Maganu Mangiste Maa Maa Assitanno?

Qullaawu Maxaafi mayyaanno?

Maganu Mangiste mannu gashshoote baala hunte uulla gudisse gashshitanno. (Daanieeli 2:44; Yohaannisi Ajuuja 16:14) Hatte yannara Maganu Mangiste . . .

• Uminsa daafira calla heddanni woloota gawajjitannore bushuulle gudisse huntanno. Qullaawu Maxaafi, “Bushuulle kayinni Kaaliiqi baattote aaninni haaꞌre hoolanno” yaanno.—Lawishsha 2:22.

• Ola baala hooltanno. “[Maganu] baattote qacce geeshsha nooha ola uurrisanno.”—Faarso 46:9.

• Uullate aana atootenna keere abbitanno. “Mannu annu annunkunni kaasiꞌrino balasenna woyinete caali hunda, harshammi yite fooliishshidhanno; masisannonsari diheeꞌranno.”—Mikiyaasi 4:4.

• Uulla gannate assitanno. “Molo baatto hagiidhitanno; halalli baattorano daraaro fultanno.”—Isayaasi 35:1.

• Mannu baalunkura hagiirsiisannohu kaajju loosi heeꞌranno gede assitanno. “Manniꞌya . . . loosiꞌrinorinnino seeda diro hagiidhanni heeꞌranno. Assidhannori baalu qinaannonsa.”—Isayaasi 65:21-23.

• Dhibba huntanno. “Tsiyooni heeꞌranno manni giddo, ‘Dhiwamoommo’ yaannoha dianfanni.”—Isayaasi 33:24.

• Geedhimma huntanno. “Manninatisi bashshowa higanno; anje wolqasi galagalte daggannosi.”—Iyyoobi 33:25.

• Reyitinore kayissanno. “Waammate giddo noori huurosi [Yesuusita] macciishshitanno yanna dagganno.”—Yohaannisi 5:28, 29.