Ino ty Raha Kendrenao amy Taom-panompoa Vaovao Tia?

Tafilitsy amy raha kendrè ara-panahy ze raha iaby ezahintsika ho vità mba hampitomboa ty fanompoantsika ani-Jehovah noho hampifalifalea azy. Manampy antsika ho lasa Kristiana matotsy raha rey ka maeva andaniantsika fotoa noho hery. (1Ti 4:15) Manino tsika ro tokony handiniky matetiky ty raha kendrentsika? Satria miovaova ty raha iainantsika. Mety fa tsy afaky manatratsy ty raha nikendrentsika taloha tsika, na mety fa tratsintsika raha kendrentsika iny le mila manova raha kendrè hafa.

Tena soa laha alohani-hanombohani-taom-panompoa tsika ro mandiniky ty raha kendrentsika. Manino laha iarahanareo midiniky amy fotoam-pivavahani-fianakavia raha zay, le mametraky raha kendrè vitsivitsy ho ani-kiraidraiky noho ho ani-fianakavia nareo?

Aia amy raha vitsivitsy retoa ty raha kendrenao, le ino ty eritseretinao hatao mba hahatratsira azy?