Ampiasao ty Pejy Fandrambesa amy JW.ORG Lafa Manompo

Natao hisariha ty olo tso-po tsy Vavolombeloni-Jehovah lahatsoratsy noho video amy pejy fandrambesa amy tranokalantsika ao rey. (As 13:48) Matetiky ty raha resahini-vaovao na ty raha masaky an-tsain’olo noho resadresahiny ro hita ao.

Akory ty azonao ampiasà ty pejy fandrambesa amy jw.org lafa manompo?

• Henteo matetiky ty tranokalantsika. Lafa amy pejy fandrambesa eo, le henteo fa misy lahatsoratsy niboaky vo tsiela ambanini-hoe “Mahaliana” eo. Bakeo diniho ty fomba azonao ampiasà ani-lahatsoratsy reo mba hanampea ty olo kinto. (Laha ta hahita raha hafa niboaky vo tsiela iha, le kiboho ty hoe “Hijery Misimisy Kokoa.”) Miezaha haharaky ty raha niboaky farany amy tranonkalantsika ao, amy zay iha hahita hevitsy vaovao ampiasà amy fanompoa eny.

• Ampiasao mba hanombohan-dresaky lahatsoratsy noho video amy pejy fandrambesa ao rey. Mety hanampy antsika hahay ty raha mety eritseretin’olo amy faritanintsika raha reo.

• Atorò olo pejy fandrambesa io. Asehò azy lohahevitsy mahakinto ao reo, le atorò azy ze tokony atao mba hahità fanazavà amy tranonkala iny.

• Andefaso lien olo iny. Misy olo sisany tsy ta hiresaky mivanta amintsika, kanefa parè hanenty ty tranokalantsika. Ka misalasala zany mandefa lien hahitan’olo kinto rey lahatsoratsy na video mahakinto amy pejy fandrambesa ao.