞌneno Yihowa maate lexxitanna laꞌinanni woyite lowo geeshsha hagiidhitinanni.

QULLAAWU MAXAAFI ROSAANOꞌNE BUSHA JAALOOMA QOROPHITANNO GEDE KAAꞌLENSA YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Bushu jaaloomi hiittooho?—1Qo 15:33

• Jeedi Yihowa Farciꞌraasine boohaartannohu hiittoonniiti yite heddino?

• Niita, Jeedi busha jaalla bayicho dancha jaalla afidhanno gede kaaꞌlitinosehu hiittoonniiti?