Soso-kevitsy Manampy Anao Lafa Iha Mianatsy

Ino ty Azonao Atao Laha Ta Haharaky Fanazavà Farany Iha?

Tena miavaky andro iainantsika zao. Ataoni-Jehovah ze hahavy antsika hahazo soa ty Safàny amy zao, laha ohary amy ty taloha. (Dan. 12:4) Fe ndre zay, le mety ho sarotsy amintsika ty haharaky ty fanazavà farany amy fahamarina amy Baiboly ao. Mety mbo azy taloha iny avao ro handesintsika. Aia ty hahitantsika ani-fanovà noho fanazavà farany rey?

• Henteo amy Fanondroana Bokin’ny Vavolombelon’i Jehovah, amy hoe “Fahatakarana Mazava Kokoa”, fa ho hitanao eo ze fanovà iaby, arakaraky ty tao niboahany. Laha teanao ho hita hoe ino iaby ze foto-kevitsy fa nihavaozy, le sorato amy fanaova fikaroha amy Watchtower Library na FITEHIRIZAM-BOKIN’NY Vavolombelon’i Jehovah ao ty hoe “fahatakarana mazava kokoa” (atao anaty farango sosona).

• Misy foto-kevitsy maromaro sady somary boribory, amy Fitaovana Fikarohana ho An’ny Vavolombelon’i Jehovah ao. Milira amy hoe “Vavolombelon’i Jehovah”, bakeo amy hoe “Fampianarana sy Zavatra Inoana”, le bakeo “Fampianarana Nihanazava.”

Manino laha mba manohatsy iha lafa manao fianara am-bata? Mifiliana fanazavà raiky vo nahity. Bakeo anovo fikaroha hoe manao akory ty fahazoantsika azy henanizao, le ino ty antony arakini-Soratsy Masy nanovà ani-raha iny.