FIANARA 7

Marina Soa Noho Maharesy Lahatsy

Lioka 1:3

INO TY IANARA ATO? Manomeza porofo azo atokisa mba hanampea ty mpijanjy anao hahita fanatsoahan-kevitsy marina.

Milà loharanon-kevitsy azo antoky. Anovo mifototsy amy Safà-Ndranahary ty fanazavanao, le mamakia Baiboly mivanta laha mety. Laha miresaky porofo baka amy siansy iha, na tamy vaovao, na baka amy raha niseho raiky, na misy porofo hafa, le henteo soa tse laha azo atokisa raha iny sady mbo marina avao.
Ampiasao soa loharanon-kevitsy rey. Lafa manazava andinin-teny tsika, le tokony ho azontsika soa tse ty teani-Jehovah hampianary. Tokony hifanaraky amy ze raha hafa amy Baiboly ao, noho ty fanazavà amy boky naboakini-“mpanompo azo atokisa noho mahihitsy” koa ty fanazavantsika. (Mat. 24:45) Laha baka amy boky hafa raha iny, le miambena soa tsy hanova ty teani-mpanoratsy iny hovolany na ty antony nanoratany azy.

Ka mampitombo resaky na isaky. Ty “olo sisany” ka ovà “ankamaroan’olo”, ty “kindraiky” ka ovà “avao”, le ty “vasa” ka ovà “azo antoky.”
Manatsoaha hevitsy. Lafa baka namaky andinin-teny na safàn’olo iha, le mametraha fanontanea voalanjalanja na mivolana ohatsy, mba hanampea ty mpijanjy anao hanatsoaky hevitsy.