Gaance Kaꞌanno Woyitira Qixxaabbinoonni?

Tenne alame goofimarchi gambisi kiiro gaance, finqillenna olu lexxanni haꞌrannota anfoommo. (Aj 6:4) Albillitte iillannonke qarrira qixxaawa dandiineemmohu hiittoonniiti?

• Ayyaanaamittetenni qixxaabbe: Yihowanna dirijjitesi albinni roore addaxxitinanni gedenna poletiku hajora anga wodhitinikkinni heedhinanni gede kaaꞌlannoꞌneha Qullaawu Maxaafiha xintu seeranna roso afiꞌrate woꞌnaalle. (La 12:5; jr 125-126 guf. 23-24) Songote roduuwi ledo noonke jaalooma kaajjishiꞌneemmo yanna xaati.—1Ph 4:7, 8.

• Heeshshote hasiisannore qixxeessidhe: Mitu qarri kalaqamanno woyite mineꞌne maaxamate heddinanniha ikkiro hasiisannoꞌnere balaxxine qixxeessidhe. Miniꞌnenni fultine haꞌra hasiissannoꞌneha ikkiro maa assitinanniro balaxxine hedde. Dano kalaqantanno woyitira hasiisannore wodhitinanni borsi giddo mayi mayi nooro layidhe; hattono fayyimmaꞌne agadhate kaaꞌlannoꞌne uduunninna woxu nooꞌneronna teꞌee buuxidhe. Songote cimeeyye ledo ma garinni xaaddinannironna insa kiꞌne ledo xaaddanno gara affinoronna teꞌee buuxxe.—Is 32:2; g17.5 3-7.

Gaance kaꞌanno woyite, ayyaanaamittete coye assa agurtinoonte. (Fil 1:10) Hasiisikkinni bayichunni bayicho hadhinoonte. (Mt 10:16) Sagalenna wolere roduuwiꞌne ledo beeqqe.—Ro 12:13.

DANO KALAQANTANNO WOYITIRA QIXXAABBINOONNI? YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLATE WOꞌNAALLE:

• Dano kalaqantanno woyite Yihowa kaaꞌlannonkehu hiittoonniiti?

• Dano kalaqantanno woyitira qixxaawate maa maa assa dandiineemmo?

• Kalaqamu dano gawajjitinore kaaꞌla dandiineemmohu hiittoonniiti?