Manàna Antony Soa mba Hanoriha ty Liani-Jesosy

6:9-11, 25-27, 54, 66-69

Lafa nanao fanohara raiky Jesosy ndraik’andro, le nisarotsy tamy mpianatsy reo ty nahazo azy. Nahavoafinga ty ilany raha iny ka tsy niaraky nandeha taminy sasy rozy. Vo nomalini-andro io, le nanome hany an-drozy tamy alalani-fahagagà Jesosy, ka nanaporofo hoe baka amy Ndranahary ty hery ananany. Ka ino ty nahavoafinga an-drozy? Hita hoe nisy fitiavan-tena ty antony nanorihan-drozy ty liani-Jesosy. Filà tombony avao ro niarahan-drozy taminy.

Soa laha mametsivetsy tsika kiraidraiky hoe: ‘Ino ty tena antony anorihako ty liani-Jesosy? Ty fitahia fa niazoko noho ty fitahia tamaniko ho azo va? Sa ty fitiavako ani-Jehovah noho ty faniriako hampifalifaly azy?’

Manino tsika ro mety ho voafinga laha retoa ro tena antony manosiky antsika hanompo ani-Jehovah?

• Tea miaraky amy vahoaki-Ndranahary

• Ta hiay amy Paradisa ao