Xaꞌmo Xaꞌma

Maatewoosi 16:13-16

ASSA HASIISSANNOHERE: Macciishshaano afate quqquxante macciishshitanno gede assate, roso heeshshi gotti assite heddanno gedenna qara hedo luphi assate hayyotenni xaꞌmo xaꞌmi.

KONNE ASSA DANDAATTO GARA:

• Afate quqquxante macciishshitanno gede assi. Macciishshaano hajote daafira heddanno gede woy dawaro afate quqquxantanno gede assitanno xaꞌmo xaꞌmi.

• Coye heeshshi gotti assite heddanno gede assi. Roso ammansiisanno garinni shiqishate, qara hedo xabbe leeltanno gede assitanno xaꞌmuwa xaꞌmi.

• Qara qara hedo luphi assite xawisi. Mitte qara hedo coyiꞌrattora albaanni, quqquxammanni gede assitanno xaꞌmo xaꞌmi. Mitte qara hedo xawisitto gedensaanni woy kifilekki jeefisatto woyite xaphishshu xaꞌmo xaꞌmi.