Nareo Tanora: Mifampiresaha Soa amy Baba Noho Neninareo

Manino ro tokony horesahinao amy baba noho neninao ty am-ponao ao? (Oh 23:26) Satria andraikitsy nankinini-Jehovah amin-drozy ty hikarakara noho hanoro hevitsy anao. (Sl 127:3, 4) Ho sarotsy amin-drozy ty hanampy anao laha tsy ambaranao an-drozy ty raha ilànao noho ty raha manahira anao. Tsy ho afaky handramby fianara baka amy ty raha fa niainan-drozy koa iha. Raty va laha tsy ambaranao ty raha sisany? Tsy voatery. Fe ka mavandy amy baba noho neninao iha.​—Oh 3:32.

Akory ty hahafahanao miresaky soa amin-drozy? Henteo hoe amy fotoa manao akory ro tena mety soa hiresaha amin-drozy. Laha sarotsy aminao zay, le sorato amy taratasy ty raha tsapanao bakeo ameo ty raiky amin-drozy. Manao akory laha raha tsy teanao horesahy amin-drozy ro resahin-drozy aminao? Tiarovo fa tena ta hanampy anao rozy. Ataovo nama rozy, fa ka rambesy ho fahavalo. Handramby soa iha laha mifampiresaky soa amy baba noho neninao. Ho soa ty fiainanao sady hahazo fiaina zisiky farany iha.​—Oh 4:10-12.

HENTEO TY VIDEO HOE TY FIAINANAY TANORA: AKORY TY HAHAIZAKO MIRESAKY AMY BABA NOHO MAMA?, BAKEO VALEO FANONTANEA RETOA:

• 

  Ino ty raha nitsapani-Esther noho Partik mikasiky ty fifampiresahan-drozy amy baba noho nenin-drozy?

• 

  Ino ty azonao ianara baka amy modelini-Jesosy?

• 

  Akory ty nampisehoani-baba noho neninao fa midary anao rozy?

• 

  Ino iaby ty torolalani-Baiboly hanampy anao hifampiresaky soa amy baba noho neninao?