Fomba Fampiasà JW Library

AMY FIANARA:

• Amakia Baiboly noho ty andinin-teny ho ani-andro

• Amakia Diary, gazety, noho ty boky hafa. Mampiasà famantaram-pejy

• Anomana ty fivoria ataoni-fiangona noho anipiha ty valiny

• Anentea video

AMY FIVORIA:

• Anentea ze andinin-teny tononini-mpandahateny iny. Henteo ty mpisy ze fa nihentea lafa himpoly amy andinin-teny fa nihenteanao iha

• Tsy voatery manday boky maro iha fa amy telefony na tabletinao avao le fa afaky manaraky fandahara noho mihira. Fa misy amy JW Library ao hira vaovao mbo tsy anaty fihirà ao rey

AMY FANOMPOA:

• Atorò raha baka amy JW Library ao ty olo kinto raiky, bakeo ampeo ie hampilitsy ani-programa iny noho hangalaky boky amy ty fitaova ampiasàny

• Koboho filà safà io mba hahitanao ze andinin-teny ilànao.

• Ampanenteo video ty olo. Laha manan’anaky ie, le afaky atoronao ty raiky amy video Minamà amy Jehovah rey. Azonao ampanentea azy koa ty video hoe Manino ro Mila Ianara ty Baiboly? mba hahavy azy ho ta hianatsy. Atorò video amy fivolanany ty olo manao fivolana hafa

• Azonao ampamakỳ andinin-teny amy fivolana hafa fa nalànao ie. Milira amy andinin-teny iny avao, le koboho ty isaky alohany eo, bakeo koboho sary Baiboly misy tsipitsipiky iny soa ho hitanao ty andinin-teny mifanandrify aminy