TY FIAINANTSIKA KRISTIANA
Miasa Mafy ho Antsika Rozy
Be fitiava ty mpiandraikitsini-faritsy noho ty valin-drozy sady manao soro maro ho ani-ze faritsy anompoan-drozy. Manahaky antsika iaby avao rozy, mana ty raha manahira an-drozy. Mba vozaky koa rozy kindraiky, na kivy, na miasa loha. (Jk 5:17) Fe ndre eo rezay, le mifantoky amy fomba hampahereza ty rahalahy noho anabavy amy ze fiangona tsidihin-drozy rozy sankerinandro. “Maeva hahazo fanajà indroeni-ze tokony ho azony” vatany ty mpiandraikitsini-faritsy.—1Ti 5:17.
Lafa nanoma ty liany ho a Roma any apostoly Paoly mba “hizara fanomeza ara-panahy” amy ty fiangona any, le nitamà koa ie hoe hahazo ‘fampahereza’ lafa any. (Ro 1:11, 12) Fa nieritseretinao va hoe akory ty azonao ampahereza ty mpiandraikitsini-faritsinareo noho hampahereza ty valiny laha manambaly ie?
HENTEO TY VIDEO HOE TY RAHA IAINANI-MPIANDRAIKITSINI-FARITSY AMY PILASY MITOKA ANY, BAKEO VALEO FANONTANEA RETOA:
Akory ty ampisehoani-mpiandraikitsini-faritsy noho ty valiny hoe be fitiava noho mahafoy tena ho ani-fiangona rozy?
Ino ty soa fa niazonao baka amy ezaky ataon-drozy rey?
Ino ty azontsika atao mba hampahereza an-drozy?