Murciꞌra

Yesuusi Assinore

VIIDIYO: Yesuusi Niqoodimoosi Rosiisi

1. VIIDIYO laꞌe; woy Yohaannisi 3:1, 2 nabbabbe. Hakkiinni, tenne xaꞌmuwa hiince:

1. Niqoodimoosi Yesuusiwa hashsha marinohu mayira ikkara dandaanno?—Yohaannisi 12:42, 43 lai.

2. Yesuusi Niqoodimoosi hashsha hasaawisasi, manna rosaano assate murciꞌrinota leellishshannohu hiittoonniiti?

Yesuusi Assinorinni Maa Ronseemmo?

2. Manna banxeemmo daafira, insa Yesuusi rosaano ikkitanno gede kaaꞌlate murciꞌnoommo.

Yesuusi Faale Hadhe

3. Xiinxallissinanni manchira injiitanno yannaranna basera hasaabbe. Lamalate giddo injaannosi barra woy saate bade kulinoꞌneha ikkara dandaanno. Loosanno bayicho, qaesira, woy boohaarshu basera xiinxalliro roore baxakka? Dandaami deerrinni, isira roore injaannosi bayichonna yannara xiinxallisate pirogiraameꞌne biddi assidhe.

4. Ganyitine xiinxallissesi. Doogo hadhinanniha ikkiro, xiinxallo gatte baꞌoonkesi. Hatteentenni, aane noore assate woꞌnaalle:

1. Hatte lamalankura wole barra xiinxallisa dandiitinakka?

2. Silketenni woy viidiyotenni xiinxallisa dandiitinakka?

3. Wole xiinxallisanno halashshaancho wora dandiitinakka?

5. Gara ikkitino lao heedhannoꞌne gede huuccatto assidhe. Ganye xiinxallate injaannosikkiha woy Qullaawu Maxaafi yaannore assa qarra ikkitannosiha ikkiro nafa, iso kaaꞌlate murcidhinanni gede kaaꞌlaꞌnera Yihowa huuccidhe. (Fil. 2:13) Xiinxallissinanni manchira lowohu danchu akati noosiha ikkara dandaanno; tenne akatta illachishshinanni gede huuccatto assidhe.