FIANARA 11

Misy Hafanam-po

Romanina 12:11

INO TY IANARA ATO? Miezaha hafana fo mba hanaitsy noho handrisiky ty mpijanjy anao.

Ataovo midosiky ty fonao raha iny. Lafa manoma ty fomba hampiboahanao ty fanazavanao iha, le vetsevetseo laliky ty maha vatan-draha azy. Ataovo mazava soa aminao ty raha hovelabelarinao, amy zay ho hainao ty hiresaky baka amy fo.
Eritsereto ty mpijanjy anao. Diniho soa hoe manino fanazavà hovakinao na hampianarinao iny ro mahasoa an-drozy. Eritsereto ty fomba hanazavanao azy mba hampitombo ty fankasitrahani-mpijanjy ani-raha horesahinao iny.
Ataovo velombelo ty fanazavanao. Miezaha hafana fo. Aboaho amy fihetsiky voalanjalanja noho amy tarehinao ze tena tsapanao.

Miambena soa tsy hanjary fahazara ty fihetsiky raiky ampolimpolinao, ka tsy hampifantoky ty olo iresahanao. Ataovo misy dikany ty fihetsikinao. Lafa iha mampianatsy hevitsy fototsy noho mampirisiky ty mpijanjy anao hanao raha, le amy fotoa zay iha ro tena tokony hafana fo. Ho vozaky ty mpijanjy anao laha mafana fo marè avao zisiky farany iha.