MANAOVA FIMPOLIA MITSIDIKY
FIANARA 8
Manàna Fahareta
Torolala: “Ty fitiava mahaliny raha.”—1 Kor. 13:4.
Ino ty Nataoni-Jesosy?
1. Henteo VIDEO io, na vakio Jaona 7:3-5 noho 1 Korintianina 15:3, 4, 7. Bakeo diniho fanontanea retoa:
Nanao akory ty fihetsikini-rahalahini-Jesosy rey tamy voalohany lafa nahita azy nitory?
Ino ty mampiseho hoe niezaky nanampy ani-Jakoba rahalahiny avao Jesosy?
Ino ty Ianarantsika Baka amy Jesosy?
2. Mila manam-pahareta tsika satria mety ho elaela ty olo sisany vo haneky ty vaovao soa.
Tahafo Jesosy
3. Milà fomba sankarazany. Ka foroseva olo iny laha tsy avy le maneky hianatsy Baiboly. Laha mety, le mampiasà video na lahatsoratsy mba hanampea azy hahay hoe ino ty atao lafa mianatsy Baiboly le ino ty soa ho azony.
4. Ka mampitaha olo. Tsy mitovy ty olo kiraidraiky. Laha misalasala hianatsy Baiboly na misalasala amy ty raha ampianarini-Baiboly ty olo tsidihinao na ty raiky amy fianakavianao, le diniho hoe ino ty antony mety mahavy azy manao ani-zay. Misy raha sisany ampianarini-fivavaha va fa latsaky vahatsy am-pony ao? Sa ie matahotsy ty fianakaviany na ty namany? Manàna fahareta. Tsy maintsy mbo hieritseritsy ani-raha niresahinao iny avao ie lafa mandeha ty fotoa sady ho tsapany hoe lafovily ty raha volanini-Baiboly.
5. Mivavaha ho ani-ze olo kinto. Angataho Jehovah mba hanampy anao tsy ho kivy noho hahay handanjalanja. Mivavaha mba hahaizanao hoe fa tsy kinto va olo iny ka tokony hajano.—1 Kor. 9:26.