Mampahery ty Hirani-Fanjakà Iny

Nanao hira mba hiderà ani-Jehovah Paoly noho Silasy tamy rozy tam-prizon tao. (As 16:25) Nanao hirani-Fanjakà iny koa ty mpiara-manompo nigadra tamy prizoni-Sachsenhausen tan’Alemaina Nazia any noho azy natao sesitany ta Siberia any rey. Hita baka amy reo fa tena manampy antsika hahazo hery ty hira lafa miatriky fitsapà.

Tsy ho ela, le hiboaky amy fivolana sankarazany ty fihirantsika vaovao hoe “Mihirà ho An’i Jehovah Amim-pifaliana.” Laha vo mahazo tsika, le soa laha mianatsy azy amy fotoam-pivavahani-fianakavia. Hilentiky soa an-tsaintsika ao tononi-hira rey amy zay. (Ef 5:19) Ka lafa miatriky fitsapà tsika, le hanampy antsika ty fanahy masy mba hahatiaro azy. Afaky manampy antsika hahatiaro ty raha tamanintsika avao hira rey, sady manampy antsika hahazo hery lafa miatriky fitsapà. Ka manao akory laha mihira azy tsika lafa tsy misy raha mahazo antsika? Hihasoa ty fontsika satria mampahery noho mahafalifaly tononkira rey. (1Ta 15:16; Sl 33:1-3) Ndao lahy tsika mba hanao ze azontsika atao ka hampiasa soa ty hirani-Fanjakà iny!

HENTEO TY VIDEO HOE HIRA NAMPAHERY ANI-GADRA REY, BAKEO VALEO FANONTANEA RETOA:

• Nanino Rahalahy Frost ro nanoratsy hira?

• Nanino hira io ro nampahery ani-rahalahy tamy prizoni-Sachsenhausen tao rey?

• Amy fotoa manao akory ro mety hampahery anao ty hirani-Fanjakà iny?

• Azy hira manao akory iny ty tena teanao ho tiarovy?