Soso-kevitsy Manampy Anao Lafa Iha Mianatsy
Ianaro Soa Hirantsika Rey
“Lafa kivy rey aho le mampahery ahy Jehovah amy alalani-hira amy Tele JW rey.”—Lorraine, Etazinỳ.
Nihira avao ty Kristiana bakany zay mba hiderà a-Ndranahary. (Kol. 3:16) Laha ianaranao tsianjery hira rey, le afaky manampy anao avao lafa tsy mana fihirà iha, na boky zay na elektroniky. Oriho moa tekniky retoa mba hanampy anao hahatiaro ani-hira rey.
Vakio soa tononi-hira iny mba ho azonao soa ty dikany. Ho mora aminao ty hahatiaro raha raiky arakaraky ty ahaizanao soa azy. Misy tononi-hirantsika rey ty amy jw.org ao, ndre hira amy Tele JW rey zay ndre hiran’ajà rey. Milira amy hoe Raha fa Misy, le bakeo kiboho ty hoe Moziky.
Sorato amy taratasy tononkira iny. Vomaiky ho tiaronao soa raha rey laha soratinao.—Deot. 17:18.
Mihirà marè. Vakio na hirao matetitetiky hira iny.
Henteo hoe tiaronao va tononi-hira iny. Ka mamaky fa iezaho tiarovy tononi-hira iny. Bakeo henteo taratasy iny mba hahitanao hoe nahay avao va iha.