‘Goofimarchu Barri’ Goofe Daye Noo Yannara Qixxaabbine Heedhe

‘Goofimarchu barri’ goofe daye noote tenne yannara qarru lexxanni haꞌrannoti dihuluullissannote. (2Xi 3:1; xiinxallote kaaꞌlitanno borro Mt 24:8) Dano kalaqantanno yannara, Yihowa dagara duucha woyite malinohanna heeshsho gatisanno biddishsha uyinanninsa. Ayyaanaamittetennino ikko maalaamittetenni xaanni qixxaawanke dano kalaqantanno woyite gate saꞌꞌate kaaꞌlitankera dandiitanno.—Lu 16:10.

• Ayyaanaamittetenni qixxaabbe. Danchu Qullaawa Maxaafa nabbawatenna hojju xiinxallo assiꞌrate rosichi heeꞌrohe. Addi addi garinni soqqama rosi. Songoꞌnewiinni yannate geeshsha baxxittoro masse qece yitooti. (Is 30:15) Yihowanna Yesuusiwiinni horo baxxoottokkita deꞌooti.—od 176 guf. 15-17

• Maalaamittetenni qixxaabbe. Shiimaaddare wodhine adhine fullanni borsano agurranna, mitte mittenti maate martinowa keeshsha hasiissannonsaha ikkara dandaanno daafira sagale, waa, xagganna wole togoore ledde qixxeessidhe wodha hasiissannonsa.—La 22:3; g17.5 4, 6

KALAQAMU DANO IILLITANNO WOYITIRA QIXXAABBINOONNI? YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLATE WOꞌNAALLE:

• 

  Dano kalaqantanno woyitira ayyaanaamittetenni qixxaawa dandiineemmohu hiittoonniiti?

• 

  Aane noore assa hasiissannonkehu mayiraati?

  • cimeeyyete ledo hasaawa

  • hedeweelcho dano kalaqantanno woyitira hasiisannore qixxeessiꞌra

  • kalaqantara dandiitanno dano daafiranna hakkawoyite maa assa hasiissannoro hasaawa

• 

  Dano iillitanno woyite woloota kaaꞌla dandiineemmoti sase doogga hiikkuriiti?

ATENEETO TOGO YITE XAꞌMI: ‘Koroonu dhibbinni balaxe qixxaawate daafira maa rosa dandeemmo?’