Ampiasànao Soa va Karta JW.ORG Rey?

Meky ty asa fitoria, satria fa mihamarìny avao ty fijalea bevata. (Oh 24:11, 12, 20) Azontsika ampiasà karta rey mba hanampea ty olo ho kinto amy Safà-Ndranahary noho amy tranonkalantsika iny. Misy kôdy QR mahatafilitsy amy video hoe Manino ro Mila Ianara ty Baiboly? amy karta rey, sady misy fanasà hangataky fanazavà maromaro na hianatsy Baiboly. Misy olo tsy mety mandramby ty boky noho gazetintsika, fe afaky manenty ty tranonkalantsika. Ka misalasala manome karta an-drozy. Fe ka amea karta ty olo tsy kinto.

Lafa tafaresaky amin’olo am-piasànareo any iha, le afaky mivola ho zao: “Teako hamea anao karta toy. Misy tranonkala raiky zay atorony atoa. Feno fanazavà noho video tsy andoava drala ty ao.” Mety hahavy azy ho kinto raha zay. (Jn 4:7) Kelikely karta rey, ka afaky manday avao iha saky miboaky mba hozarànao amy ty olo iresahanao.