Manaova Fikaroha

Fitaova Fampianara Ajà

Mana andraikitsy bevata ty ray aman-dreny mba hampianatsy ty anany mikasiky ani-Jehovah. (Efes. 6:4) Ka mba hanampea an-drozy hahavita ani-zay, le nampiboaky fitaova sankarazany ty fandaminani-Jehovah. Akory ty azonao ampiasà ani-fitaova rey mba hampianara ty ananao?

• Ilao ze mety aminao. Hita amy JW.ORG ao iaby ze raha iaby natao ho an’ajà noho tanora, ohatsy hoe video noho pejy misy devoara.a Mba hahitanao ani-reo, le sorato amy fanaova fikaroha eo ty hoe “Ajà” na “Tanora.”

• Henteo hoe aia amy raha ao rey ro mety amy ty ananao. Misy video, hirahira, noho raha hafa ambanini-lohateny hoe “Ajà” eo. Azonao filỳ eo ze hitanao hoe mety hanampy anao. Milira amy hoe “Azo Atao Fotoam-pivavahan’ny Fianakaviana”, laha ta hahita ty sisany amy reo.

• Manokàna fotoa hiaraha amy ty ananao. Ka engà hanenty raiky ani-video rey na hanao raiky ani-pejy misy devoara rey ty ananao, satria hoe mba teanao hanao raha ie. Iaraho midiniky aminy raha rey, sady ampeo ie mba hinama amy Jehovah.