Miomàna Avao Hiatriky ty Tampany Farany amy “Andro Farany”

Fa haintsika fa maro ty loza mety hiseho amy tampany farany amy “andro farany” iainantsika zao. (2Ti 3:1) Lafa misy loza, le matetiky mahazo toromariky ara-potoa noho miaro ty ainy avao ty vahoakini-Jehovah. Ho avotsy tsika laha mioma soa henanizao, le manoriky toromariky lafa miseho loza iny. Tafilitsy amy zay ty fiomana amy lafiny ara-panahy noho ty fanomana ty raha ilàntsika. —Lk 16:10.

• Karakarao soa ty ara-panahinao: Manàna fahazara soa. Miezaha manao fanompoa sankarazany. Ka matahotsy laha ohatsy tafasaraky tsielatsiela amy ty olo amy fiangona eo iha. (Is 30:15) Tsy lavitsy anao mihintsy Jehovah noho Jesosy.—od 176 § 15-17

• Omano ty raha ilànao: Sandra manomàna kitapo misy ze raha tena ilà noho mora rambesy. Tsy zay avao, fa tokony hanajary sakafo, rano, fanafody, noho ze raha tena ilà ampy anareo anatini-fotoa lavalava nareo. —Oh 22:3; g17.5 4, 6

HENTEO TY VIDEO HOE FA PARÈ VA IHA LAHA MISY LOZA?, BAKEO VALEO FANONTANEA RETOA:

• 

  Ino ty fiomana ara-panahy mila ataontsika mba hahafahantsika hiatriky loza?

• 

  Manino tsika ro tokony:

  • hifandramby amy anti-panahy avao?

  • hanoma enta mora andesy?

  • handiniky sandrany ty loza mety hiseho noho ty tokony hataontsika lafa miseho loza iny?

• 

  Ino iaby ty raha telo azontsika atao mba hanampea ty hafa lafa rozy tratsini-loza?

ERITSERETO ZAO: ‘Nanampy ahy hahay hioma kokoa va fiparitahani-COVID-19 iny?’