Engao Handeha Soa Avao Resaky Iny fa Ka Foroseva

Ino ty Nataoni-Filipo?

VIDEO: Filipo Mitory amy Tandapa Etiopianina Iny

1. Henteo VIDEO io, na vakio Asan’ny Apostoly 8:30, 31. Bakeo diniho fanontanea retoa:

1. Akory ty nanombohani-Filipo ani-resaky iny?

2. Manino ro nety soa raha nataony io mba hanombohan-dresaky noho hampianara fahamarina ani-lahilahy iny?

Ino ty Ianarantsika Baka amy Filipo?

2. Laha ataontsika tsotra ty raha resahintsika, le tsy hisalasala hiresaky olo iny sady ho parè hijanjy ty hafatsy andesintsika.

Tahafo Filipo

3. Mahaiza mandiniky. Vo manenty ty pozipozy noho ty tarehin’olo raiky avao iha le fa hahay raha maro mikasiky azy. Parè hiresaky aminao va ie laha ty fahitanao azy? Mety afaky hiresaky fahamarina baka amy Baiboly ao iha laha manontany azy hoe: “Fa nihainao va hoe...?” Ka foroseva hiresaky olo iny lafa tsy ta hiresaky.

4. Miezaha hanam-pahareta. Ka mieritseritsy hoe tsy maintsy miresaky fahamarina baka amy Baiboly ao iha. Mandinisa fotoa mety, amy zay iha afaky miresaky soa. Mety mila handiny zany iha kindraiky, le amy resakinareo manaraky iha vo miresaky ani-raha iny.

5. Anovo mifanaraky amy ze raha volanin’olo iny ty raha hovolaninao. Mety nisy hevitsy fa nomaninao, fe mety hiresaky raha hafa tampoky olo iny lafa mandeha ty resakinareo. Miezaha avao zany ho parè hiresaky raha hanampy azy, le anovo mifandramby amy raha resahiny iny raha zay, ndre tsy mifanaraky amy raha nieritseretinao horesahy iny aza.