TY FIAINANTSIKA KRISTIANA
Miezaha Hitovy amy Jehovah Lafa Manenty ty Vatanao
“Mahazo hatò amy Jehovah ty vahoakiny.” (Sl 149:4) Marina fa tsy lavorary tsika, fe hitany ty toetsy soa ananantsika noho ty raha soa azontsika atao. Kindraiky, le mety ho sarotsy amintsika ty hahita ty toetsy soa ananantsika. Mety hieritseritsy ty vatantsika ho tsy misy dikany, ohatsy, tsika satria manambany antsika ty hafa. Mety hifantoky amy ty fahadisoa nataontsika taloha tany koa tsika, ka misalasala laha tena tea antsika Jehovah. Ino ty hanampy antsika laha zay ty raha tsapantsika?
Tiarovo hoe afaky mahita raha mandilatsy ty hitan’olombelo Jehovah. (1Sa 16:7) Ie zany ro tena mahay antsika mandilatsy ty vatantsika. Soa avao fa atoroni-Baiboly antsika hoe manao akory ty fahitani-Jehovah antsika. Ho haintsika raha zay laha mamaky andinin-teny amy Baiboly ao tsika, na mandiniky tantara mampiseho ty fitiavani-Jehovah ty mpanompony.
HENTEO TY VIDEO HOE RESEO LAHATSY ANATREHANI-JEHOVAH EO TY FONAO, BAKEO VALEO FANONTANEA RETOA:
Manino ty fanohara mikasiky ani-babani-mpamaraky nanao korsa iny ro manampy antsika hahay ty fomba fahitani-Jehovah antsika?
Laha fa niezaky hifandramby soa amy Jehovah ndraiky ty olo raiky nanao fahotà bevata, ino ty hanampy azy tsy hanome tsiny ty vatany sasy?—1Jn 3:19, 20
Nanino ro nanampy ani-rahalahy iny ty famakia noho fametsevetsea ty tantarani-Davida noho Josafata?