XIINXALLO 9
Illete Leellannore Horoonsiꞌre Rosiisa
Kalaqama 15:5
ASSA HASIISSANNOHERE: Qara hedo xabbe leeltannonna qaagate injiitanno gede assate, illete leellannore horoonsiꞌri.
KONNE ASSA DANDAATTO GARA:
Roso seekke xawisanno uduunnicho horoonsiꞌri. Songote giddo, qara hedo luphi assite xawisate misilla, kaarta, sanxarazhe woy wole togoore horoonsiꞌra dandaatto. Soqqamatto yannara viidiyono horoonsiꞌra dandaatto. Macciishshaano leellishoottore calla ikkikkinni qara roso qaagganno gede kaaꞌli.
Macciishshaano leellishattore laꞌꞌa dandiitannoro buuxi. Lawishshaho, madirakete heedhe misile horoonsidhe rosiisattoha ikkiro, misile macciishshaanote leeltanno geeshshita ikka hasiissannose.