Lawishsha Ikkannoha Hasaawu Bitima

Aganunnite umi qidaamera Qullaawu maxaafi xiinxallo jammarsiisa

“Tenne xagge ikkitanno xaꞌmo kayinse mannu ledo haransine hasaambanni haꞌnanni heeꞌnoommo. [Ella 1nnite Agarooshshu Shaera badhiidi qoolira noota umi xaꞌmo leellishi.] Tenne xaꞌmora ati mayyaatto?” Dawaro qola geeshsha agari. Umi xaꞌmo hunda noo assaawenna ajayi ajeenna mitte xiqise nabbabbeenna hasaabbe. Metseetta uyitesi kaꞌe, aante noo xaꞌmo hasaawate dinye amadi.

Agarooshshu Shae Ella 1

“Sijaara aga diru dirunku 6,000,000 meddi yaanno manna shitanno. Togoo reyo gargarate assa dandiinanniri nooha lawannohe? [Dawaro qola geeshsha agari.] Lowo manni, sijaara aga lainohunni Maganoho mayi lao noosiro afansa sijaara aga agurtanno gede kaaꞌlitinonsa. Lawishshaho, tini Qullaawu Maxaafi xiqise mitu manni sijaaru wole manna gawajjanno gara seekke heddanno gede assitinonsa. [1 Qorontoosi 10:24 nabbawi.] Tini metseete Maganu hedo afa sijaara aga agurate kaaꞌlitannohu hiittoonniitiro kultanno.”

Baqqi Yiiyye! Ella

“Dagoomittete aante kalaqiꞌnanni webisayite jaalooma kalaqiꞌra mannaho albinni roore shota ikkitanno gede assitino. Ati halaalaancho jaalaati yaattohu hiittoo akati noosi manchooti? [Dawaro qola geeshsha agari.] Jaalooma lainohunni loosu aana hosiisa dandiinanni amaale Qullaawu Maxaafi giddonni kulohe? [Yaaqoobi 1:19 nabbawi.] Tini metseete dancha jaala ikkate kaaꞌlannonkeha shoole biddishsha amaddino.”