Hasoavo Ty Fanompoanao: Mampiasà Video Lafa Mitory Noho Mampianatsy

MANINO RO VATAN-DRAHA?

Manaitsy maso noho sofy ty video ka midosiky fo. Mahakinto olo raha io sady sarotsy halino. Nampiasa raha hita maso Jehovah lafa nampianatsy ka ohatsy soa hotahafy.—As 10:9-16; Ap 1:1.

Manampy ty fianara 2 noho 3 amy bokikely Vaovao Soa ty video hoe Mana Anara va Ndranahary?, Baka Aminia ty Baiboly?, Ino ty Porofo fa Marina ty Baiboly? Mampirisiky olo hianatsy Baiboly miaraky amintsika noho hanatriky ty fivoriani-fiangona ty video hoe Manino ro Mila Ianara ty Baiboly?, Ino ty Atao Lafa Mianatsy Baiboly?, Ino ty Atao amy Efitrano Fanjakà Any? Azo ampiasà koa ty videontsika lavalava sisany lafa mampianatsy Baiboly.—km 5/13 3.

AKORY TY HANAOVA AZY?

• Alao sandrany ze video teanao hatoro ani-tompon-trano iny

• Manomàna fanontanea raiky na roe voavaly anaty video iny ao

• Henteonareo miaraky video iny

• Iaraho midiniky aminy ty hevitsy bevata

ANOHARO ZAO:

• Avaliho amy farany any taratasy mivalo iny, le resaho ty kôdy (QR) hilira amy video hoe Manino ro Mila Ianara ty Baiboly?

• Atorò azy ty video hoe Ino ty Porofo fa Marina ty Baiboly? le ameo azy ty bokikely Vaovao Soa sady resaho ty fianara 3