Miezaha ho Soa Fanahy

Ino ty Nataoni-Jesosy?

VIDEO: Jesosy Mitaha Lahilahy Raiky Jiky

1. Henteo VIDEO io, na vakio Jaona 9:1-7. Bakeo diniho fanontanea retoa:

1. Ino tse ty nataoni-Jesosy voalohany, nitaha ani-lahilahy jiky iny sa niresaky ty vaovao soa aminy?​—Henteo Jaona 9:35-38.

2. Manino iha ro mieritseritsy hoe parè hijanjy ani-Jesosy lahilahy iny?

Ino ty Ianarantsika Baka amy Jesosy?

2. Ho parè hijanjy ty hafatsy andesintsika ty olo lafa hitany hoe midary azy tsika.

Tahafo Jesosy

3. Miezaha hahatsapa ty raha mahazo an’olo iny.

1. Eritsereto zao: ‘Ino ty raha mety hampiasa loha azy? Ino ty raha mety hanampy azy noho ho teany?’ Laha manao ani-zay iha, le ho soa fanahy aminy ka hanampy azy.

2. Asehò hoe midary azy iha ka janjino soa ie. Laha miresaky ty raha tsapany na mitantara aminao ty problemo mahazo azy ie, le ka ovà resaky iny.

4. Miezaha ho soa fanahy noho hanaja lafa miresaky. Ho hitan’olo iresahanao iny amy ty raha volaninao hoe miferinay azy iha sady tena ta hanampy azy. Ambeno soa ty raha hovolaninao noho ty fomba hivolananao azy, le mitandrema mba tsy hivola raha mety hampeloky na hahamenatsy azy.

5. Miezaha ho tea manampy. Milà fomba hanampea an’olo iny. Laha soa fanahy amin’olo tsika, le tsy hisalasala hiresaky amintsika ie.