TY FIAINANTSIKA KRISTIANA

Parè va Iha Laha Misondrotsy Marè ty Vilim-piaina?

Tsy mahatseriky antsika laha mampisy problemo amy resaky drala ty raha miseho amy tany toy iaby. Ino ty antony? Satria fa miay amy tampany farany amy andro farany tsika henanizao, sady fa nampitandrina antsika ty Baiboly mba tsy hametraky ty fanantenantsika amy “hanana tsy azo antoky.” (1Ti 6:17; 2Ti 3:1) Manino ty ohatsini-Josafata mpanjaka ro manampy antsika hioma laha misondrotsy marè ty vilim-piaina?

Niantehitsy tamy Jehovah avao Josafata lafa nampihorohoro azy ty firenena fahavalo. (2Ta 20:9-12) Nanao raha mialoha koa ie mba hahavy ani-firenena iny ho parè, le niaro ani-tanà iny noho nametraky maramila tao. (2Ta 17:1, 2, 12, 13) Manahaky ani-Josafata le tokony hiantehitsy amy Jehovah tsika sady hioma amy ze problemo ho avy.

INO TY HANAMPY ANAO HO PARÈ LAHA MISONDROTSY MARÈ TY VILIM-PIAINA?

Karakarao soa ty ara-panahinao: Miezaha ho afa-po amy ze raha anananao, le matokisa fa hanome ze raha tena ilànao sanandro Jehovah. (Mt 6:26; 1Ti 6:8) Ka mampandefitsy ty torolalani-Baiboly mihintsy satria hoe ta hikarakara ze raha ilànao iha. (Ro 2:21) Eritsereto hoe akory ty hahazoanao hany ara-panahy avao ndre tampaky aza ty jiro noho ty internet. Mifilia raha vita printy ho azonao andesy, le mangalà raha maromaro amy soraky elektroniky sandrany, laha azo atao.

Omano ty raha ilànao: Ka mitrosa tsy amin’antony na mivily raha tsy tena ilà, tany mbo tsy misy ty problemo amy resaky drala. (Oh 22:7) Laha mbo azo atao, le manajaria hany maromaro na ze raha hafa tena ilà. Ty olo sisany koa mamboly traka noho legimy mba hitsitsia drala.

HENTEO TY VIDEO HOE FA PARÈ VA IHA LAHA MISY LOZA? BAKEO VALEO FANONTANEA RETOA:

Sary baka amy video hoe “Parè va Iha Laha Misy Loza?” Mampiseho Baiboly, kitapo misy ze raha tena ilà noho telefony, voho mpanao fanorena.

Ino ty fiomana azontsika kiraidraiky atao lafa misy loza?

Valin-teninao

Sary baka amy video hoe “Parè va Iha Laha Misy Loza?” Rahalahy maromaro manampy tra-boina. Mamboatsy trano rozy sady mampiboaky enta baka anatini-kamion.

Ino ty fiomana azonao atao mba hanampea ty hafa?

Valin-teninao