ROSO 20
Kiristaanu Songo Qinaabbinohu Hiittoonniiti?
Yihowa seeru Maganooti ikkinnina luulu Magano diꞌꞌikkino. (1 Qorontoosi 14:33) Hakko daafira, mannisi qinaawinoha ikkanno yee heda garankolla. Kiristaanu songo qinaabbinohu hiittoonniiti? Songo qinaabbinota ikkite heedhanno gede ninke kaaꞌla dandiineemmohu ma garinniiti?
1. Songote umi ayeti?
“Kiristoosi . . . beetekiristaanete [“songote,” NW] umoho.” (Efesooni Sokka 5:23) Isi gordoho heeꞌre, alamete doyichora noohu Yihowa manni loosanno looso massaganno. Yesuusi “ammanaminohanna wodanaamo borojjicho” shoomino; kuni borojjichi ayyaanaamittetenni gikki yitino cimeeyye amaddinote shiima gaamooti; tenne gaamo Aliidi Bisono yinanni. (Maatewoosi 24:45-47 (NW) nabbawi.a) Umi xibbi diro Yerusaalamete noo soqqamaasinenna cimeeyye gede, Aliidi Bisino alame woꞌmate noo songuwara biddishsha aanno. (Soqqamaasinete Looso 15:2) Ikkollana, kuri labballi dirijjitenkera murroota diꞌꞌikkitino. Insa Yihowa biddishsha afiꞌrate Qullaawa Maxaafa xiinxallitanno; hattono Yesuusi aannonsa biddishshira hajajantanno.
2. Cimeeyyete qeechi maati?
Cimeeyye lowo diro Maganoho ammanante soqqantino labballooti; insa Yihowa manna Qullaawu Maxaafinni rosiissanno, kaaꞌlitanno, hattono jawaachishshanno. Insa konne looso loossannohu woxe baanteennansa diꞌꞌikkino. Hatteentenni insa ‘Maganu hedo garinni baxxe allaaltanno’; hattono ‘woxeho hagaagatenni ikkikkinni, soqqamate noonsa halchonni’ soqqantanno. (1 Pheexiroosi 5:1, 2) Songote giddo cimeeyye kaaꞌlitannori songote soqqamaasine no; insano yannate gedensaanni cimeeyye ikkite soqqamate ikkadda ikka dandiitanno.
Aliidi Bisi mite cimeeyye woradu aliidi laꞌꞌaano ikkite soqqantanno gede shoomanno. Woradu aliidi laꞌꞌaano, babbaxxitino songuwa towaattanni roduuwaho biddishsha uyitanno, hattono jawaachishshanno. Qoleno insa Qullaawu Maxaafi giddo noo guunte wonshitino labballo cimeeyyenna songote soqqamaasine assite shoontanno.—1 Ximootewoosi 3:1-10, 12; Tiito 1:5-9.
3. Mittu mittunku Yihowa Farciꞌraasinchi qeechi maati?
Songote giddo noori baalunku addi addi doogonni ‘Kaaliiqi suꞌma galattanno’; lawishshaho songote gambooshshi yannara dawaro qoltanno, kifilla shiqishshanno, hattono faarso faarsitanno; qoleno wolqansa assitu deerrinni mannaho halaale kultanno.—Faarso 148:12, 13 nabbawi.
LEDDE XIINXALLI
Yesuusi hiittoo Massagaanchootiro, songote cimeeyye isi faale haꞌrate sharrantanno garanna ninkeno Yesuusira hajajamanna cimeeyyete ledo kaaꞌlamme loosa dandiineemmo gara rosi.
4. Yesuusi shaqqado Massagaanchooti
Yesuusi Massagaanchonke assine doodhinammosira baxillunni koyisinonke. Maatewoosi 11:28-30 nabbabbe; hakkiinni tenne xaꞌmo hasaabbe:
Yesuusi Massagaanchonsa ikkino manni maa afiꞌranno?
Cimeeyye Yesuusi faale hadhannohu hiittoonniiti? VIIDIYO laꞌe.
Qullaawu Maxaafi songote cimeeyye loosonsa ma garinni loosa hasiissannonsaro xawise kulanno.
Isayaasi 32:2 nna 1 Pheexiroosi 5:1-3 nabbabbe; hakkiinni aante noo xaꞌmuwa hasaabbe:
Cimeeyye Yesuusi gede mannaho duha shaashshate woꞌnaaltannore ikkitinota hedatto woyite mayi macciishshamannohe?
Cimeeyye Yesuusi lawishsha harunsitannoti wole doogga hiikkuriiti?
5. Cimeeyye lawishsha ikkite rosiissanno
Yesuusi cimeeyye loosonsa ma garinni loossara hasiꞌranno? VIIDIYO laꞌe.
Yesuusi songote giddo albisa ikkite soqqantannori hiittoore ikka hasiissannonsaro rosiisino. Maatewoosi 23:8-12 nabbabbe; hakkiinni tenne xaꞌmo hasaabbe:
Qullaawu Maxaafi cimeeyye hiittoore ikka hasiissannonsa yaanno? Ammaꞌnote murrooti hattoore labbannohe?
Cimeeyye insano maatensano ayyaanaamittetenni kaajjite heedhanno gede assate sharrantanno
Cimeeyye songote giddo noore baalanka towaattanno
Cimeeyye ganyite sabbakkanno
Cimeeyye rosiisaanote. Insa addaraashe feyanna wole loosono kaaꞌlitanno
6. Cimeeyyete ledo kaaꞌlamme loosa dandiineemmo
Qullaawu Maxaafi cimeeyyete ledo kaaꞌlamme loosa hasiissannonkehu mayiraatiro kulanno. Ibiraawoota 13:17 nabbabbe; hakkiinni aante noo xaꞌmuwa hasaabbe:
Qullaawu Maxaafi kulanno garinni, albisa ikkite soqqantannorira hajajamanna maahoyye yee gala hasiissannonkehu mayiraati? Ati tennera mayyaatto?
Luqaasi 16:10 nabbabbe; hakkiinni aante noo xaꞌmo hasaabbe:
Shiimu coyira nafa cimeeyyete hajajama hasiissannohu mayiraati?
MITU MANNI TOGO YAANNO: “Ammaꞌnote giddora eittokki Magano umikkinni magansiꞌra dandaatto.”
Magano songote ledo mitteenni magansiꞌra maa maaho kaaꞌlitannoha lawannohe?
XAPHISHSHA
Songote umi Yesuusaati. Isi hunda soqqantanno cimeeyye jawaachishshannonkenna lawishsha ikkite rosiissannonke daafira, insa ledo hagiirrunni kaaꞌlamme loonseemmo.
Kageeshsha Rosoottore
Songote umi ayeti?
Cimeeyye songo kaaꞌlitannohu hiittoonniiti?
Mittu mittunku Yihowa soqqamaanchi qeechi maati?
EGENNO LEXXI
Aliidi Bisinna wole cimeeyye xaa yannara noo Kiristaanira mageeshshi geeshsha qarrantannoro leellishshanno taje wodanchi.
Woradu aliidi laꞌꞌaano loossanno loosi daafira ledde rosi.
Songote giddo meentu qeechi maatiro huwati.
“Yihowa Farciꞌraasinewa Meentu Soqqama Dandaanno?” (Agarooshshu Shae, Wocawaaro 1, 2012)
Cimeeyye ammanate roduuwansa jawaachishate diinaggaabbanno gara ledde rosi.
a Maatewoosi 24:45-47 (NW): “Minisi mannira sagale hasiissanno yannara aannonsa gede, Mootichu minisi manni aana shoominohu ammanaminohunna wodanaamu borojjichi addinta ayeti? Mootichisi daanno woyite tenne assanna afannosiha ikkiro, hakku borojjichi hagiirraamoho! Halaale yeemmoꞌnena, mootichu jajjisi baalu aana shoomannosi.”