Fa Parè Hiatriky Koronta va Iha?

Fa mihamarìny avao ty farani-tontolo toy, ka fa ampoizintsika hoe vomaiky hihamanjeky ty koronta, ty fampihorohoroa noho ty aly. (Ap 6:4) Akory ty hiomanantsika amy ze raha sarotsy ho avy?

• Karakarao soa ty ara-panahinao: Henteo ze torolala na tantara amy Baiboly ao hanampy anao hatòky ani-Jehovah noho ty fandaminany sady tsy hiharo amy tontolo toy. (Oh 12:5; jr 125-126 § 23-24) Zao zany ty fotoa tokony hanatajahantsika ty finamantsika amy rahalahy noho anabavintsika amy fiangona eo reo.​—1Pe 4:7, 8

• Omano ty raha ilànao: Eritsereto sandrany ty pilasy hilaisanao noho ty raha tokony handesinao. Diniho sandrany koa ty fomba hilaisanao. Henteo soa ty raha andesinao anaty kitaponao ao tsy no misy manky, anatini-zay ty drala noho ty fitaova afaky miaro anao. Anovo hay ty fomba hifandrambesanao amy anti-panahy, le anovo azo antoky fa hain-drozy ty fomba hifandrambesa aminao.​—Is 32:2; g17.5 3-7

Lafa avy amy zay koronta iny, le tohizo avao ty fahazaranao ara-panahy. (Fi 1:10) Ka miboaboaky laha tsy misy antony bevata. (Mt 10:16) Ifampizarao ty hany noho fitaova nandesinao.​—Ro 12:13.

HENTEO TY VIDEO HOE FA PARÈ VA IHA LAHA MISY LOZA? BAKEO VALEO FANONTANEA RETOA:

• Akory ty anampeani-Jehovah antsika lafa misy loza?

• Ino iaby ty fiomana mila ataontsika?

• Ino iaby ty azontsika atao mba hanampea ani-ze tratsini-loza?