5-11 OÒH

SALAMO 70-72

Hira 59 noho Vavaky | Safà Fampilira (1 min.)

HANANA LAFOVILY BAKA AMY BAIBOLY

1. ‘Resaho amy Taranaky Afara any’ ty Heri-Ndranahary

(10 min.)

Nitsapan’i Davida hoe niaro azy Jehovah tamin’ie mbo nitanora (Sl 71:5; w99 1/9 18 § 17)

Tsapan’i Davida hoe mbo nanoha azy avao Jehovah ndre fa antitsy ie (Sl 71:9; g04 10/8 23 § 3)

Nampahery ty tanora Davida lafa ie nitantara ty raha niainany tamin-drozy (Sl 71:17, 18; w14 15/1 23 § 4-5)

Fianakavia tamy sary tamy anjara natao tamy herinandro lasa hoe “Torolala Mikasiky Fotoam-pivavahan’ny Fianakavia.” Manasa mpivaly fa be tao rozy lafa nanao fotoam-pivavahan’ny fianakavia sady falifaly mijanjy an’ny mpivaly be tao rey lafa rozy mampiseho sary noho mitantara ty raha niainan-drozy.

ERITSERETO ZAO: ‘Ia ty olo fa ela nanompo an’i Jehovah amy fiangona eo teako hadikadìny lafa zahay manao fotoam-pivavahan’ny fianakavia?’

2. Safira Ara-panahy

(10 min.)

Sl 72:8: Akory ty nahatanteraky an’ny raha nampitamanin’i Jehovah an’i Abrahama amy Genesisy 15:18 ao iny, tamy andron’i Solomona Mpanjaka? (it-1 464)

Valin-teninao
Ino ty safira ara-panahy teanao horesahy tamy famakia Baiboly tamy herinandro toy?

Valin-teninao

3. Famakia Baiboly

(4 min.) Sl 71:1-24 (th fianara 5)

FIANARA MANOMPO

4. Mahaiza Manombo-dresaky

(3 min.) SANTRANO. Laha ta hialy hevitsy olo iny le tampero resaky iny, fe miezaha ho soa fanahy. (lmd fianara 4, hevitsy 5)

5. Manaova Fimpolia Mitsidiky

(4 min.) TSY ARA-POTOA. Tohizo ty resaky nifanaovanao tamy longonao raiky misalasala hianatsy Baiboly na tsy maneky ty raha sisany ampianarin’ny Baiboly. (lmd fianara 8, hevitsy 4)

6. Hazavao ty Raha Inoanao

(5 min.) Lahateny. ijwfq 49: Foto-kevitsy: Manino ro Nisy Niova ty Raha Inoan’ny Vavolombelon’i Jehovah? (th fianara 17)

TY FIAINANTSIKA KRISTIANA

Hira 76

7. Raha Azo Atao Fotoam-pivavahan’ny Fianakavia

(15 min.) Fiaraha midiniky.

Mitsanga fianakavia iny sady mihira hiran’ny Fanjakà iny.

Manao fanazaran-tena fianakavia iny amy fotoam-pivavahan-drozy. Mamaly ty fanontanea apetrakin’ny mamany ty raiky amy anakampelany rey.

Tena vatan-draha ty fotoam-pivavahan’ny fianakavia satria io ty anisan’ny fotoa ahafahan’ny ajà mandramby ty “anatsy amean’i Jehovah noho ty raha atorony.” (Ef 6:4) Tsy mora ty hoe mianatsy, fe mety ho anisan’ny raha mahafalifaly koa, sirtò lafa manomboky mahazo tavy ty fahamarina amy Baiboly ao ty ajà. (Jn 6:27; 1Pe 2:2) Resaho ty raha amy efajoro hoe “Raha Azo Atao Fotoam-pivavahan’ny Fianakavia” fa misy soso-kevitsy afaky manampy ty ray aman-dreny mba hahavy ty fotoam-pivavahan-drozy ho soasoa noho handrambesa fianara, bakeo iaraho midiniky fanontanea retoa:

Aia amy soso-kevitsy reo ro teanareo hiezaha hatao?

Valin-teninao
Misy raha hafa ankoatsini-reo koa va hitanareo hoe mahasoa?

Valin-teninao

RAHA AZO ATAO FOTOAM-PIVAVAHAN’NY FIANAKAVIA

BAIBOLY:

Mijanjìna famakia Baiboly sankerinandro nalà feo, na nareo mihintsy ro mamaky azy. Afaky mifandimby mamaky ty safàn’olo samby hafa amy tantara iny ao nareo
Manomàna fanontanea vitsivitsy miory amy famakia Baiboly sankerinandro. Bakeo ampifilio fanontanea raiky ty kiraidraiky amy fianakavia ao mba hikarohany ty valiny. Afaky miresaky ty fikaroha nihitany noho ty raha nianarany amy zay rozy afarani-zay
Mametraha fanontanea raiky na miresaha raha sarotsy mety hiseho, bakeo ilao amy Andinin-teny Manampy amy Fiainantsika Kristiana ao ty torolala mifandramby amy raha iny
Mihisà tantara raiky baka amy Baiboly ao
Manamboara karta raiky sankerinandro le asio andinin-teny vitsivitsy. Ataovo ze hahaizanareo tsianjery an’ny andinin-teny reo. Azonao ampiasà, ohatsy, ty andinin-teny baka amy fanazavà fanampiny 1 amy bokikely hoe Tiavo ty Olo ka Ampianaro. Ampolio hentea ndraiky karta fa nampiasanareo taloha teo rey
Mianara hevitsy vitsivitsy na fianara raiky baka amy boky hoe Ho Azonao Tavy ty Fiaina Zisiky Farany!
Manendrea olo amy fianakavia ao mba hanazava lahatsoratsy raiky baka amy lahatsoratsy mifampitohy hoe “Valin’ny Fanontaniana Ara-baiboly” na ty hoe “Fanazavana Andinin-teny,” ambanin’ny fizarà hoe FAMPIANARAN’NY BAIBOLY amy jw.org ao

FIVORIA:

Manomàna ampahany amy fivorian’ny fiangona
Manomàna valin-teny, le ataovo fanazaran-tena ty valin-teninareo mba tsy ho lava
Ianaro ty hiran’ny Fanjakà iny
Iaraho midiniky hoe ino ty hovolany amin’olo raiky mba hampahereza azy aloha na afaran’ny fivoria, bakeo ataovo fanazaran-tena ty fanaova ani-zay
Laha mana anjaran’ny mpianatsy amy fivoria andavanandro ty raiky aminareo tsy ho ela, le ampanaovo azy famerena anatrehan’ny fianakavia eo tse anjarany iny

FANOMPOA:

Manomàna fitoria santrano
Manomàna fimpolia mitsidiky
Mieritseritsy ty fomba ahafaha mitory tsy ara-potoa, bakeo manao fanazaran-tena hoe akory ty ahafaha manombo-dresaky
Resaho hoe ino ty azonareo atao mba hampitomboanareo ty fanompoanareo amy vanim-potoan’ny Fahatiarova na lafa tsy miasa na tsy mianatsy

RAHA ILÀN’NY FIANAKAVIA:

Ataovo fanazaran-tena ty fomba hiatreha ty raha raiky fa niseho taloha tany na ty raha mety mbo hiseho, ohatsy, hoe tsy manoha an’ny tontolo toy, misy manerisery, misy mampirisiky hampiaraky, na fankalazà fety
Ataovo fanazaran-tena ty tokony hatao lafa misy raha tsy mazava amy ty anakinareo. Atao sahala hoe ray aman-dreny rozy le ampanaovy fikaroha, bakeo manazava ty fikaroha nataon-drozy aminareo

SOSO-KEVITSY FANAMPINY:

Manentea Tele JW bakeo iarahonareo midiniky fandahara iny
Mamakia lahatsoratsy na menentea video raiky baka amy jw.org ao, bakeo iaraho midiniky raha iny
Mandiniha raha baka amy hoe “Tanora” na hoe “Ankizy” ambanin’ny fizarà hoe FAMPIANARAN’NY BAIBOLY amy jw.org ao
Ampolio hentea ndraiky ty fandrambesa an-tsoratsy nataonareo tamy fivoriamben’ny vondrom-paritsy na fivoriamben’ny faritsy
Mandiniha zava-boary raiky na anovo fikaroha ty mikasiky azy, bakeo iaraho midiniky hoe ino ty ianaranareo mikasiky an’i Jehovah baka amy raha iny
Asao koa ty hafa kindraiky mba hanao fotoam-pivavaha miaraky aminareo, le adikadino ie
Mametraha raha kendrè ara-panahy, le iaraho midiniky ty fomba hanatratsira azy
Manaova raha miaraky, ohatsy, hoe mamboatsy sambofiaran’i Noa iny, na miaraky mianatsy sarin-tany noho ty tablò amy Fandikan-tenin’ny Tontolo Vaovao ao na amy boky noho gazetintsika rey

Alefaso ty VIDEO hoe Hasoavo Avao ty Fotoam-pivavahan’ny Fianakavianareo. Fanontanea:

Ino ty azon’ny lahilahy manambaly atao mba ho azon-drozy tavy ty fotoam-pivavahan-drozy morovaly ndre mbo tsy manan’anaky aza rozy?

Valin-teninao

8. Fianara Baiboly

(30 min.) rr toko 13 § 1-6, video fampilira