Agarooshshu Shaeta INTERNEETETE LAYIBIRERE
Agarooshshu Shae
INTERNEETETE LAYIBIRERE
Sidaamu Afoo
  • QULLAAWA MAXAAFA
  • ADDI ADDI BORRO
  • GAMBOOSHSHE
  • w14 3/1 qool. 3-6
  • Maganu Assinoheri Maati?

Doodhootto borrora viidiyo dino.

Hasi'rootto viidiyo fa'nama didandiitino.

  • Maganu Assinoheri Maati?
  • Yihowa Mangiste Egensiissannota Agarooshshu Shae—2014
  • Cinaancho Birxichuwa
  • Fiixxanno Birxichuwa
  • “MAGANU . . . DAGA BAXINO”
  • ‘MITTO BEETTOSI UYINO’
  • ‘YESUUSA AMMAꞌNINOHU DUUCHU’
  • “HEGERE HEESHSHO AFIꞌRANNO GEDE IKKINNINA, BAꞌꞌANNOKKI GEDE”
  • MAGANU LOWORE ASSINONKE
  • Yesuusi Qarraminohunna Reyinohu Mayiraati?
    Yihowa Mangiste Egensiissannota Agarooshshu Shae (Xiinxallote Ittime)—2016
  • Yesuusi Reyo Gatissannonkehu Hiittoonniiti?
    Hegerera Hagiidhitanni Heeꞌra Dandaatto!—Qullaawa Maxaafa Xiinxalli
  • Yesuusi Kiristoosi Ayeti?
    Maganuwiinni Dayinoha Dancha Duduwo!
Yihowa Mangiste Egensiissannota Agarooshshu Shae—2014
w14 3/1 qool. 3-6
Annu qaaqqisi ledo kalaqama lae hagiidhanni no

AANIIDI QOOLIHA COYI UMO

Maganu Assinoheri Maati?

‘Iso [Yesuusa] ammaꞌninohu duuchu hegere heeshsho afiꞌranno gede ikkinnina, baꞌꞌannokki gede, Maganu mitto Beettosi reyote sayise aa geeshsha daga baxino.’—Yohaannisi 3:16, Haaro Gondooro, 1993 M.D.

Lowo manni afinotenna duucha wote kulannote Qullaawu Maxaafi xiqisubba giddo mitte tenneeti. Mannu, “Maganunna mannu mereero noo fiixoomanna gatote doogo togo qucuꞌmi assite” kultannoti wole xiqise dino nafa yaanno. Hakko daafira mitu qooxeessira, mannu tenne xiqise gudise woy “Yohaannisi 3:16” yaannoha calla dukkote aana woy girgiddaho, makeenaho, woy wole basera gaꞌnanno.

Qoleno, tenne xiqise borreessiꞌre gaꞌnanno manni Maganu baxannonke daafira hegere heeshsho afiꞌneemmo yee ammanannoha lawanno. Atina? Maganu baxillire hedatto wote mayi macciishshamannohe? Maganu ate baxannota leellishate maa assinoha lawannohe?

“MAGANU . . . DAGA BAXINO”

Duuchu manni illete leeltannota kalqete alame, kalaqonna manna umosi kalaqinohu Magano ikkinota ammananno. Heeshshote kalaqami mannu surrera aleenni ikkinohanna dancha gede loosaminoha ikkino daafira, assaawate dandoo noosi Kalaqaanchi no yee ammana garaho. Maganu heeshsho uyinonsa daafira barru barrunku iso galatanno manni shiima diꞌꞌikkino. Qoleno kuni manni heeshshote hasiisannore baala lawishshaho ayyare, waa, sagalenna uullate aana noota kalaqamu doyicho afiꞌrannohu Maganuwiinni ikkinota ammananno; lubbote heeꞌranna loosanno loosinni hagiidha dandaannohu togoori heeꞌrirooti.

Konni baalunku coyira Magano galata hasiissannonke; korkaatuno Kalaqaanchinkenna lubbote worinonkehu isooti. (Faarso 104:10-28; 145:15, 16; Hawaariyaatete Looso 4:24) Maganu lubbote heeꞌnammora yee assinore baala hendeemmo wote, isi mageeshshi geeshsha baxannonkero huwanteemmo. Hawaariya Phaawuloosi togo yiino: “[Maganu] manna baalaho heeshsho, foolenna baalanka coye aanno. Korkaatuno heeshsho afiꞌnoommohu, milli yineemmohunna heeꞌnoommohu isinniiti.”—Hawaariyaatete Looso 17:25, 28.

Ikkollana, Maganu baxannonketa leellishinohu maalaamittete hasiisannonkere oye calla diꞌꞌikkino. Saadatewiinni bade ayyaanaamu coyira hasatto heedhannonke gede asse ayirrisinonke; qoleno tenne hasattonke wonshiꞌneemmo gede kaaꞌlannonke. (Maatewoosi 5:3) Konni garinni, hajajamanno manni Maganu maate ledo karsame ‘oososi’ ikka dandaanno.—Roomu Sokka 8:19-21.

Yohaannisi 3:16 aanchite yitannonte gede, Maganu Beettosi Yesuusa uullara soye baxannonketa leellishino; isi tenne assinohu Yesuusi Maganisirenna Annisire rosiisannonke gedeetinna ninkera yee reyanno gedeeti. Ikkirono batinyu manni, Yesuusi ninkera yee reya hasiissinosihu mayiraatiro, hattono isi reyo Maganu baxille leellishshannohu hiittoonniitiro dileellannonke yaanno. Hanni Qullaawu Maxaafi Yesuusi mayira reyino yaannoronna reyosi maaho kaaꞌlitanno yaannoro laꞌno.

‘MITTO BEETTOSI UYINO’

Mannu ooso gudisidhe xibbaho, geedhimmatenna reyote saꞌe aamantino. Maganu Yihowati hundi hedo kayinni tenne diꞌꞌikkitino. Isi umi labbaahunna meyaatera uullate aana gannatete hegerera heedhanno gede faro faninonsa. Ikkollana, hattee heeshsho afidhannohu yinoonninsare wonshiturooti: hakkuno, Maganoho hajajama hasiissannonsa yaate. Maganu, hajajama hoogginiro reyitinanni yiinonsa. (Kalaqo 2:17) Umi manchi kayinni Maganu silxaanera finqilino; konni garinni umisiranna oososira reyo abbino. Hawaariya Phaawuloosi tenne xawisanni togo yiino: “Cubbu mittu manchi widoonni alame ei, reyo qolte cubbu widoonni eꞌino; baalunku cubbo loossino daafira reyo manna baalaho tuqqino.”—Roomu Sokka 5:12.

Ikkollana, Maganu “taashsho baxanno.” (Faarso 37:28) Maganu umi manchi afanni heeꞌrenni loosino cubbo lashshi asse sainokkiha ikkirono, mittu manchi finqillenni kainohunni mannu baalunku hegerera qarramanninna reyanni heeꞌrara wore diagurino. “Lubbote bayicho lubbo” yitanno higge garinni, taashsho woꞌmitanno gede assannore qixxeesse hajajamanno manni hegere heeshsho afiꞌranno faro haaro ikke fanino. (Wolapho 21:23) Ikkina, Addaami huninota guuta mannu heeshsho qolate mayi hasiisanno? Addaami heeshsho ledo taalo waaga afidhinota guuta manchu heeshsho kaffalannohu woy kakkalo asse shiqishannohu hasiisanno.

Yesuusi iima heeꞌre, uullate daafiranna Maganu baxanno mannira assannore hedanni no

Yesuusi mannu ooso cubbunninna reyotenni gatisate yee uullara daye heeshshosi sayise uyino

Guunte xeꞌinoti Addaami ooso konne waaga kaffaꞌla dandiitannokkiti egennantinote; Yesuusi kayinni kaffala dandiino. (Faarso 49:6-9) Yesuusi cubbo ragiꞌrikki ilamino daafira, alba Addaami gede guutaho. Konni daafira, Yesuusi heeshshosi sayise oye mannu ooso cubbu borojjimma giddonni wodino. Konni garinni, Addaaminna Heewani ooso alba Addaami heeꞌrinota guuta heeshsho afidhanno gede faro fanino. (Roomu Sokka 3:23, 24; 6:23) Maganu shaqqillenna baxille xawissannote tenne qixxaawonni horo afiꞌrate ninke assa hasiissannonkeri nookka?

‘YESUUSA AMMAꞌNINOHU DUUCHU’

Yohaannisi 3:16 aana, ‘Yesuusa ammaꞌninohu duuchu hegere heeshsho afiꞌranno gede ikkinnina baꞌꞌannokki gede’ yitanno assaawe no. Hatto yaa, hegere heeshsho afiꞌrate assa hasiissannonkeri no yaate. “Hegere heeshsho” afiꞌra hasiꞌneemmoha ikkiro, Yesuusa ammana calla ikkikkinni isira hajajamano hasiissannonke.

‘Hajajama yaannohu mama no? Yesuusi “hegere heeshsho afiꞌranno” yiinohu iso ‘ammananno’ manna diꞌꞌikkino?’ yite hedattoha ikkara dandaanno. Ee, iso ammana lowo geeshsha hasiissannote. Ikkollana, Qullaawu Maxaafi yaanno garinni Yesuusi noota ammana calla guda diꞌꞌikkitino. Mittu maxaafi yaanno garinni, Yohaannisi koye horoonsiꞌrinohu Girikete qaali, “mitto coye mulla ammane adha calla ikkikkinni ammanne mitore assa” yitanno tiro afiꞌrinoho. (Vayinis Ekispoziteri Dikshineri Ovi Old Endi Niwu Testament Wordis) Mittu manchi Magano hagiirsiisa hasiꞌrannoha ikkiro, Yesuusi Gatisaancho ikkinota ammane adhatenni sainore assa hasiissannosi. Qoleno Yesuusi rosiisino roso harunsate sharrama hasiissannosi. Mittoreno assinikki anera ammana nooe yaa kaphoho. Qullaawu Maxaafi, “Loosu nookki ammana reyitinote” yaanno. (Yaaqoobi 2:26) Wole yaattonni, Yesuusa ammananno manchi iso ammanannota leellishannore assa, yaano ammanasi ledo sumuu yaanno garinni heeꞌra hasiissannosi yaate.

Phaawuloosi tenne hedo togo yee xawisino: “Mittu manchi [Yesuusi] baalunkura reyinota huwantoommo daafira, Kiristoosi baxilli xixxiiwannonke; . . . Lubbote noori xaate uminsara heeꞌra agurte insara yee reyinohuranna reyotenni kainohura heedhanno gede, isi baalunkura reyino.” (2 Qorontoosi 5:14, 15) Yesuusi kakkalora addinta galatu heeꞌrinkero, albi heeshshonke soorriꞌne yaano uminke hasattora heeꞌra agurre reyinonkehura Yesuusira heeꞌneemmo. Hatto yaa, heeshshonke giddo wolu coyinni roorsine Yesuusi rosiisino roso harunsineemmo yaate. Konnira kaffi assine laꞌneemmo coye, doorshanke, hattono assootenke baala soorriꞌra hasiissannonke. Yesuusa ammantannorinna iso ammantannota loosunni leellishshannori mayi atoote afidhanno?

“HEGERE HEESHSHO AFIꞌRANNO GEDE IKKINNINA, BAꞌꞌANNOKKI GEDE”

Yohaannisi 3:16, wodote kakkalo ammantannota loosunni leellishshannorira, hattono maganittete seeri garinni heedhannorira Maganu dirrisanno atooteno kultanno. Maganu kuni ammanamino manni ‘baꞌꞌara ikkikkinni hegere heeshsho afiꞌrara’ hasiꞌranno. Maganu baxillunni qixxeessino qixxaawonni horo afiꞌranno manni babbaxxitino hexxo afiꞌrino.

Yesuusi hexxo uyino garinni, mitte gaamo hegere heeshsho afidhannohu iimaati. Isi ammanantino rosaanosira bayicho qixxeesseenna ledosi ayirrinyunni mookkannota xawise coyiꞌrino. (Yohaannisi 14:2, 3; Filiphisiyusi 3:20, 21) Iima heeshsho afiꞌrate reyotenni kaꞌannori “Maganohonna Kiristoosira kakkalaano ikkitanno; hattono isi ledo 1,000 diro nugussa ikkite gashshitanno.”—Ajuuja 20:6.

Kiristoosi harunsaano giddo tenne qoosso afiꞌrannohu shiima mannaatilla. Isinni Yesuusi togo yiino: “Shiima hoshsha, Anniꞌne Mangiste aaꞌnera baxino daafira waajjitinoonte.” (Luqaasi 12:32) Tini “shiima hoshsha” kiiro meꞌꞌe ikkitanno? Ajuuja 14:1, 4 togo yitanno: “Kuneeti! Geꞌrechu [reyotenni kainohu Yesuusi Kiristoosi] [iimihu] Tsiyooni Ilaalira uurre heeꞌreenna laummo; qoleno isi suꞌminna Annisi suꞌmi albinsara borreessaminori 144,000 manni ledosi uurre no. . . . Kuri Maganohonna Geꞌrechoho umire ikkitara mannu ooso mereerinni wonde abbinoonnireeti.” Xaa geeshsha uullate aana heeꞌrinohu kiirre tunqannikki biliyoone ikkanno manni ledo heewisiinsiro, 144,000 manni ‘shiima hoshshaati’ yaa garankolla. Insa nugussa ikkitanno yinina, ayeoo gashshitanno?

Yesuusi iimi Mangiste hunda atoote afidhannoti layinkiti ammanantino gaamo nootano coyiꞌrino. Yohaannisi 10:16 aana Yesuusi togo yiino: “Konni gooꞌraani wido ikkinokkihu wolu geꞌreewi nooe; kurino abba hasiissannoe, insano huuroꞌya macciishshitanno; hoshshano mitte ikkitanno, allaalaanchuno mitto ikkanno.” Kuni “geꞌreewi” uullate aana hegere heeshsho, yaano umo Addaaminna Heewani heedhu heeshsho afiꞌrate quqquxamanno. Insa uullate aana heedhannota mayinni anfeemmo?

Qullaawu Maxaafi uulla Gannate ikkitannota duucha bayicho kulanno. Tenne ati umikki laꞌꞌatto gede Qullaawu Maxaafikki giddonni aante noo xiqisubba fante nabbawi: Faarso 37:9-11; 46:8, 9; 72:7, 8, 16; Isayyaasi 35:5, 6; 65:21-23; Maatewoosi 5:5; Yohaannisi 5:28, 29; Ajuuja 21:4. Tini xiqisubba olu, hude, xiwanunna reyo baꞌannota kultanno. Qolteno, danchu manni mine miꞌne, uminsa uulla loosiꞌre, hattono salaame noo qooxeessira ooso ile lossiꞌre hagiidhanno yanna daggannota xawissanno.a Tini hexxo diquqquxxannohe? Tini coyibba muli yanna giddo woꞌmitannota ammanneemmo gede assannonkehu baqete korkaati no.

MAGANU LOWORE ASSINONKE

Maganu aterano mannu ooso woꞌmantera assino coye baala heeshshi gotti assite hedittoro, isi kageeshsha assinonkeri lowore ikkinota huwatatto. Isi heeshsho, hayyo, guuta ikka hooggurono fayyimma, hattono heeshshote hasiisannore uyinonke. Hakkiinni saeno, Yohaannisi 3:16tenni ronsummonte gede Maganu, ninkera yee reyinohu Yesuusi widoonni qixxeessinoti wodote kakkalo kawiinni roorino atoote abbitannonke.

Xiwanu, olu, hude woy reyo nookkiha salaamenna hagiirsiisannori woꞌminowa hegerera heeꞌneemmo wote, gawalo nookki hagiirrenna atoote afiꞌneemmo. Konne baala atoote afiꞌneemmohu kayinni doodhineemmo coyi garinniiti. Xa heda hasiissannohe xaꞌmo, Ani Maganoho Ma Assanni Noommoyya? yitannote.

a Tenne haammata masaalore ledde afate, Yihowa Farciꞌraasine qixxeessitinoha Qullaawu Maxaafi Addinta Mayyee Rosiisanno? yaanno maxaafa fooliishsho 3 lai.

    Sidaamu Afii Borro (1995-2025)
    Fuli
    Ei
    • Sidaamu Afoo
    • Woleho Soyi
    • Addi Addi Doorsha
    • Copyright © 2025 Watch Tower Bible and Tract Society of Pennsylvania
    • Sheemaate
    • Foju Biddishsha
    • Privacy Settings
    • JW.ORG
    • Ei
    Woleho Soyi