Fampilira amy Fizarà Faha-14

Nitory ty vaovao soani-Fanjakà iny amy faritsy farany lavitsy ty Kristiana tamy taonjato voalohany. Natoroni-Jesosy an-drozy ze pilasy tokony hitoria, le nampeany koa rozy soa ho afaky hampianatsy an’olo rey amy ty fivolanan-drozy. Nampeani-Jehovah hahasaky rozy sady nameany hery hiatreha fanenjeha.

Natoroni-Jesosy ani-apostoly Jaona tamy fahità ty voninahitsini-Jehovah. Nihitani-Jaona tamy fahità hafa koa hoe nandresy ani- Satana noho ty fanjakàny ty Fanjakàni-lanitsy. Nihitani-Jaona koa fa Mpanjaka Jesosy, le nisy 144 000 miaraky manjaka aminy. Nihitany koa tany toy iaby fa lasa paradisa, le manompo ani-Jehovah iaby ty olo sady miharo raiky.