Ati Aye Ammaꞌnatto?—⁠Qullaawu Maxaafi Mayyaanno?

Ammaꞌninoonni manchi irraawisanno woyite lowo geeshsha dadillisanno. Batinyu manni . . .

• dagoomaho kaaꞌlannore loosa agurte uminsa qiniite shorritannore poletiku mannoota addaxxa agurino.

• noore leddukki xeissukki odeessa agurte halaale dawisse kultannore odoote buꞌa ammaꞌna agurino.

• dagate woyyannore loossannokkire sayinsete egennaamma ammaꞌna agurino.

• Maganoho halama agurte poletiku giddora eꞌe sarraaqantinore ammaꞌnote murroota addaxxa agurino.

Mannu ammaꞌnanno manna qorophe doodhansa garankolla. Qullaawu Maxaafi togo yee qorophisiisanno:

• “Mannu gatisara didandaannona, albisoota addaxxitinoonte.”—Faarso 146:3.

Addaxxinanni gashshaancho

Qullaawu Maxaafi addaxxinanni gashshaanchi noota kulanno; isino Yesuusi Kiristoosiiti. Yesuusi lowo xibbi diri albaanni uullate aana heeꞌrinoha dancha mancho calla diꞌꞌikkino. Maganu iso “hegerera moohanno” gede shoominosi. “Gashshootisira gawalo dino.” (Luqaasi 1:32, 33) Yesuusi Maganu Gashshooti Mooteeti; kuni gashshooti xa gordoho heeꞌre gashshanni no.—Maatewoosi 6:10.

• Yesuusa addaxxa dandaattohu mayiraatiro afate, “Maganu Mangiste Moote Ayeti?” yaannohanna “Maganu Mangiste Maa Assitanno?” yaanno birxicho nabbawi.