Manino ro Tsy Kaihy ty Vavolombelo Jehovah hoe Fiangona ty Trano Fivavahan-drozy?

Matetiky ty safà Grika nadika “fiangona” amy Baiboly ao, le midika hoe olo miaraky mivory, fa tsy hoe ty trano fivorian-drozy.

Toy misy ohatsy: Lafa nanoratsy ho ahy ty Kristiana ta Roma tany apostoly Paoly, le nandefa fiarahabà ho ahy Akoila noho Prisila, ho zao ty nanampeany ty safàny: “Mampamangy ty fiangona an-tranon-drozy morovaly ao.” (Romanina 16:5) Tsy hoe trano iny ro nifandramby amy Paoly ka nandefasa fiarahabà, fa ty olo na hoe ty fiangona mivory amy trano io ao.a

Zay mahavy anay tsy mikaiky ty trano fivavahanay hoe fiangona, fa kaihinay hoe “Efitrano Fanjakà.”

Manino ro atao hoe “Efitrano Fanjakà ahy ty Vavolombelo Jehovah”?

Retoa ty antony sisany nanaova raha zay:

• Trano raha io na pilasy fivoria ka atao efitrano.

• Mivory ao zahay mba hanompo Jehovah, azy Ndranahary amy Baiboly ao iny sady vavolombelony na hoe miaro ty fahamarinany.​—Salamo 83:18; Isaia 43:12.

• Mivory ao zahay mba hianatsy mikasiky ty Fanjakà Ndranahary, azy nivolany Jesosy matetiky iny.​—Matio 6:9, 10; 24:14; Lioka 4:43.

Manasa anao zahay mba hisafo ty Efitrano Fanjakà marìny anao. Iha mihintsy amy zay ro hahita hoe manao akory ty Vavolombelo Jehovah lafa mivory.