Baalunku Doodha Hasiissannonkere

Konni albaanni horo hadhe egennoottokki bayicho haꞌra hasiꞌrittoro maa assatto?

1. 1. Atera labbinohe doogo amadde sammi yite haꞌratto?

2. 2. Wolootu doogo affinoha ikkara dandaanno yite insa harunsatto?

3. 3. Raga leellishshanno GPS (saatelayitete neetiworkenni loosanno uduunnicho), kaartu, woy doogo afinohu ammaꞌnatto jaali kulannohe doogo haꞌratto?

Umiha woy layinki doorsha doodhittoro mitto bayicho iillatto; kayi hasiꞌrootto bayicho iilla hoogattora dandaatto. Sayikki doorsha doodhittoro kayinni haꞌra hasiꞌrootto bayicho iillattota woꞌmunni woꞌma addaxxa dandaatto.

Heeshshonke doogo haꞌrate gedeeti; tenne doogo haꞌnanni heeꞌnoommohu albillitte hagiirru noo heeshsho heeꞌrateeti. Togoo heeshsho heeꞌneemmo woy heeꞌneemmokki gede assannohu mitto doorsha doodhineemmo woyite harunsineemmo biddishshaati.

Doodhineemmohu rooru doorshi hakkeya qarra diafiꞌrinoho; mito woyite doodhineemmo doorshi kayinni shaaꞌꞌa diꞌꞌikkino. Togoo doorshi garanna gara ikkinokki coyira noonke lao hiittootero leellishanno. Qoleno togoo doorshi ninkeno ikko banxeemmo manna seeda yanna kaaꞌlara woy gawajjara dandaanno. Konni doorshi giddo mitu aane nooho:

• Siimu xaadooshshenna adhama

• Ammanama, loosonna woxe

• Ooso lossiꞌnanni gara

• Wolootu ledo noonke aante

Kuri coyibba lainohunni doodhatto doorshi atinna maatekki albillitte hagiirru noo heeshsho heedhinanni gede assannohoronna teꞌee afa dandaattohu hiittoonniiti?

Mittu mittunku ninkeneeto togo yine xaꞌma hasiissannonke: Garanna gara ikkinokkire lainohunni dancha doorsha doodheemmo gede kaaꞌlannoeri maati?

Tini metseete, Qullaawu Maxaafi garanna gara ikkinokkiri daafira kulanno amaale addaxxa dandiineemmohu mayiraatironna tini amaale kaaꞌlitannonkehu hiittoonniitiro kultanno.