Misiletenni Woꞌma Horo Afiꞌri

Borruwanke giddo hasiissanno hedo huwanteemmo gede kaaꞌlitannoti batinye misilla no. Kuri misillanni woꞌma horo afiꞌra dandaattohu hiittoonniiti?

• Birxicho nabbawattora albaanni misile lai. Misilla mitto coye afate quqquxamatto gedenna birxicho nabbawate kaꞌꞌatto gede assitahera dandiitanno. Coommitanno sagale laꞌne itate quqquxammeemmo. Hakko daafira ateneeto, ‘Laꞌꞌanni noommori maati?’ yite xaꞌmi.—Amo. 7:7, 8.

• Birxicho nabbawatto woyite, misile worroonnihu mayiraatiro hedi. Nooha ikkiro misilete qixxeessinoonni hedo woy xawishsha nabbawi. Misile gufote ledo afidhino xaadooshshenna atera kaaꞌlitanno gara hedi.

• Nabbabbe gudittohu gedensaanni, birxichunnita qara hedo huwatate misile lai. Misile qaagatenna mitte mittente misilenni maa rosoottoro hedate woꞌnaali.

• Tenne metseetera noo misilla wirro laꞌe maa rosoottoro qaagate woꞌnaala dandaatto.