Ino ty Ianaranao Baka amy Hira amy Tele JW ao Rey?

Ino amy hira amy Tele JW ao rey ro tena teanao? Le manino? Tsy hitanao va hoe mampiseho ty fiainantsika andavanandro klipini-hira rey? Misy foto-kevitsy sankarazany raha rey, le ao ty hira milamindamy, ao koa ty mihetsiketsiky. Ao iaby ze teanao. Fe tsy natao ho fialam-boly avao hira rey.

Misy fianara azontsika orihy amy fiaina noho amy fanompoa ty kiraidraiky amy hira rey. Ao ty miresaky mikasiky fahaiza mandramby vahiny, fiharoa, finamà, herim-po, fitiava, na finoa. Miresaky mikasiky fimpolia amy Jehovah ty ilany, fanengà hadisoa, tsy fivaliha, na fanatratsira raha kendrè amy fanompoa. Misy koa aza miresaky fahaiza mandanjalanja lafa mampiasa telefony. Ino koa ty fianara hafa hitanao baka amy hira amy Tele JW ao rey?

HENTEO TY KLIPINI-HIRA HOE MISAOTSY ANAO NAMORO TY RAHA IABY, BAKEO VALEO FANONTANEA RETOA:

• Ino ty nanampy an’ajà rey hihariniky ani-Jehovah?

• Manino tsika ro mivola hoe ho azontsika an’eritseritsy ty raha ampitamanini-Jehovah laha tsika mametsivetsy ty asan-tanany?

• Akory ty azontsika ampisehoa hoe teantsika ty raha niforonini-Jehovah?

• Ino ty tena teanao amy ty raha niforonini-Jehovah?