KIRISTAANU HEESHSHO

Miinju Qarri Kalaqamanno Woyitira Qixxaabbinoonni?

Alamete aana ikkanni noori gobba baalate miinju qarri kalaqamanno gede assanno woyite dimanseemmo. Mayira? Korkaatuno heeꞌnoommohu goofimarchu barri jeeforaati; hattono Qullaawu Maxaafi “hawaqiꞌnannikki coye [jiro]” hexxineemmokki gede qorowisiisannonke. (1Xi 6:17; 2Xi 3:1) Miinju qarri kalaqamanno woyitira qixxaawate daafira Moote Iyosaafiixi lawishshinni maa ronseemmo?

Iyosaafiixi diinu waajjishiishisi woyite Yihowa addaxxino. (2Du 20:9-12) Qoleno isi qiishote katama minenna bagadaano wore mannu qixxaawanno gede assino. (2Du 17:1, 2, 12, 13) Iyosaafiixi gede ninkeno Yihowa addaxxate dandiinummore baala assineemmo hattono qarrissanno yanna dagganno woyitira mito coye assine qixxaambeemmo.

MIINJU QARRI KALAQAMANNO WOYITIRA QIXXAAWATE MAA ASSA DANDIINEEMMO?

Ayyaanaamittetenni qixxaabbe: Nooꞌnerinni kassi yiiyye, hattono Yihowa barru baala hasiisannoꞌnere wonsha dandaannota addaxxe. (Mt 6:26; 1Xi 6:8) Hasiisannoꞌnere afiꞌrate yitine Qullaawu Maxaafiha xintu seera horo lashshi assitinoonte. (Ro 2:21) Korreente woy Interneete baꞌuro ayyaanaamittete sagale ma garinni afiꞌra dandiitinanniro hedde. Woraqatunni qixxeessinoonni borro boode doortine maaxidhe; dandaamannoꞌneha ikkiro elekitiroonikisete uduunniꞌnera borro balaxxine dirrisidhe.

Maalaamittetenni qixxaabbe: Liqoo batisidhinoonte; hattono hakkeya hasiisannokki coyira woxe fushshidhinoonte. (La 22:7) Hasiisannoha ikkiro, miinju qarri kalaqamara albaanni mito geya ikkitanno sagalenna wole hasiisanno coye suuqidhe. Mitootu fulanno woxe ajishate akaakilte kaasiꞌra hasidhannoha ikkara dandaanno.

KALAQAMU DANO IILLITANNO WOYITIRA QIXXAABBINOONNI? YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLATE WOꞌNAALLE:

“Kalaqamu Dano Iillitanno Woyitira Qixxaabbinoonni?” yitanno viidiyora noo misile. Qullaawa Maxaafa, mitore wodhinoonni borsanna silke, hattono gimbaatu looso loossannore.

Dano iillitanno woyitira qixxaawate ninke mittu mittunku maa assa dandiineemmo?

Dawarokki

“Kalaqamu Dano Iillitanno Woyitira Qixxaabbinoonni?” yitanno viidiyora noo misile. Roduuwu gimbaatu looso loossenna makeenu aaninni uduunne dirrisse roduuwansa kaaˈlitanni no.

Woloota kaaꞌlate qixxaawa dandiineemmohu hiittoonniiti?

Dawarokki