NUMERA

1 Ua fetalai mai foʻi Ieova iā Mose i le toafa* o Sinai,+ i le faleʻie o le feiloaʻiga,+ i le aso muamua o le masina lona lua. O le tausaga lona lua lea talu ona latou ō ese mai i le atunuu o Aikupito.+ Ua ia faapea mai: 2 “Ia oulua faitau le aofaʻi+ o le faapotopotoga uma o le fanauga a Isaraelu* e ta‘ito‘atasi e tusa ma o latou ituaiga, o aiga o o latou tamā, o le aofaʻi o igoa o tane uma. 3 O oe ma Arona, ia oulua lesitalaina o latou igoa e tusa ma a latou vaegaʻau e amata mai i ē ua 20 tausaga agaʻi i luga le matutua,+ o tagata Isaraelu uma e mafai ona ō i le taua.

4 “Ia oulua ave ni tamāloloa e ta‘itasi mai i ituaiga ta‘itasi, o i latou o ulu o aiga o o latou tamā.+ 5 O igoa nei o tamāloloa o le a fesoasoani iā te oulua: O Elisura+ le atalii o Seturo mai i le ituaiga o Reupena; 6 o Selumielu+ le atalii o Surisatai mai i le ituaiga o Simeona; 7 o Naasona+ le atalii o Aminatapu mai i le ituaiga o Iuta; 8 o Netanielu+ le atalii o Suaro mai i le ituaiga o Isakara; 9 o Eliapo+ le atalii o Horona mai i le ituaiga o Sepulona; 10 o Elisama le atalii o Ameuta mai i le ituaiga o Efaraima,+ o Kamalielu le atalii o Petasura mai i le ituaiga o Manase, o atalii ia o Iosefa; 11 o Apitano+ le atalii o Kitione mai i le ituaiga o Peniamina; 12 o Aisera+ le atalii o Amisatai mai i le ituaiga o Tanu; 13 o Pagielu+ le atalii o Okirano mai i le ituaiga o Asera; 14 o Eliasafo+ le atalii o Tuelu mai i le ituaiga o Kato; 15 o Akira+ le atalii o Enano mai i le ituaiga o Nafatali. 16 O i latou ia sa aumaia mai i le faapotopotoga. O i latou o taʻitaʻi+ o ituaiga o o latou tamā, o ulu o aiga o le faitau afe o tagata Isaraelu.”+

17 Ua ave e Mose ma Arona nei tamāloloa ua taʻua o latou igoa. 18 Ua latou faapotopoto faatasi le faapotopotoga atoa i le aso muamua o le masina lona lua, ina ia lesitalaina i latou ta‘ito‘atasi e tusa ma o latou igoa, ituaiga, ma aiga o o latou tamā, e amata mai i ē ua 20 tausaga agaʻi i luga le matutua,+ 19 e pei ona poloaʻi mai ai Ieova iā Mose. O lea, ua ia lesitalaina i latou i le toafa o Sinai.+

20 O le fanauga a Reupena, o ē na tupuga mai i le ulumatua a Isaraelu,+ ua tusia o latou igoa, ituaiga, ma aiga o o latou tamā. Ua faitauina ta‘ito‘atasi tane uma e amata mai i le 20 tausaga agaʻi i luga le matutua o ē e mafai ona ō i le taua, 21 ma o i latou ua lesitalaina mai i le ituaiga o Reupena, e 46,500.

22 O ē na tupuga mai iā Simeona,+ ua tusia o latou igoa, ituaiga, ma aiga o o latou tamā. Ua faitauina ta‘ito‘atasi tane uma e amata mai i le 20 tausaga agaʻi i luga le matutua o ē e mafai ona ō i le taua, 23 ma o i latou ua lesitalaina mai i le ituaiga o Simeona, e 59,300.

24 O ē na tupuga mai iā Kato,+ ua tusia o latou igoa, ituaiga, ma aiga o o latou tamā. Ua faitauina tane uma e amata mai i le 20 tausaga agaʻi i luga le matutua o ē e mafai ona ō i le taua, 25 ma o i latou ua lesitalaina mai i le ituaiga o Kato, e 45,650.

26 O ē na tupuga mai iā Iuta,+ ua tusia o latou igoa, ituaiga, ma aiga o o latou tamā. Ua faitauina tane uma e amata mai i le 20 tausaga agaʻi i luga le matutua o ē e mafai ona ō i le taua, 27 ma o i latou ua lesitalaina mai i le ituaiga o Iuta, e 74,600.

28 O ē na tupuga mai iā Isakara,+ ua tusia o latou igoa, ituaiga, ma aiga o o latou tamā. Ua faitauina tane uma e amata mai i le 20 tausaga agaʻi i luga le matutua o ē e mafai ona ō i le taua, 29 ma o i latou ua lesitalaina mai i le ituaiga o Isakara, e 54,400.

30 O ē na tupuga mai iā Sepulona,+ ua tusia o latou igoa, ituaiga, ma aiga o o latou tamā. Ua faitauina tane uma e amata mai i le 20 tausaga agaʻi i luga le matutua o ē e mafai ona ō i le taua, 31 ma o i latou ua lesitalaina mai i le ituaiga o Sepulona, e 57,400.

32 O ē na tupuga mai iā Iosefa e ala mai iā Efaraima,+ ua tusia o latou igoa, ituaiga, ma aiga o o latou tamā. Ua faitauina tane uma e amata mai i le 20 tausaga agaʻi i luga le matutua o ē e mafai ona ō i le taua, 33 ma o i latou ua lesitalaina mai i le ituaiga o Efaraima, e 40,500.

34 O ē na tupuga mai iā Manase,+ ua tusia o latou igoa, ituaiga, ma aiga o o latou tamā. Ua faitauina tane uma e amata mai i le 20 tausaga agaʻi i luga le matutua o ē e mafai ona ō i le taua, 35 ma o i latou ua lesitalaina mai i le ituaiga o Manase, e 32,200.

36 O ē na tupuga mai iā Peniamina,+ ua tusia o latou igoa, ituaiga, ma aiga o o latou tamā. Ua faitauina tane uma e amata mai i le 20 tausaga agaʻi i luga le matutua o ē e mafai ona ō i le taua, 37 ma o i latou ua lesitalaina mai i le ituaiga o Peniamina, e 35,400.

38 O ē na tupuga mai iā Tanu,+ ua tusia o latou igoa, ituaiga, ma aiga o o latou tamā. Ua faitauina tane uma e amata mai i le 20 tausaga agaʻi i luga le matutua o ē e mafai ona ō i le taua, 39 ma o i latou ua lesitalaina mai i le ituaiga o Tanu, e 62,700.

40 O ē na tupuga mai iā Asera,+ ua tusia o latou igoa, ituaiga, ma aiga o o latou tamā. Ua faitauina tane uma e amata mai i le 20 tausaga agaʻi i luga le matutua o ē e mafai ona ō i le taua, 41 ma o i latou ua lesitalaina mai i le ituaiga o Asera, e 41,500.

42 O ē na tupuga mai iā Nafatali,+ ua tusia o latou igoa, ituaiga, ma aiga o o latou tamā. Ua faitauina tane uma e amata mai i le 20 tausaga agaʻi i luga le matutua o ē e mafai ona ō i le taua, 43 ma o i latou ua lesitalaina mai i le ituaiga o Nafatali, e 53,400.

44 O i latou ia na lesitalaina e Mose faatasi ma Arona atoa ma taʻitaʻi e 12 o Isaraelu, e taʻitasi le tagata e fai ma sui o le aiga o ona tamā. 45 O i latou uma o le fanauga a Isaraelu e amata mai i le 20 tausaga agaʻi i luga le matutua, o tagata Isaraelu uma e mafai ona ō i le taua, na lesitalaina e tusa ma aiga o o latou tamā, 46 ma o i latou uma lava na lesitala, e 603,550.+

47 Peitaʻi, e leʻi lesitalaina le ʻau sa Levī+ e tusa ma le ituaiga o o latou tamā.+ 48 O lea, ua fetalai mai Ieova iā Mose: 49 “E na o le ituaiga o Levi e aua e te lesitalaina, ma aua le faitauina i latou faatasi ma isi o le fanauga a Isaraelu.+ 50 Ia e tofia le ʻau sa Levī e pule i le faleʻie paia i le mea ua iai le atolaau o le feagaiga,*+ o ona ipu uma ma ana mea uma.+ E latou te tauave le faleʻie paia ma ona ipu uma,+ latou te auauna ai i inā,+ ma latou api faataamilo ai i le faleʻie paia.+ 51 Pe a ave le faleʻie paia, o le ʻau sa Levī e talaina i lalo;+ ma pe a faatū le faleʻie paia, o le ʻau sa Levī e faatūina; ma o so o se tagata ese* e faalatalata i ai e fasiotia lava o ia.+

52 “E ao i tagata Isaraelu ta‘ito‘atasi ona faatutū o latou faleʻie i le mea ua faatulaga e nonofo ai, ia taʻitasi le tagata i le mea e iai o latou ituaiga e tolu*+ ma e tusa foʻi ma a latou ʻautau. 53 E ao i le ʻau sa Levī ona api faataamilo i le faleʻie paia i le mea ua iai le atolaau o le feagaiga, ina ia aua neʻi oo le toʻasā i le faapotopotoga o le fanauga a Isaraelu;+ ma o le tiute tauave o le ‘au sa Levī le tausia o le* faleʻie paia ua iai le atolaau o le feagaiga.”*+

54 Ua faia e le fanauga a Isaraelu mea uma na poloaʻi mai ai Ieova iā Mose. Ua faapea lava ona latou faia.

2 Ua fetalai mai Ieova iā Mose ma Arona e faapea: 2 “E tatau ona faatutū e le fanauga a Isaraelu o latou faleʻie i le mea ua iai o latou ituaiga e tolu,+ ia ta‘itasi le tagata e lata i le mea ua iai le faailoilo* o le aiga o lona tamā. E tatau ona faasasaga o latou fale‘ie i le faleʻie o le feiloaʻiga, ma ia faatutū faataamilo ai.

3 “O le itu i sasaʻe i le mea e oso aʻe ai le lā, e faatutū ai faleʻie o ituaiga e tolu. E taʻimua Iuta i o latou ʻautau, o le taʻitaʻi mo atalii o Iuta, o Naasona+ le atalii o Aminatapu. 4 O i latou ua lesitalaina i lana ʻautau, e 74,600.+ 5 O i latou e faatutū o latou faleʻie i ona autafa, o le ituaiga o Isakara; o le taʻitaʻi o atalii o Isakara, o Netanielu+ le atalii o Suaro. 6 O i latou ua lesitalaina i lana ʻautau, e 54,400.+ 7 O i latou i ona autafa, o le ituaiga o Sepulona; o le taʻitaʻi o atalii o Sepulona, o Eliapo+ le atalii o Horona. 8 O i latou ua lesitalaina i lana ʻautau, e 57,400.+

9 “O i latou uma ua lesitalaina i le ʻautau a Iuta, e 186,400. O i latou ia e tatau ona ō muamua.+

10 “I le itu i saute e faatutū ai faleʻie o ituaiga e tolu, e taʻimua Reupena+ i o latou ʻautau; o le taʻitaʻi o atalii o Reupena, o Elisura+ le atalii o Seturo. 11 O i latou ua lesitalaina i lana ʻautau, e 46,500.+ 12 O i latou e faatutū o latou faleʻie i ona autafa, o le ituaiga o Simeona; o le taʻitaʻi o atalii o Simeona, o Selumielu+ le atalii o Surisatai. 13 O i latou ua lesitalaina i lana ʻautau, e 59,300.+ 14 O i latou i ona autafa, o le ituaiga o Kato; o le taʻitaʻi o atalii o Kato, o Eliasafo+ le atalii o Reuelu. 15 O i latou ua lesitalaina i lana ʻautau, e 45,650.+

16 “O i latou uma ua lesitalaina i le ʻautau a Reupena, e 151,450, ma o i latou ia e tatau ona ō e sosoo atu i le vaega muamua.+

17 “Pe a oo i le taimi e sii ai le faleʻie o le feiloaʻiga,+ e ao ona iai le ʻau sa Levī i le ogatotonu o isi togālauapi.

“E pei ona latou faatutū o latou faleʻie, o le auala foʻi lenā e ao ona latou ō ai,+ e taʻitasi ma le mea ua tofia ai i o latou ituaiga e tolu.

18 “I le itu i sisifo e faatutū ai faleʻie o ituaiga e tolu, e taʻimua Efaraima i o latou ʻautau; o le taʻitaʻi o atalii o Efaraima, o Elisama+ le atalii o Ameuta. 19 O i latou ua lesitalaina i lana ʻautau, e 40,500.+ 20 O i latou i ona autafa, o le ituaiga o Manase;+ o le taʻitaʻi o atalii o Manase, o Kamalielu+ le atalii o Petasura. 21 O i latou ua lesitalaina i lana ʻautau, e 32,200.+ 22 O i latou i ona autafa, o le ituaiga o Peniamina; o le taʻitaʻi o atalii o Peniamina o Apitano,+ le atalii o Kitione. 23 O i latou ua lesitalaina i lana ʻautau, e 35,400.+

24 “O i latou uma ua lesitalaina i le ʻautau a Efaraima, e 108,100, ma o i latou ia e tatau ona ō e sosoo atu i le vaega lona lua.+

25 “I le itu i mātū e faatutū ai faleʻie o ituaiga e tolu, e taʻimua Tanu i o latou ʻautau; o le taʻitaʻi o atalii o Tanu, o Aisera+ le atalii o Amisatai. 26 O i latou ua lesitalaina i lana ʻautau, e 62,700.+ 27 O i latou e faatutū o latou faleʻie i ona autafa, o le ituaiga o Asera; o le taʻitaʻi o atalii o Asera, o Pagielu+ le atalii o Okirano. 28 O i latou ua lesitalaina i lana ʻautau, e 41,500.+ 29 O i latou i ona autafa, o le ituaiga o Nafatali; o le taʻitaʻi o atalii o Nafatali, o Akira+ le atalii o Enano. 30 O i latou ua lesitalaina i lana ʻautau, e 53,400.+

31 “O i latou uma ua lesitalaina i le ʻautau a Tanu, e 157,600. O i latou ia e tatau ona ō mulimuli+ e tusa ma o latou ituaiga e tolu.”

32 O i latou nei ua lesitalaina o le fanauga a Isaraelu e tusa ma aiga o o latou tamā; o i latou uma ua lesitalaina mo le ʻautau, e 603,550.+ 33 Peitaʻi e leʻi lesitalaina le ʻau sa Levī+ faatasi ma isi o le fanauga a Isaraelu,+ e pei ona poloaʻi mai ai Ieova iā Mose. 34 Ona faia lea e le fanauga a Isaraelu e pei ona poloaʻi mai ai Ieova iā Mose. O le auala lenā na latou faatutū ai o latou faleʻie i o latou ituaiga e tolu,+ ua faapena foʻi ona latou ō,+ e taʻitasi le tagata ma lona ituaiga ma e tusa ma aiga o o latou tamā.

3 O gafa* nei o Arona ma Mose i le aso na fetalai mai ai Ieova iā Mose i le mauga o Sinai.+ 2 O igoa nei o atalii o Arona: O Natapu o le ulumatua, o Aviu,+ o Eleasaro+ ma Itamaro.+ 3 O igoa nei o atalii o Arona, o ositaulaga faauuina o ē na tofia* e auauna o ni ositaulaga.+ 4 Peitaʻi ua feoti Natapu ma Aviu i luma o Ieova, ina ua la faamū le afi ua faasāina i luma o Ieova+ i le toafa o Sinai, e leʻi maua foʻi ni o la atalii. Ae ua faaauau ona auauna Eleasaro+ ma Itamaro+ o ni ositaulaga faatasi ma lo la tamā o Arona.

5 Ona fetalai mai lea o Ieova iā Mose: 6 “Ia aami mai le ituaiga o Levi,+ ma tuuina atu i latou i luma o Arona le ositaulaga, ina ia latou fesoasoani+ iā te ia. 7 E latou te faataunuu o latou tiute tauave iā te ia ma le faapotopotoga uma i luma o le faleʻie o le feiloaʻiga, e ala i le faia o la latou auaunaga e fesoota‘i ma le faleʻie paia. 8 E ao ona latou vaaia mea uma e faaaogā+ i le faleʻie o le feiloaʻiga, ma faataunuu o latou tiute tauave i le fanauga a Isaraelu e ala i le faia o auaunaga e fesoota‘i ma le faleʻie paia.+ 9 Ia e tuuina atu le ʻau sa Levī iā Arona ma ona atalii. O i latou ua tofia mo ia, ma ua tuuina atu iā te ia mai i le fanauga a Isaraelu.+ 10 E te tofia Arona ma ona atalii, ma e latou te faataunuu a latou galuega faaositaulaga;+ e fasiotia so o se tagata ese* e faalatalata atu i ai.”+

11 Ua fetalai atili mai Ieova iā Mose e faapea: 12 “A o aʻu, ou te talia le ʻau sa Levī mai i le fanauga a Isaraelu e sui ai ulumatua uma lava* a le fanauga a Isaraelu,+ ma e fai mo aʻu le ʻau sa Levī. 13 E fai mo aʻu ulumatua uma.+ I le aso na ou faaumatia ai ulumatua uma a le atunuu o Aikupito,+ na ou faapaia ai mo aʻu o ulumatua uma o Isaraelu, o ulumatua a tagata atoa ma manu.+ E fai mo aʻu i latou uma. O aʻu o Ieova.”

14 Ua fetalai mai pea Ieova iā Mose i le toafa o Sinai+ e faapea: 15 “Ia lesitalaina atalii o Levi e tusa ma aiga o o latou tamā, e tusa foʻi ma o latou aiga. Ia e lesitalaina tane uma e amata mai i le tasi le masina agaʻi i luga le matutua.”+ 16 Ua lesitalaina i latou e Mose e tusa ma le poloaʻiga a Ieova, e pei ona faatonuina ai o ia. 17 O igoa nei o atalii o Levi: o Keresona, o Koato, ma Merari.+

18 O igoa nei o atalii o Keresona, o aiga ia na tupuga mai iā te ia: o Lipeni ma Semi.+

19 O atalii nei o Koato, o aiga ia na tupuga mai iā te ia, o Amaramo, o Isara, o Heperona, ma Usialu.+

20 O atalii nei o Merari, o aiga ia na tupuga mai iā te ia, o Maali+ ma Muse.+

O aiga ia o le ʻau sa Levī e tusa ma aiga o o latou tamā.

21 O aiga na tupuga mai iā Keresona o tagata Lipeni+ ma tagata Semi. O aiga ia o Keresona. 22 O le aofaʻiga o o latou tane uma e mai i le tasi le masina agaʻi i luga le matutua na lesitalaina, e 7,500.+ 23 E faatutū faleʻie o aiga o tagata Keresona i tua o le faleʻie paia+ i le itu i sisifo. 24 O le taʻitaʻi o le aiga o le tamā o tagata Keresona, o Eliasafo le atalii o Laeli. 25 O le tiute tauave o atalii o Keresona+ i le faleʻie o le feiloaʻiga, o le faleʻie paia+ lea ma mea eseese e ufiufi ai le faleʻie,+ o le ʻie pupuni+ i le faitotoʻa o le faleʻie o le feiloaʻiga, 26 o ‘ie e tautau+ i le lotoā, o le ʻie pupuni+ i le faitotoʻa o le lotoā lea e faataamilo i le faleʻie paia ma le fata faitaulaga, o maea o le faleʻie, ma mea uma e tusa ma lenei auaunaga.

27 Na tupuga mai iā Koato le aiga o Amaramo, o le aiga o Isara, o le aiga o Heperona, ma le aiga o Usialu. O aiga ia o Koato.+ 28 E 8,600 le aofaʻi o tane uma e amata mai i le tasi le masina agaʻi i luga le matutua, o loo tausia le tiute tauave e tusa ma le mea paia.+ 29 Ua faatutū faleʻie o aiga o atalii o Koato i le itu i saute o le faleʻie paia.+ 30 O le taʻitaʻi o le aiga o le tamā o aiga o Koato, o Elisafano le atalii o Usialu.+ 31 O la latou tiute tauave o le vaavaaia lea o le Atolaau,+ le laulau,+ le tuugāmolī,+ o fata faitaulaga,+ o mea uma e faaaogā+ e fai ai le auaunaga i le mea paia, o le ʻie pupuni,+ ma mea uma e tusa ma lea auaunaga.+

32 O le taʻitaʻi o taʻitaʻi uma o le ʻau sa Levī, o Eleasaro+ le atalii o Arona le ositaulaga, o lē e vaaia ē e tausia tiute tauave e tusa ma le mea paia.

33 Na tupuga mai iā Merari le aiga o Maali ma le aiga o Muse. O aiga ia o Merari.+ 34 O le aofaʻiga o tane uma e mai i le tasi le masina agaʻi i luga le matutua na lesitalaina, e 6,200.+ 35 O le taʻitaʻi o le aiga o le tamā o aiga uma o Merari, o Surielu le atalii o Aviaila. Ua latou faatutū o latou faleʻie i le itu i mātū o le faleʻie paia.+ 36 O le tiute tauave o atalii o Merari, o le vaavaaia lea o auivi laupapa+ o le faleʻie paia, o ona faalava,+ o ona poutū,+ o ona lagolago, ma ona ipu uma+ ma mea uma e tusa ma lenei auaunaga,+ 37 faapea poutū uma e soo ai le lotoā, o lagolago,+ o pine ma maea o le faleʻie.

38 O i latou e faatutū o latou faleʻie i le itu i sasaʻe o le faleʻie paia, i luma o le faleʻie o le feiloaʻiga i le mea e oso aʻe ai le lā, o Mose ma Arona ma ona atalii. O i latou ia e tausia le tiute tauave e tusa ai ma le faleʻie paia, o lo latou tiute tauave lea mo le fanauga a Isaraelu. E fasiotia so o se tagata ese* e faalatalata ane i ai.+

39 O tane uma o le ʻau sa Levī e amata mai i le tasi le masina agaʻi i luga le matutua, na lesitalaina e Mose ma Arona ona o le faatonuga a Ieova e tusa ma o latou aiga, e 22,000 i latou.

40 Ona fetalai mai lea o Ieova iā Mose: “Ia lesitalaina tane ulumatua uma o le fanauga a Isaraelu e amata mai i le tasi le masina agaʻi i luga le matutua,+ ia faitau lo latou aofaʻi, ma faamau o latou igoa. 41 Ia e aumai le ʻau sa Levī mo aʻu, e sui ai ulumatua uma o le fanauga a Isaraelu,+ ma manu lalata a le ʻau sa Levī e sui ai ulumatua uma o manu lalata a le fanauga a Isaraelu.+ O aʻu o Ieova.” 42 Ona lesitalaina lea e Mose o ulumatua uma o le fanauga a Isaraelu, e pei ona poloaʻi mai ai Ieova iā te ia. 43 O le aofa‘iga o tane ulumatua uma e amata mai i le tasi le masina agaʻi i luga le matutua na lesitalaina o latou igoa, e 22,273.

44 Ua fetalai mai pea Ieova iā Mose e faapea: 45 “Ia e ave le ʻau sa Levī e sui ai ulumatua uma o le fanauga a Isaraelu, ma ia ave manu lalata a le ʻau sa Levī e sui ai a latou manu lalata; e ao ona avea le ʻau sa Levī ma oʻu tagata. O aʻu o Ieova. 46 O le tau e faatauina mai ai+ ulumatua e 273 o le fanauga a Isaraelu, ia ua sili atu i le aofaʻi o le ʻau sa Levī,+ 47 e tatau ona e talia o sekeli* e lima mo le tagata e toʻatasi+ e tusa ma le fua masani o le mea paia.* O le sekeli e tasi, e 20 kire.*+ 48 Ia e avatu iā Arona ma ona atalii le tupe, o le tau ua faatauina ai i latou ua sili atu i lo latou aofaʻi.” 49 Ona ave lea e Mose o le tupe na totogi mo i latou ua sili atu lo latou aofaʻi nai lo o le aofaʻi o le ʻau sa Levī, e fai ma tau e faatauina ai. 50 Na ia talia le tupe mai i ulumatua o le fanauga a Isaraelu, e 1,365 sekeli, e tusa ma le fua masani o le mea paia. 51 Ona tuuina atu lea e Mose o le tau na faatauina ai iā Arona ma ona atalii e tusa ma le afioga a* Ieova, e pei ona poloaʻi mai ai Ieova iā Mose.

4 Ua fetalai mai Ieova iā Mose ma Arona e faapea: 2 “Ia faitau le aofaʻi o atalii o Koato+ mai i atalii o Levi, e tusa ma o latou aiga, ma aiga o o latou tamā, 3 e amata mai i le 30 tausaga+ le matutua e oo atu i le 50 tausaga,+ o ē uma e i le vaega ua tofia e galulue i le faleʻie o le feiloaʻiga.+

4 “O le galuega lenei a atalii o Koato i le faleʻie o le feiloaʻiga.+ O se mea lea e sili ona paia: 5 Pe a latou sauni e ō, e ao iā Arona ma ona atalii ona ulufale i le faleʻie, ma e latou te tatala i lalo le ʻie puipui+ ma ufiufi ai le atolaau+ o le feagaiga.* 6 E latou te ufiufi i paʻu takesa ma fofola ai i luga se ʻie lanu moana ma sulu ai ona amo.+

7 “E latou te fofola fo‘i le ʻie lanu moana i luga o le laulau+ lea e laulauina ai le falaoa, ma e latou te tuu ai ipu mafolafola, o ipu, o ipu faaofuofu, ma fagu e ave ai le taulaga i meainu;+ e ao ona faaauau ona iai i luga falaoa+ e ofoina atu pea. 8 E latou te fofola le ʻie ua vali mūmū sesega i luga o ia mea, e ao foʻi ona latou ufiufi i paʻu takesa ma sulu ai ona amo.+ 9 Ona latou ave lea o le ʻie lanu moana ma ufiufi ai le tuugāmolī+ e faamalamalama ai, o ona molī,+ o ona iofi, o ona salefu,+ ma ipu uma e tuu ai le suāuu ua latou faaaogā mo molī. 10 E latou te tuu ai foʻi ma isi ana mea uma i totonu o le ufiufi o le paʻu takesa, ma tuu i luga o se laau e ave ai. 11 E latou te fofola le ʻie lanu moana i luga o le fata faitaulaga auro,+ ona latou ufiufi lea i paʻu takesa ma sulu ai ona amo.+ 12 E latou te ave mea uma+ o le auaunaga e masani ona faaaogā i le auaunaga i le mea paia, ma tuu ia mea i se ʻie lanu moana ma ufiufi ai i paʻu takesa, ma tuu i luga o se laau e ave ai.

13 “E latou te aveese lefulefu* mai i le fata faitaulaga,+ ma fofola ai i luga se ʻie ua vali lanu violē. 14 E latou te tuu ai i luga o mea uma e latou te faaaogāina pe a auauna i le fata faitaulaga: o salefu, o tui, o suō, o ipu faaofuofu, ma mea uma o le fata faitaulaga;+ e latou te fofola ai foʻi i luga le ufiufi o le paʻu takesa ma sulu ai ona amo.+

15 “E ao iā Arona ma ona atalii ona faamāeʻa le ufiufiina o le mea paia,+ ma mea uma e faaaogā i le mea paia pe a latou sauni e ō. Ona ō mai lea o atalii o Koato e latou te amoina ia mea,+ ae aua lava neʻi o latou papaʻi atu i le mea paia neʻi latou feoti.+ O tiute tauave* nei a atalii o Koato e fesoota‘i ma le faleʻie o le feiloaʻiga.

16 “O Eleasaro+ le atalii o Arona le ositaulaga, e vaaia le suāuu mo molī,+ o le mea manogi lelei+ e faamū, o taulaga i meaʻai* i aso fai soo, ma le suāuu e faauu ai.+ O ia foʻi e vaaia le faleʻie paia uma ma mea uma ua iai, e aofia ai le mea paia ma mea uma ua iai.”

17 Ua fetalai atili mai Ieova iā Mose ma Arona e faapea: 18 “Aua neʻi tuua le ituaiga o aiga o Koato+ ia fasiotia mai i le ʻau sa Levī. 19 Ae ia faia lenei mea ina ia ola ai i latou ae lē feoti, ona o le faalatalata atu i mea e sili ona paia.+ O le a ulufale Arona ma ona atalii ma e latou te tofia atu i le tagata lana galuega ma lana avega. 20 Aua neʻi o latou ō mai i totonu e vaavaai i mea paia i sina sekone lava, ina neʻi feoti i latou.”+

21 Ona fetalai mai lea o Ieova iā Mose e faapea: 22 “Ia faitau le aofaʻi o atalii o Keresona,+ e tusa ma aiga o o latou tamā ma o latou aiga. 23 E te lesitalaina i latou e amata mai i le 30 tausaga le matutua e oo atu i le 50 tausaga, o ē uma e i le vaega ua tofia e auauna i le faleʻie o le feiloaʻiga. 24 O le mea lenei ua tofia i aiga o Keresona e latou te vaaia ma tauave:+ 25 E latou te ave ʻie o le faleʻie paia, le faleʻie o le feiloaʻiga,+ o lona ufiufi ma le ufiufi paʻu takesa lea e i le pito i luga,+ le ʻie pupuni o le faitotoʻa o le faleʻie o le feiloaʻiga,+ 26 o ʻie e tautau i le lotoā,+ le ʻie pupuni i le faitotoʻa o le lotoā+ lea e faataamilo i le faleʻie paia ma le fata faitaulaga, o maea o le faleʻie ma mea uma e faaaogā ai, ma mea uma e manaʻomia mo le faia o galuega. O la latou galuega lea. 27 O galuega uma ma mea e ave e le fanauga a Keresona,+ e ao ona vaaia e Arona ma ona atalii; ia e tofia i ai nei mea uma e latou te tauaveina, auā o lo latou tiute tauave lea. 28 O le galuega lenei a aiga o le fanauga a Keresona i le faleʻie o le feiloaʻiga,+ ma o a latou tiute tauave e faia i le taʻitaʻiga a Itamaro,+ le atalii o Arona le ositaulaga.

29 “Ia e lesitalaina atalii o Merari+ e tusa ma o latou aiga, ma aiga o o latou tamā. 30 E te lesitalaina i latou e amata mai i le 30 tausaga le matutua e oo atu i le 50 tausaga, o ē uma e i le vaega ua tofia e auauna i le faleʻie o le feiloaʻiga. 31 O mea nei e ao ona latou aveina+ e fesoota‘i ma a latou galuega i le faleʻie o le feiloaʻiga: o auivi laupapa+ o le faleʻie paia, o ona pou faalava,+ o ona poutū,+ o ona lagolago;+ 32 o poutū+ e soo ai le lotoā, o lagolago,+ o pine+ ma maea o le faleʻie, atoa foʻi ma mea uma e faaaogā ma mea uma e tusa ma lenei auaunaga. E tou te tofia e tusa ma o latou igoa mea e ao ona latou aveina. 33 O le auala lenei e auauna ai aiga o atalii o Merari+ i le faleʻie o le feiloaʻiga, ma e faia i le taʻitaʻiga a Itamaro, le atalii o Arona le ositaulaga.”+

34 Ona lesitalaina lea e Mose ma Arona ma taʻitaʻi+ o le faapotopotoga, o atalii o Koato+ e tusa ma o latou aiga ma aiga o o latou tamā, 35 e amata mai i le 30 tausaga le matutua e oo atu i le 50 tausaga, o ē uma e i le vaega ua tofia e auauna i le faleʻie o le feiloaʻiga.+ 36 O le aofa‘iga o i latou ua lesitalaina e tusa ma o latou aiga, e 2,750.+ 37 O i latou ia mai i aiga o le fanauga a Koato ua lesitalaina, o ē uma ua auauna i le faleʻie o le feiloaʻiga. Ua lesitalaina e Mose ma Arona i latou ona o le faatonuga a Ieova e ala mai iā Mose.+

38 Ua lesitalaina atalii o Keresona+ e tusa ma o latou aiga, ma aiga o o latou tamā, 39 e amata mai i le 30 tausaga le matutua e oo atu i le 50 tausaga, o ē uma e i le vaega ua tofia e auauna i le faleʻie o le feiloaʻiga. 40 O le aofa‘iga o i latou ua lesitalaina e tusa ma o latou aiga ma aiga o o latou tamā, e 2,630.+ 41 O le lesitalaina lenei o aiga o atalii o Keresona, o ē ua auauna i le faleʻie o le feiloaʻiga. Ua lesitalaina e Mose ma Arona i latou ona o le faatonuga a Ieova.+

42 Ua lesitalaina atalii o Merari e tusa ma o latou aiga, ma aiga o o latou tamā, 43 e amata mai i le 30 tausaga le matutua e oo atu i le 50 tausaga, o ē uma e i le vaega ua tofia e auauna i le faleʻie o le feiloaʻiga.+ 44 O le aofa‘iga o i latou ua lesitalaina e tusa ma o latou aiga, e 3,200.+ 45 O le lesitalaina lenei o aiga o atalii o Merari, o ē ua lesitalaina e Mose ma Arona ona o le faatonuga a Ieova e ala mai iā Mose.+

46 Ua lesitalaina e Mose ma Arona ma taʻitaʻi o Isaraelu nei sa Levī uma, e tusa ma o latou aiga ma aiga o o latou tamā; 47 o i latou e amata mai i le 30 tausaga le matutua e oo atu i le 50 tausaga, ma o i latou uma na tofia e auauna ma amoina mea e fesoota‘i ma le faleʻie o le feiloaʻiga.+ 48 O le aofa‘iga o i latou ua lesitalaina, e 8,580.+ 49 Na lesitalaina i latou ona o le faatonuga a Ieova e ala mai iā Mose, e taʻitasi e tusa ma lana galuega ua tofia i ai ma lana avega; na lesitalaina i latou e pei ona poloaʻi mai ai Ieova iā Mose.

5 Ua toe fetalai mai pea Ieova iā Mose e faapea: 2 “Ia e fai atu i le fanauga a Isaraelu ia aauina ese mai i le mea ua faatutū ai faleʻie i latou uma e lepela,+ ma so o se tasi e sau se sua+ mai i lona tino, ma so o se tasi e lē mamā ona na paʻi i se tagata oti.+ 3 E tusa lava po o se tane po o se fafine e ao ona outou aauina ese atu i latou. E ao ona outou aauina ese i latou i tua o le togālauapi, ina neʻi pisia i latou+ o loo i faleʻie auā ou te nofo* faatasi ma i latou.”+ 4 Ona faia lea faapea e le fanauga a Isaraelu, ua aauina ese i latou i tua o le togālauapi. Ua faia e le fanauga a Isaraelu e pei ona fetalai mai ai Ieova iā Mose.

5 Ua fetalai atili mai Ieova iā Mose e faapea: 6 “Ia e fai atu i le fanauga a Isaraelu, ‘Afai e faia e se tane po o se fafine se tasi o agasala e masani ona faia e tagata, ma faia se gaoioiga lē faamaoni iā Ieova, e nofosala lenā tagata.+ 7 E ao ona ia* taʻutino atu+ lana* agasala na fai, ma e toe faafoʻi atu le taui atoa mo lana agasala, ma faaopoopo i ai le tasi vaelima i lea taui;+ e ao ona ia avatu i lē na ia agasala i ai. 8 Ae afai ua oti lē na ia agasala i ai ae e leai sona aiga vavalalata e avatu i ai le taui o le agasala, ona avatu lea iā Ieova o le taui o lana agasala ma e fai lea mo le ositaulaga, e ese mai i le tamaʻi mamoe poʻa lea e faia ai e le ositaulaga le togisala mo ia.+

9 “‘O foaʻi paia+ uma lava a le fanauga a Isaraelu e avatu i le ositaulaga, e fai ia mo ia.+ 10 E tumau pea ona fai mo ia mea paia uma ua avatu e tagata taʻitoʻatasi. Po o ā lava mea ua avatu e tagata taʻitoʻatasi i le ositaulaga, o mea na a le ositaulaga.’”

11 Ua toe fetalai mai Ieova iā Mose e faapea: 12 “Ia e fai atu i le fanauga a Isaraelu, ma faapea atu iā i latou, ‘O le mea lenei e fai pe a liliuese se avā a se tane ma lē faamaoni iā te ia, 13 ma ua feusua‘i ma se isi tamāloa+ ae ua natia lenei mea mai i lana tane ma ua lilo pea, ua ia faia se mea e leaga ai o ia ae ua leai se molimau faasaga iā te ia, ma e leʻi maua foʻi o ia: 14 Afai e fuā le tane ma ua ia masalomia le faamaoni o lana avā ina ua ia faia se mea e leaga ai o ia lava, po ua fuā o ia ma masalomia le faamaoni o lana avā, ae e leʻi faia e le avā se mea e leaga ai o ia, 15 e ao i le tamāloa ona aumai lana avā i le ositaulaga faatasi ma le taulaga a lana avā, o le tasi vaesefulu o le efa* o le falaoamata e faia i le karite. E na te lē sasaa i ai se suāuu pe tuu i ai se lipano,* auā o le taulaga i meaʻai ona o le fuā, o le taulaga i meaʻai e faamanatu ai le agasala.

16 “‘E aumaia e le ositaulaga le avā i luma ma faatū i luma o Ieova.+ 17 Ona aumaia lea e le ositaulaga le vai paia i le ipu omea, e ave foʻi e le ositaulaga ni efuefu ua i luga o le fola o le faleʻie paia ma tuu i le vai. 18 E faatū e le ositaulaga le fafine i luma o Ieova ma tatala i lalo le lauulu o le fafine ma tuu i ona alofilima le taulaga i meaʻai e faamanatu ai, o le taulaga lea i meaʻai ona o le fuā,+ ma e uu i le lima o le ositaulaga le vai oona e malaia ai.+

19 “‘Ona faatautō lea o ia e le ositaulaga, ma fai atu i le fafine: “Afai e lua te leʻi feusua‘i ma se isi tamāloa a o e iai pea i le pule a lau tane+ ma e te leʻi liliuese ma faia se mea e leaga ai, ia lē afāina oe mai i lenei vai oona e malaia ai. 20 Ae afai ua e liliuese a o e iai pea i le pule a lau tane, e ala i le faia o se mea e te leaga ai, ma ua lua feusua‘i ma se isi tamāloa+ ae e lē o ia o lau tane​—” 21 Ona faatautō lea e le ositaulaga le fafine i se tautoga e faamalaia ai, ma e fai atu le ositaulaga i le fafine: “Ia faia e Ieova oe ma faataʻitaʻiga o le malaia, ma o se tautoga i totonu o lou nuu pe a faapaʻū ese* e Ieova lou ogāvae* ma fula ai lou manava. 22 E oo lenei vai e malaia ai i lou gaʻau ina ia fula ai lou manava ma paʻū ese* ai lou ogāvae.”* E ao ona faapea mai le fafine: “Amene! Amene!”*

23 “‘Ona tusia lea e le ositaulaga o nei malaia i se tusi ma tapē ese ai i le vai oona. 24 E na te faainu le fafine i le vai oona e malaia ai, ona oo lea i totonu iā te ia o le vai e malaia ai ma onā ai o ia. 25 E ave e le ositaulaga le taulaga i meaʻai ona o le fuā+ mai i le lima o le fafine, ma lūlū i le isi itu ma le isi itu le taulaga i meaʻai i luma o Ieova, ma avatu ai e latalata ane i le fata faitaulaga. 26 E ave e le ositaulaga se luuga o le taulaga i meaʻai e fai ma sui o le taulaga atoa* ma susunu i luga o le fata faitaulaga,+ mulimuli ane ona ia faainu ai lea o le fafine i le vai. 27 Pe a ia faainu o ia i le vai, afai sa ia faia se mea e leaga ai o ia ma faia se gaoioiga lē faamaoni i lana tane, e oo i totonu iā te ia le vai lea e malaia ai ma onā ai o ia, ona fula ai lea o lona manava ma paʻū ese* ai lona ogāvae,* ma e taʻua foʻi lea fafine e tagata o lona nuu pe a faia a latou faamalaia. 28 Peita‘i, afai e leʻi faia e le fafine se mea e leaga ai ma ua mamā o ia, e sao o ia mai i lenā faasalaga, ma e mafai ona maʻitō o ia ma fanauina ni fanau.

29 “‘O le tulafono lenei i le fuā,+ pe a liliuese se fafine ma faia se mea e leaga ai o ia a o iai pea i le pule a lana tane, 30 pe afai foʻi ua fuā se tamāloa ma masalosalo ua lē faamaoni lana avā iā te ia; e ao ona ia faatū le avā i luma o Ieova, ma e ao i le ositaulaga ona faatinoina lenei tulafono i le avā. 31 E sao le tamāloa mai i le agasala, ae e tali atu lana avā i lana agasala.’”

6 Ua fetalai mai foʻi Ieova iā Mose e faapea: 2 “Ia e fai atu i le fanauga a Isaraelu ma faapea atu iā i latou, ‘Afai e faia e se tane po o se fafine se tautoga faapitoa e avea ma se Naseri*+ iā Ieova, 3 e lē tatau ona ia inu i le uaina po o se isi ʻava malosi. E lē tatau ona ia inu i le vineta o le uaina po o le vineta o se isi ʻava malosi.+ E lē tatau ona ia inu i se sua ua faia mai i le vine, pe ʻai foʻi i ni vine mata pe mamago. 4 O aso uma e avea ai o ia o se Naseri, e lē tatau ona ʻai i so o se mea e faia mai i le laau o le vine, e aofia ai fua moto atoa foʻi ma paʻu.

5 “‘O aso uma ua faia ai lana tautoga o se Naseri, aua neʻi oo se tafi i lona ulu.+ E ao ona paia lava o ia e ala i le faauumi o lona lauulu seʻia oo ina atoa aso ua vavaeese ai o ia mo Ieova. 6 E lē tatau ona faalatalata atu o ia i se tino oti i aso uma ua vavaeese ai o ia lava mo Ieova. 7 Aua neʻi lē mamā o ia ona o lona tamā po o lona tinā, po o lona uso, po o lona tuafafine pe a maliliu i latou,+ auā ua avea lona lauulu ma faailoga o lona avea ma Naseri i lona Atua.

8 “‘E paia lava o ia iā Ieova i aso uma e avea ai o ia ma Naseri. 9 Ae afai e oti faafuaseʻi se tasi i ona autafa+ ma lē mamā ai lona ulu lea ua iai le faailoga o lona vavaeese mo le Atua,* e ao ona ia tafi lona ulu+ i le aso e faamamāina ai o ia. E ao ona ia tafi lona ulu i le aso lona fitu. 10 Ae i le aso lona valu, e ao ona ia aumaia ai ni manutagi se lua po o ni tamaʻi lupe se lua i le ositaulaga i le faitotoʻa o le faleʻie o le feiloaʻiga. 11 E fai e le ositaulaga le tasi ma taulaga o agasala, a o le isi e fai ma taulaga mū ma faia ai le togisala mo ia,+ auā ua ia agasala ona o le tino oti. E ao ona ia faapaia lona lava ulu i lea aso. 12 E ao ona toe amata ona vavaeese o ia mo Ieova i aso uma e avea ai o se Naseri, e na te aumaia foʻi se tamaʻi mamoe poʻa faatoʻā atoa le tausaga e fai ma taulaga o le nofosala. Peita‘i, e lē toe faitaulia aso ua mavae auā ua ia faaleagaina lona avea ma Naseri.

13 “‘O le tulafono lenei e faatatau i le Naseri: I le aso e atoa ai ona aso e fai ai ma Naseri,+ e aumaia o ia i le faitotoʻa o le faleʻie o le feiloaʻiga. 14 O manu ia e na te aumaia e fai ai ana taulaga iā Ieova: o se tamaʻi mamoe poʻa faatoʻā atoa le tausaga e matuā lelei lava e fai ma taulaga mū,+ o se tamaʻi mamoe fafine faatoʻā atoa le tausaga e matuā lelei lava e fai ma taulaga o agasala,+ o se mamoe poʻa e matuā lelei lava e fai ai le taulaga faifaatasi,+ 15 o le ato o falaoa lapotopoto e lē faafefeteina ua fai i le falaoamata lelei ua iai sina suāuu, o falaoa manifinifi e lē faafefeteina ua nini i le suāuu, faatasi ma taulaga i meaʻai+ ma taulaga i meainu.+ 16 E aumaia e le ositaulaga na mea i luma o Ieova, ma faia ai lana taulaga o agasala ma lana taulaga mū. 17 E na te ofo atu iā Ieova le mamoe poʻa o le taulaga faifaatasi atoa ma le ato o falaoa e lē faafefeteina, ma e avatu e le ositaulaga le taulaga i meaʻai+ ma taulaga i meainu faatasi ma le mamoe poʻa.

18 “‘E ao i le Naseri ona tafi lona ulu*+ i le faitotoʻa o le faleʻie o le feiloaʻiga, e na te ave foʻi ona lauulu na tutupu a o avea o ia ma Naseri, ma tuu i luga o le afi lea ua i lalo o le taulaga faifaatasi. 19 E aumaia e le ositaulaga le alagalima o le mamoe poʻa ua uma ona saka,+ o le falaoa lapotopoto e lē faafefeteina e tasi mai i le ato, o le falaoa manifinifi e lē faafefeteina e tasi, ma tuu i alofilima o le Naseri ina ua uma ona tafiese le faailoga o lona avea ma Naseri. 20 E ao i le ositaulaga ona lūlū ia mea mai i le isi itu i le isi itu e fai ma taulaga lūlū iā Ieova.+ O se mea lea e paia i le ositaulaga, faatasi ma le fatafata o le taulaga lūlū, ma le vae ua tuu ese e fai ma foaʻi.+ Mulimuli ane, e mafai ona inu le Naseri i le uaina.

21 “‘O le tulafono lea e faatatau i le Naseri+ e faia se tautoga: Afai e tautō o ia ma gafatia le faia o se taulaga iā Ieova e faaopoopo i taulaga e ao ona ia faia o se Naseri, e ao ona ia faataunuu lana tautoga e tusa ma le tulafono o le avea o ia o se Naseri.’”

22 Ona fetalai mai lea o Ieova iā Mose: 23 “Ia e fai atu iā Arona ma ona atalii e faapea, ‘O le auala lenei e tou te faamanuia+ ai i le fanauga a Isaraelu, ia faapea atu iā i latou:

24 “Tau ina ia faamanuia outou+ e Ieova ma tausia outou.

25 Tau ina ia susulu atu le malamalama o fofoga o Ieova iā te outou+ ma ia finagalo malie iā te outou.

26 Tau ina ia silasila atu fofoga o Ieova iā te outou ma tuuina atu le filemu iā te outou.”’+

27 E latou te taʻu atu foʻi loʻu igoa i luga o le fanauga a Isaraelu,+ ina ia ou faamanuia atu ai iā i latou.”+

7 I le aso na uma ai ona faatūina e Mose le faleʻie paia,+ ona ia faauuina+ ma faapaiaina ai lea, atoa ma mea uma o le faleʻie paia, o le fata faitaulaga ma mea uma e faaaogā ai.+ Ina ua ia faauuina ma faapaiaina ia mea,+ 2 ona faia lea o se foaʻi e taʻitaʻi o Isaraelu,+ o ulu o aiga o o latou tamā. O nei taʻitaʻi o ituaiga ua vaavaaia ē ua lesitalaina, 3 ua latou aumai a latou foaʻi iā Ieova, e ono taavale toso ua fai ufiufi ma povi e 12, o le taavale toso mo taʻitaʻi e toʻalua, e tofu le taʻitaʻi ma le povi poʻa e tasi; ua latou aumaia ia povi i luma o le faleʻie paia. 4 Ona fetalai mai lea o Ieova iā Mose: 5 “Ia e talia na mea mai iā i latou, auā e faaaogā i le faia o le auaunaga i le faleʻie o le feiloaʻiga, ma ia e avatu i le ʻau sa Levī, e taʻitasi e tusa ai ma ana tiute tauave.”

6 Ona talia lea e Mose o taavale toso ma povi, ma avatu ia mea i le ʻau sa Levī. 7 Ua ia avatu taavale toso e lua ma povi e fā i atalii o Keresona e tusa ma a latou tiute tauave;+ 8 ua ia avatu foʻi taavale toso e fā ma povi e valu i atalii o Merari e tusa ma a latou tiute tauave, i le taʻitaʻiga a Itamaro le atalii o Arona le ositaulaga.+ 9 Ae ua leai ni mea ua avatu e ia i atalii o Koato, auā o a latou tiute tauave e aofia ai le tauaveina o mea e faaaogā i le mea paia,+ ma ua latou amoina mea paia i o latou tauʻau.+

10 Ua aumaia e taʻitaʻi la latou foaʻi i le faapaiaina*+ o le fata faitaulaga i le aso ua faauuina ai. Ina ua avatu e taʻitaʻi la latou foaʻi i luma o le fata faitaulaga, 11 ona fetalai mai lea o Ieova iā Mose: “O le aso ma le taʻitaʻi, o le auala lenā e latou te faia ai a latou foaʻi mo le faapaiaga o le fata faitaulaga.”

12 O lē ua avatu lana foaʻi i le aso muamua, o Naasona+ le atalii o Aminatapu o le ituaiga o Iuta. 13 O lana foaʻi o le ipu mafolafola siliva e tasi, o le mamafa e 130 sekeli,* o le ipu faaofuofu siliva e tasi o le mamafa e 70 sekeli e tusa ma le fua masani o le mea paia,*+ ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 14 e tasi le ipu tī* auro o le mamafa e 10 sekeli, ua tumu i mea manogi e mū; 15 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga e fai ai le taulaga mū;+ 16 e tasi le tamaʻi ʻoti e fai ai le taulaga o agasala;+ 17 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Naasona le atalii o Aminatapu.+

18 O le aso lona lua ua avatu ai e Netanielu+ le atalii o Suaro le taʻitaʻi o Isakara lana foaʻi. 19 Ua ia avatu lana foaʻi o le ipu mafolafola siliva e tasi, o le mamafa e 130 sekeli, o le ipu faaofuofu siliva e tasi o le mamafa e 70 sekeli e tusa ma le fua masani o le mea paia,+ ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 20 e tasi le ipu tī auro o le mamafa e 10 sekeli, ua tumu i mea manogi e mū; 21 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga e fai ai le taulaga mū;+ 22 e tasi le tamaʻi ʻoti e fai ai le taulaga o agasala;+ 23 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Netanielu le atalii o Suaro.

24 O le aso lona tolu o le aso o le taʻitaʻi o atalii o Sepulona, o Eliapo+ le atalii o Horona, 25 na faia lana foaʻi o le ipu mafolafola siliva e tasi, o le mamafa e 130 sekeli, o le ipu faaofuofu siliva e tasi o le mamafa e 70 sekeli e tusa ma le fua masani o le mea paia,+ ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 26 e tasi le ipu tī auro o le mamafa e 10 sekeli, ua tumu i mea manogi e mū; 27 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga e fai ai le taulaga mū;+ 28 e tasi le tamaʻi ʻoti e fai ai le taulaga o agasala;+ 29 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Eliapo+ le atalii o Horona.

30 O le aso lona fā o le aso o le taʻitaʻi o atalii o Reupena, o Elisura+ le atalii o Seturo, 31 na faia lana foaʻi o le ipu mafolafola siliva e tasi, o le mamafa e 130 sekeli, o le ipu faaofuofu siliva e tasi o le mamafa e 70 sekeli e tusa ma le fua masani o le mea paia,+ ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 32 e tasi le ipu tī auro o le mamafa e 10 sekeli, ua tumu i mea manogi e mū; 33 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga e fai ai le taulaga mū;+ 34 e tasi le tamaʻi ʻoti e fai ai le taulaga o agasala;+ 35 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Elisura+ le atalii o Seturo.

36 O le aso lona lima o le aso o le taʻitaʻi o atalii o Simeona, o Selumielu+ le atalii o Surisatai, 37 na faia lana foaʻi o le ipu mafolafola siliva e tasi, o le mamafa e 130 sekeli, o le ipu faaofuofu siliva e tasi o le mamafa e 70 sekeli e tusa ma le fua masani o le mea paia,+ ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 38 e tasi le ipu tī auro o le mamafa e 10 sekeli, ua tumu i mea manogi e mū; 39 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga e fai ai le taulaga mū;+ 40 e tasi le tamaʻi ʻoti e fai ai le taulaga o agasala;+ 41 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Selumielu+ le atalii o Surisatai.

42 O le aso lona ono o le aso o le taʻitaʻi o atalii o Kato, o Eliasafo+ le atalii o Tuelu, 43 na faia lana foaʻi o le ipu mafolafola siliva e tasi, o le mamafa e 130 sekeli, o le ipu faaofuofu siliva e tasi o le mamafa e 70 sekeli e tusa ma le fua masani o le mea paia,+ ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 44 e tasi le ipu tī auro o le mamafa e 10 sekeli, ua tumu i mea manogi e mū; 45 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga e fai ai le taulaga mū;+ 46 e tasi le tamaʻi ʻoti e fai ai le taulaga o agasala;+ 47 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Eliasafo+ le atalii o Tuelu.

48 O le aso lona fitu o le aso o le taʻitaʻi o atalii o Efaraima, o Elisama+ le atalii o Ameuta, 49 na faia lana foaʻi o le ipu mafolafola siliva e tasi, o le mamafa e 130 sekeli, o le ipu faaofuofu siliva e tasi o le mamafa e 70 sekeli e tusa ma le fua masani o le mea paia,+ ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 50 e tasi le ipu tī auro o le mamafa e 10 sekeli, ua tumu i mea manogi e mū; 51 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga e fai ai le taulaga mū;+ 52 e tasi le tamaʻi ʻoti e fai ai le taulaga o agasala;+ 53 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Elisama+ le atalii o Ameuta.

54 O le aso lona valu o le aso o le taʻitaʻi o atalii o Manase, o Kamalielu+ le atalii o Petasura, 55 na faia lana foaʻi o le ipu mafolafola siliva e tasi, o le mamafa e 130 sekeli, o le ipu faaofuofu siliva e tasi o le mamafa e 70 sekeli e tusa ma le fua masani o le mea paia,+ ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 56 e tasi le ipu tī auro o le mamafa e 10 sekeli, ua tumu i mea manogi e mū; 57 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga e fai ai le taulaga mū;+ 58 e tasi le tamaʻi ʻoti e fai ai le taulaga o agasala;+ 59 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Kamalielu+ le atalii o Petasura.

60 O le aso lona iva o le aso o le taʻitaʻi+ o atalii o Peniamina, o Apitano+ le atalii o Kitione, 61 na faia lana foaʻi o le ipu mafolafola siliva e tasi, o le mamafa e 130 sekeli, o le ipu faaofuofu siliva e tasi o le mamafa e 70 sekeli e tusa ma le fua masani o le mea paia,+ ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 62 e tasi le ipu tī auro o le mamafa e 10 sekeli, ua tumu i mea manogi e mū; 63 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga e fai ai le taulaga mū;+ 64 e tasi le tamaʻi ʻoti e fai ai le taulaga o agasala;+ 65 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Apitano+ le atalii o Kitione.

66 O le aso lona sefulu o le aso o le taʻitaʻi o atalii o Tanu, o Aisera+ le atalii o Amisatai, 67 na faia lana foaʻi o le ipu mafolafola siliva e tasi, o le mamafa e 130 sekeli, o le ipu faaofuofu siliva e tasi o le mamafa e 70 sekeli e tusa ma le fua masani o le mea paia,+ ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 68 e tasi le ipu tī auro o le mamafa e 10 sekeli, ua tumu i mea manogi e mū; 69 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga e fai ai le taulaga mū;+ 70 e tasi le tamaʻi ʻoti e fai ai le taulaga o agasala;+ 71 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Aisera+ le atalii o Amisatai.

72 O le aso lona 11 o le aso o le taʻitaʻi o atalii o Asera, o Pagielu+ le atalii o Okirano, 73 na faia lana foaʻi o le ipu mafolafola siliva e tasi, o le mamafa e 130 sekeli, o le ipu faaofuofu siliva e tasi o le mamafa e 70 sekeli e tusa ma le fua masani o le mea paia,+ ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 74 e tasi le ipu tī auro o le mamafa e 10 sekeli, ua tumu i mea manogi e mū; 75 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga e fai ai le taulaga mū;+ 76 e tasi le tamaʻi ʻoti e fai ai le taulaga o agasala;+ 77 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Pagielu+ le atalii o Okirano.

78 O le aso lona 12 o le aso o le taʻitaʻi o atalii o Nafatali, o Akira+ le atalii o Enano, 79 na faia lana foaʻi o le ipu mafolafola siliva e tasi, o le mamafa e 130 sekeli, o le ipu faaofuofu siliva e tasi o le mamafa e 70 sekeli e tusa ma le fua masani o le mea paia,+ ua tumu uma ia ipu i le falaoamata lelei ua iai sina suāuu e fai ai le taulaga i meaʻai;+ 80 e tasi le ipu tī auro o le mamafa e 10 sekeli, ua tumu i mea manogi e mū; 81 e tasi le tamaʻi povi poʻa, e tasi le mamoe poʻa, e tasi le tamaʻi mamoe poʻa ua faatoʻā atoa le tausaga e fai ai le taulaga mū;+ 82 e tasi le tamaʻi ʻoti e fai ai le taulaga o agasala;+ 83 ma e lua povi, e lima mamoe poʻa, e lima ʻoti poʻa, e lima tamaʻi mamoe poʻa e taʻitasi tausaga e fai ai le taulaga faifaatasi.+ O le foaʻi lenei a Akira+ le atalii o Enano.

84 O le foaʻi lenei mo le faapaiaga+ o le fata faitaulaga mai i taʻitaʻi o Isaraelu i le aso ua faauuina ai: e 12 ipu mafolafola siliva, e 12 ipu faaofuofu siliva, e 12 ipu tī auro;+ 85 e 130 sekeli le mamafa o ipu siliva mafolafola taʻitasi, ma e 70 sekeli le mamafa o ipu faaofuofu taʻitasi, o siliva o ipu uma e 2,400 sekeli e tusa ma le fua masani o le mea paia;+ 86 o ipu tī auro e 12 ua tutumu i mea manogi e mū, e 10 sekeli le mamafa o ipu tī taʻitasi e tusa ma le fua masani o le mea paia, o auro uma o ipu tī e 120 sekeli. 87 O manu uma mo le taulaga mū e 12 povi poʻa, e 12 mamoe poʻa, e 12 tamaʻi mamoe poʻa e taʻitasi tausaga, ma taulaga i meaʻai, ma tamaʻi ʻoti e 12 e fai ai le taulaga o agasala; 88 ma e 24 povi poʻa, e 60 mamoe poʻa, e 60 ʻoti poʻa ma tamaʻi mamoe poʻa e 60 e taʻitasi tausaga, o manu uma ia e fai ai le taulaga faifaatasi. O le foaʻi lenei mo le faapaiaga+ o le fata faitaulaga ina ua uma ona faauuina.+

89 O so o se taimi e ulufale atu ai Mose i le faleʻie o le feiloaʻiga e talanoa ma le Atua,*+ ona ia faalogo lea i le siʻufofoga ua fetalai mai iā te ia mai i luga o le ufiufi+ o le atolaau o le feagaiga,* mai i le vā o kerupi e lua;+ ona fetalai mai lea o le Atua iā te ia.

8 Ona fetalai mai lea o Ieova iā Mose e faapea: 2 “Ia e fai atu iā Arona ma e faapea atu iā te ia, ‘Pe a e tutuina molī, e ao ona susulu atu le malamalama o molī e fitu i le pito i luma o le tuugāmolī.’”+ 3 O lea, o le mea lenei ua faia e Arona: Ua ia tutu molī ina ia malamalama ai le pito i luma o le tuugāmolī,+ e pei ona poloaʻi mai ai Ieova iā Mose. 4 Ua faapenei ona faia le tuugāmolī: Ua faia i le auro e ala i le faaaogāina o le samala; e mai i lona ʻau e oo i ona fuga ua faia e ala i le faaaogāina o le samala.+ Ua faia le tuugāmolī e tusa ai ma mea na faaali mai+ e Ieova iā Mose.

5 Ua fetalai mai pea Ieova iā Mose e faapea: 6 “Ia e aumai le ʻau sa Levī mai i le fanauga a Isaraelu, ma ia faamamāina i latou.+ 7 O le auala lea e te faamamā ai i latou: Ia sausau le vai e faamamā ai mai i agasala i o latou luga, e ao ona latou tafi o latou tino uma, ia tatā o latou ofu, ma faamamā iā te i latou lava.+ 8 Ona latou aumaia lea o se tamaʻi povi poʻa+ ma le taulaga i meaʻai+ o falaoamata lelei ua iai sina suāuu, ma e te aumaia foʻi se tamaʻi povi poʻa e fai ai le taulaga o agasala.+ 9 E te aumaia le ʻau sa Levī i luma o le faleʻie o le feiloaʻiga, ma faapotopoto mai le faapotopotoga atoa o le fanauga a Isaraelu.+ 10 Pe a e aumaia le ʻau sa Levī i luma o Ieova, e faaee e le fanauga a Isaraelu o latou lima i luga o le ʻau sa Levī.+ 11 E ao iā Arona ona ofo atu* le ʻau sa Levī i luma o Ieova, e fai ma taulaga lūlū+ mai i le fanauga a Isaraelu, ma e latou te auauna i le galuega a Ieova.+

12 “Ona faaee lea o lima o le ʻau sa Levī i luga o ulu o povi poʻa.+ Pe a māeʻa, ona avatu lea o le tasi e fai ai le taulaga o agasala, ma le isi e fai ai le taulaga mū iā Ieova, e faia ai le togisala+ mo le ʻau sa Levī. 13 E te faatutū le ʻau sa Levī i luma o Arona ma ona atalii, ma ofo atu* i latou e fai ma taulaga lūlū iā Ieova. 14 E ao ona e vavaeese le ʻau sa Levī mai i le fanauga a Isaraelu, ma e fai le ʻau sa Levī ma oʻu tagata.+ 15 A mavae lea, o le a ō mai le ʻau sa Levī e auauna i le faleʻie o le feiloaʻiga. O le auala lea e te faamamāina ai i latou ma ofo atu* i latou o se taulaga lūlū. 16 Auā o i latou ua tofia mo aʻu mai i le fanauga a Isaraelu. E fai i latou mo aʻu ina ia sui ai ulumatua uma lava* o le fanauga a Isaraelu.+ 17 Auā o aʻu e ana ulumatua uma o le fanauga a Isaraelu, o tagata atoa ma manu.+ Na ou faapaiaina i latou mo aʻu i le aso na ou taia ai ulumatua uma i le atunuu o Aikupito.+ 18 Ou te aumaia le ʻau sa Levī e sui ai ulumatua uma o le fanauga a Isaraelu. 19 Ou te avatu le ʻau sa Levī o ē ua tofia iā Arona ma ona atalii mai i le fanauga a Isaraelu, ina ia auauna i le galuega mo le fanauga a Isaraelu i le faleʻie o le feiloaʻiga,+ ma fesoasoani i le faia o le togisala mo le fanauga a Isaraelu,+ ina neʻi oo se mala i le fanauga a Isaraelu, auā e faalatalata atu le fanauga a Isaraelu i le mea paia.”

20 Ona faia lea faapea e Mose ma Arona ma le faapotopotoga o le fanauga a Isaraelu faatasi ma le ʻau sa Levī. Ua faapena lava ona faia e le fanauga a Isaraelu faatasi ma i latou, e tusa ma poloaʻiga uma a Ieova iā Mose e faatatau i le ʻau sa Levī. 21 Ua faamamā e le ʻau sa Levī i latou lava, ma tatā o latou ofu,+ mulimuli ane ua ofo atu* e Arona i latou e fai ma taulaga lūlū i luma o Ieova.+ Ona faia lea e Arona o le togisala mo i latou e faamamā ai i latou.+ 22 Ua mavae lea, ona ō mai ai lea o le ʻau sa Levī ina ia faia la latou galuega i le faleʻie o le feiloaʻiga i luma o Arona ma ona atalii. Ua faapea lava ona latou faia e pei ona poloaʻi mai ai Ieova iā Mose e faatatau i le ʻau sa Levī.

23 Ua fetalai mai foʻi Ieova iā Mose e faapea: 24 “O le mea lenei e faatatau i le ʻau sa Levī: O se tane e alu atu e galue i le vaega e faia galuega i le faleʻie o le feiloaʻiga, e amata mai i le 25 tausaga agaʻi i luga le matua. 25 Ae pe a atoa le 50 tausaga, ona mālōlō ai lea o ia mai i lea vaega e faia le galuega ma lē toe galue ai. 26 E mafai ona ia fesoasoani i ona uso o ē e tausia le faleʻie o le feiloaʻiga e tusa ma o latou tiute tauave, ae e lē tatau ona ia faatinoina le galuega i inā. Ia outou faia faapea i le ʻau sa Levī ma o latou tiute tauave.”+

9 Ona fetalai mai lea o Ieova iā Mose i le toafa o Sinai i le masina muamua+ o le tausaga lona lua talu ona latou ō ese mai i le atunuu o Aikupito, e faapea: 2 “E ao i le fanauga a Isaraelu ona faia le taulaga o le Paseka+ i lona aso atofaina.+ 3 I le aso 14 o lea masina i le afiafipō,* e ao ona outou faia ai le Paseka i lona aso atofaina. E ao ona outou faia+ e tusa ma ona tulafono ma fuafuaga masani uma.”

4 Ona fai atu lea o Mose i le fanauga a Isaraelu ina ia faia le taulaga o le Paseka. 5 Ona latou faia lea o le taulaga o le Paseka i le masina muamua, i le aso 14 o lea masina i le afiafipō* i le toafa o Sinai. Ua faapea lava ona faia mea uma e le fanauga a Isaraelu, e pei ona poloaʻi mai ai Ieova iā Mose.

6 Ua iai foʻi ni tane o ē ua lē mamā ona sa papaʻi i se tagata oti,+ ua lē mafai ai ona latou faia le taulaga o le Paseka i lea aso. Ona latou ō atu lea i luma o Mose ma Arona i lea aso+ 7 ma faapea atu iā Mose: “E ui ina matou lē mamā ona o le papaʻi i se tagata oti, aiseā e taofia ai i matou mai i le faia o le taulaga iā Ieova i le aso atofaina faatasi ma le fanauga a Isaraelu?”+ 8 Ona fai atu lea o Mose iā i latou: “Ia outou faatali i inā, ae seʻi oʻu faalogo atu i le mea ua poloaʻi mai ai Ieova e faatatau iā te outou.”+

9 Ona fetalai mai lea o Ieova iā Mose: 10 “Ia e fai atu i le fanauga a Isaraelu e faapea, ‘E ui lava e lē mamā se tasi o outou po o se tasi o a outou tupulaga o loo mulimuli mai ona o le papaʻi i se tagata oti,+ pe ona o loo alu i se malaga mamao, ae e ao lava iā te ia ona faia le taulaga o le Paseka iā Ieova. 11 E ao ona latou faia i le masina lona lua,+ i le aso 14 i le afiafipō.* E ao ona latou aai faatasi ai ma le falaoa e lē faafefeteina, ma fualaau ʻaina oona.+ 12 Aua neʻi o latou faatotoeina se mea seʻia oo i le taeao,+ aua foʻi neʻi gauia se ivi o le manu.+ E ao ona latou faia e tusa ma tulafono uma o le Paseka. 13 Ae afai e mamā se tagata pe e leʻi alu foʻi i se malaga mamao, ae ua ia lē faia le taulaga o le Paseka, e ao ona fasiotia lea tagata,+ auā ua ia lē avatu le taulaga a Ieova i le aso atofaina. E tali atu lea tagata i lana agasala.

14 “‘Ae afai e nofo aumau se tagata ese faatasi ma outou, e ao foʻi ona ia faia le taulaga o le Paseka iā Ieova.+ E na te faia faapea e tusa ma tulafono o le Paseka ma ona fuafuaga masani.+ E tasi lava le tulafono mo outou, o le tagata aumau atoa ma le tagatānuu.’”+

15 O le aso ua faatūina ai le faleʻie paia,+ ua ufitia ai e le ao le faleʻie paia o le mea ua iai foʻi le atolaau o le feagaiga,* ae i le pō ua iai pea se mea e foliga e pei o se afi i luga o le faleʻie paia seʻia oo i le taeao.+ 16 Ua faapena ai lava ona tupu: Pe a ao, e ufitia le faleʻie i le ao, ae i le pō ua foliga e pei o le afi.+ 17 Pe a alu aʻe le ao mai i luga o le faleʻie, ona malaga ese loa lea o le fanauga a Isaraelu,+ o le nofoaga e tū ai le ao, o i inā foʻi e faatutū ai e le fanauga a Isaraelu o latou faleʻie.+ 18 O le faatonuga a Ieova e malaga ese ai le fanauga a Isaraelu, o le faatonuga foʻi a Ieova e latou te faatutū ai o latou faleʻie.+ O aso uma e iai le ao i luga o le faleʻie paia, e latou te nonofo ai pea i o latou faleʻie. 19 A iai pea le ao i luga o le faleʻie paia mo aso e tele, ona usiusitaʻi foʻi lea o le fanauga a Isaraelu iā Ieova ma lē malaga ese ai.+ 20 I nisi taimi ua iai pea le ao i ni nai aso i luga o le faleʻie paia. O le faatonuga a Ieova e latou te nonofo ai pea i o latou faleʻie, o le faatonuga foʻi a Ieova e latou te malaga ese ai. 21 I nisi taimi ua iai pea le ao mai i le afiafipō seʻia oo i le taeao, ae pe a alu aʻe le ao i le taeao, ona latou malaga ese ai foʻi lea. E tusa po o le ao po o le pō e alu aʻe ai le ao, e latou te malaga ese lava.+ 22 E tusa lava pe lua ni aso, po o se masina, pe sili atu, ae pe a iai pea le ao i luga o le faleʻie paia, e nonofo ai pea le fanauga a Isaraelu i o latou faleʻie, ma e lē malaga ese i latou. Ae pe a alu aʻe le ao, ona latou malaga ese lea. 23 O le faatonuga a Ieova e latou te faatutū ai o latou faleʻie, ma o le faatonuga foʻi a Ieova e latou te malaga ese ai. Ua latou usiusitaʻi iā Ieova, ona o le faatonuga a Ieova e ala iā Mose.

10 Ua fetalai mai Ieova iā Mose e faapea: 2 “Ia e faia mo oe ni pū+ siliva se lua; e te faia e ala i le faaaogāina o le samala, ma faaaogā e faapotopoto mai ai le faapotopotoga ma le taimi e tapena ese ai faleʻie. 3 Pe a ilia uma pū e lua, e ao i le faapotopotoga atoa ona faapotopoto faatasi mai iā te oe i le faitotoʻa o le faleʻie o le feiloaʻiga.+ 4 Pe a ilia na o le pū e tasi, e na o taʻitaʻi, o ulu o le faitau afe o tagata Isaraelu e faapotopoto faatasi mai iā te oe.+

5 “Pe a outou ilia faatetetete le leo o le pū, e ao iā i latou ua iai faleʻie i le itu i sasaʻe+ ona malaga ese. 6 Pe a outou ilia faatetetete le pū i le taimi lona lua, e ao iā i latou ua iai faleʻie i le itu i saute+ ona malaga ese. E ao ona latou ilia le pū i lea auala i taimi uma e malaga ese ai se vaega o i latou.

7 “Pe a faapotopotoina le faapotopotoga atoa, e ao ona outou ilia le pū,+ ae aua neʻi outou ilia faatetetete le leo. 8 E ao i ositaulaga o atalii ia o Arona ona ilia pū, ma o le ilia o ia pū+ e fai ma tulafono tumau mo outou ma o outou tupulaga o loo mulimuli mai.

9 “Pe afai tou te tau ma ē e faasauā iā te outou i lo outou laueleele, e ao foʻi ona outou ilia pū+ e sauni ai mo le taua, ma o le a manatuaina outou e Ieova lo outou Atua ma e faaolaina outou mai i o outou fili.

10 “O aso fo‘i tou te fiafia ai,+ o aso o a outou tausamiga,+ ma amataga o o outou masina, e tou te ilia ai pū i luga o a outou taulaga mū+ ma a outou taulaga faifaatasi;+ o le ilia o ia pū ua fai ma mea e manatua ai outou i luma o lo outou Atua. O aʻu o Ieova lo outou Atua.”+

11 I le tausaga lona lua, i le masina lona lua, i le aso 20 o le masina,+ ua alu aʻe ai le ao mai i luga o le faleʻie paia+ i le mea ua iai le atolaau o le feagaiga.* 12 Ua malaga ese le fanauga a Isaraelu mai i le toafa o Sinai e tusa ma le faasologa masani, ma ua latou ō pea+ seʻia oo ina tū le ao i le toafa o Parana.+ 13 O le uluaʻi taimi lea ua latou malaga ese ai e tusa ma le faatonuga a Ieova e ala iā Mose.+

14 Ua muamua malaga ese se vaega o ituaiga e tolu o le fanauga a Iuta i a latou ʻautau, ma ua taʻitaʻia le ʻautau e Naasona+ le atalii o Aminatapu. 15 Ua taʻitaʻia e Netanielu+ le atalii o Suaro le ʻautau o le ituaiga o le fanauga a Isakara. 16 Ua taʻitaʻia e Eliapo+ le atalii o Horona le ʻautau o le ituaiga o le fanauga a Sepulona.

17 Ina ua tala i lalo le faleʻie paia,+ ona ō ai lea o atalii o Keresona+ ma atalii o Merari+ ma ave le faleʻie paia.

18 Ua malaga ese se vaega o ituaiga e tolu o le fanauga a Reupena i a latou ʻautau, ma ua taʻitaʻia le ʻautau e Elisura+ le atalii o Seturo. 19 Ua taʻitaʻia e Selumielu+ le atalii o Surisatai le ʻautau o le ituaiga o le fanauga a Simeona. 20 Ua taʻitaʻia e Eliasafo+ le atalii o Tuelu le ʻautau o le ituaiga o le fanauga a Kato.

21 Ona malaga ese lea o tagata o le aiga o Koato o ē e avea mea paia.+ E tatau ona māe‘a le faatūina o le faleʻie paia i le taimi e latou te taunuu atu ai.

22 Ua malaga ese se vaega o ituaiga e tolu o le fanauga a Efaraima i a latou ʻautau, ma ua taʻitaʻia le ʻautau e Elisama+ le atalii o Ameuta. 23 Ua taʻitaʻia e Kamalielu+ le atalii o Petasura le ʻautau o le ituaiga o le fanauga a Manase. 24 Ua taʻitaʻia e Apitano+ le atalii o Kitione le ʻautau o le ituaiga o le fanauga a Peniamina.

25 Ua malaga ese se vaega o ituaiga e tolu o le fanauga a Tanu e tusa ma a latou ʻautau e muliʻau i ituaiga uma, ma ua taʻitaʻia le ʻautau e Aisera+ le atalii o Amisatai. 26 Ua taʻitaʻia e Pagielu+ le atalii o Okirano le ʻautau o le ituaiga o le fanauga a Asera. 27 Ua taʻitaʻia e Akira+ le atalii o Enano le ʻautau o le ituaiga o le fanauga a Nafatali. 28 O le faasologa masani lea pe a malaga ese+ le fanauga a Isaraelu ma a latou ʻautau.

29 Ona fai atu lea o Mose iā Opapo, o le atalii o Reuelu*+ le Mitiana, le tamā o le avā a Mose: “O le a matou malaga ese atu i le mea na fetalai mai ai Ieova e faapea, ‘Ou te foaʻiina atu iā te outou.’+ Ia e sau tatou ō faatasi,+ ma matou te faia mea lelei iā te oe, auā ua folafola mai e Ieova mea lelei iā Isaraelu.”+ 30 Ae ua ia faapea mai iā te ia: “Ou te lē alu atu, ae ou te toe foʻi i loʻu atunuu ma oʻu aiga.” 31 Ona ia faapea atu lea: “Faamolemole, aua e te tuua i matou, auā ua e iloa le toafa o le a faatutū ai o matou faleʻie, ia avea oe ma o matou ta‘ita‘iala.* 32 Afai tatou te ō faatasi,+ o mea lelei uma e faaali mai e Ieova iā i matou, e matou te faaali atu fo‘i iā te oe.”

33 Ona latou savavali ese lea mai i le mauga o Ieova+ mo se malaga e tusa ma le tolu aso, ma ua muamua atu i o latou luma le atolaau+ o le feagaiga a Ieova mo se malaga e tusa ma le tolu aso, ina ia saʻili se mea e latou te mapu ai.+ 34 I le ao, ua iai le ao a Ieova+ i o latou luga a o latou savavali mai i le mea na faatutū ai o latou faleʻie.

35 O so o se taimi e ave ai le Atolaau, e faapea atu Mose: “Faamolemole Ieova e, inā tulaʻi ia+ ma faataapeape ou fili, ma ia sosola ese mai i ou luma o ē ua ʻinoʻino iā te oe.” 36 Ae pe a tuu i lalo le Atolaau, e faapea atu o ia: “Ieova e, ia e foʻi mai i le faitau afe* o tagata Isaraelu.”+

11 Ua matuā muimui tagata i luma o Ieova. Ina ua faafofoga Ieova i lea mea, ona matuā toʻasā ai lea o ia, ua alu ifo le afi mai iā Ieova iā i latou, ma ua faaumatia ai nisi o i latou i le faatausiʻusiʻuga o le togālauapi. 2 Ua fetagisi atu le nuu iā Mose, ona ia faatoga atu lea iā Ieova+ ma ua pē ai le afi. 3 Ua faaigoa lea nofoaga o Tapara,* ona o le afi mai iā Ieova lea sa matuā mumū iā i latou.+

4 Ua faaalia e tagata ese e toʻatele*+ ua iā i latou le mananaʻo tele i meaʻai,+ ua amata ai foʻi ona toe fetagisi le fanauga a Isaraelu ma faapea ane: “O ai ea e na te aumaia ni aano o manu e tatou te aai ai?+ 5 O le mea lea e tatou te manatua ai pea iʻa e masani ona tatou aai fua ai i Aikupito, faapea kukama, o meleni, o liki, o aniani, ma kaliki!+ 6 Ae o lenei ua vaivai o tatou tino. Ua na o le manai+ ua tatou vāai i ai.”

7 O le manai+ foʻi ua pei o le fatu o le koriano,+ ma e foliga e pei o le petala.* 8 Ua taape solo tagata e aoina le manai, ona latou olo lea i maa olo, pe tuʻi i se tanoa. Ona latou saka lea i le ulo, pe faia ai ni falaoa lapotopoto,+ ma o lona tofo e pei o se falaoa suamalie ua iai sina suāuu. 9 Pe a paʻū ifo le sau i le togālauapi i le pō, ona paʻū ifo ai foʻi lea o le manai.+

10 Ua lagona e Mose le fetagisi o tagata i o latou aiga, e taʻitasi le tane i le faitotoʻa o lona faleʻie. Ona matuā toʻasā ai lea o Ieova,+ ma o se mea leaga lea i le manatu o Mose. 11 Ona fai atu lea o Mose iā Ieova: “Aiseā ua e faatupu ai ia mea leaga i lau auauna? Aiseā ua ou lē maua ai lou finagalo malie, i lou tuuina mai o nei tagata uma ua avea o se avega mamafa iā te aʻu?+ 12 Po o aʻu ea o le tinā o nei tagata uma? Po o aʻu ea na fanaua i latou, ua e faapea mai ai iā te aʻu, ‘Ia e ave i latou i lou fatafata, e pei ona ave e se auauna* o se pepe,’ seʻia oo atu i le laueleele na e tautō ai i o latou augātamā?+ 13 O fea ou te alu e aumai ai ni aano o manu e avatu i ia tagata? Ua latou fetagisi mai pea iā te aʻu ma faapea mai, ‘Ia e aumai aano o manu matou te aai ai!’ 14 Ou te lē lavā ona tauave na o aʻu nei tagata uma; ua mamafa tele mo aʻu.+ 15 Afai o le mea lea ua e faia iā te aʻu, faamolemole ia e fasiotia loa aʻu.+ Afai ua e finagalo malie mai iā te aʻu, ia aua neʻi oʻu vaai i nisi puapuaga.”

16 Ona tali mai lea o Ieova iā Mose: “Ia faapotopoto mai mo aʻu ni tane se toʻa 70 mai i toeaina o Isaraelu, o ē ua e iloa o toeaina ma leoleo o le nuu,+ ia e avatu i latou i le faleʻie o le feiloaʻiga, ma ia latou tutū ai i inā faatasi ma oe. 17 Ou te alu ifo+ ma talanoa ma oe;+ ou te ave se vaega o le agaga+ ua iā te oe ma tuu i luga o i latou, ma o le a latou fesoasoani iā te oe i le tauaveina o le avega mamafa ona o le nuu, ina ia aua neʻi e tauaveina toʻatasi.+ 18 Ia e fai atu i le nuu, ‘Ia faapaiaina outou lava mo a taeao,+ ma o le a outou aai i aano o manu, ona ua outou fetagisi a o faafofoga Ieova,+ e faapea: “O ai na te aumaia aano o manu matou te aai ai? Sa manuia lava i matou i Aikupito.”+ O lea e avatu ai e Ieova iā te outou aano o manu ma outou aai ai lava.+ 19 E lē na o le tasi le aso e tou te aai ai, pe 2 aso, pe 5 aso, pe 10 aso, pe 20 aso, 20 ae e mo le masina atoa, seʻia oo ina sau i fafo mai i o outou pūisu ma ua outou matuā ʻinoʻino i ai,+ talu ai ua outou teena Ieova o lē ua faatasi ma outou, ma ua outou fetagisi i ona luma e faapea: “Aiseā na matou ō mai ai fua mai i Aikupito?”’”+

21 Ona faapea atu lea o Mose: “O tagata ua iā te aʻu e toʻa 600,000 tane+ e savavali, ae ua e fetalai mai, ‘O le aano o manu ou te avatu iā te i latou, e latou te aai ai mo le masina atoa’! 22 Afai e fasia lafu mamoe ma lafu povi uma, pe e lava ea ia mo i latou? Pe afai e fagotaina iʻa uma o le sami, pe e lava ea ia mo i latou?”

23 Ua fetalai mai Ieova iā Mose: “Po ua puupuu ea le lima o Ieova?+ O lenei, o le a e iloa lava pe taunuu le mea ua ou fai atu ai iā te oe pe leai.”

24 Ona ulufafo lea o Mose ma taʻu atu i le nuu fetalaiga a Ieova. Ua ia faapotopoto foʻi o tane e toʻa 70 mai i toeaina o le nuu, ma faatonuina i latou e tutū faataamilo i le faleʻie.+ 25 Ona afio ifo lea o Ieova i le ao+ ma fetalai mai iā te ia,+ ua ave se vaega o le agaga+ ua i ona luga ma tuu i luga o toeaina taʻitoʻatasi e toʻa 70. Ua alu ifo ai le agaga i o latou luga, ona amata lea ona latou gaoioi e pei o ni perofeta,*+ ae na gata ai i lea aso ona latou faia faapea.

26 Ua nonofo pea tane e toʻalua i le togālauapi. O o la igoa o Elitato ma Metato. Ua oo foʻi iā i laʻua le agaga, auā ua tusia o la igoa ae e leʻi ō atu i laʻua i le faleʻie. Ona amata lea ona la gaoioi e pei o ni perofeta i le togālauapi. 27 Ua tamoʻe atu se tauleʻaleʻa ma taʻu atu iā Mose e faapea: “Ua gaoioi Elitato ma Metato e pei o ni perofeta i le togālauapi!” 28 Ua tali mai Iosua+ le atalii o Nuno, o le auauna a Mose mai i lona talavou e faapea: “Loʻu alii e, Mose, ia e taofi iā i laʻua!”+ 29 Ae ua fai atu Mose iā te ia: “Po ua e fuā ona o aʻu? E leai, ou te manaʻo ia avea tagata uma o Ieova ma perofeta, ma ia tuuina mai e Ieova lona agaga iā i latou!” 30 Mulimuli ane, ua toe fo‘i atu Mose i le togālauapi faatasi ma toeaina o Isaraelu.

31 Ua agi mai le matagi mai iā Ieova ma ua aumai ai salu* mai i le sami, ua taape solo i le togālauapi+ e tusa ma le malaga o le aso e tasi i le tasi itu, ma e tusa ma le malaga o le aso e tasi i le isi itu, ua siʻomia atoa ai le togālauapi, ma o le faaputuga o manulele e tusa ma le lua kupita* le maualuga aʻe i le fogāeleele. 32 Ona ō atu lea o tagata i lenā aso atoa, ma le pō atoa ma le aso ua sosoo ai, ma ao mai salu. O lē e aupito i laʻitiiti ana mea na ao e sefulu somera,* ma ua latou folasia ia mea mo i latou lava i le togālauapi atoa. 33 A o le‘i uma ona latou ‘aina aano o manu, ae matuā toʻasā Ieova i le nuu, ma ua taia e Ieova le nuu i se faaumatiaga tele.+

34 Ona latou faaigoa ai lea o lea mea o Kiperota-atava,*+ auā o i inā na latou tanu ai tagata o ē sa soona mananaʻo i meaʻai.+ 35 Ua malaga ese le nuu mai i Kiperota-atava ma ō atu i Haserota, ma ua nonofo ai i Haserota.+

12 Ua faitio Miriama ma Arona iā Mose ona o lana avā mai i Kuso, auā na ia faiavā i se fafine Kuso.+ 2 Ua la faapea ane: “Pe e na o Mose ea ua fetalai mai ai Ieova? Po ua lē fetalai mai foʻi o ia e ala iā i taʻua?”+ Ua faafofoga i ai Ieova.+ 3 O Mose, o le tagata e sili ona agamalu i tagata uma*+ ua i luga o le fogāeleele.

4 Ona fetalai faafuaseʻi mai lea o Ieova iā Mose ma Arona ma Miriama: “Inā ō atu ia outou e toʻatolu i le faleʻie o le feiloaʻiga.” Ona ō atu ai lea o i latou e toʻatolu. 5 Ona afio ifo lea o Ieova i le ao faaniutū+ ma ua tū i le faitotoʻa o le faleʻie ma valaau mai iā Arona ma Miriama. Ona la ō atu ai lea. 6 Ua ia fetalai mai: “Faamolemole, ia faalogo mai i aʻu upu. Afai e iai se perofeta a Ieova o iā te outou, ou te faailoa atu aʻu iā te ia e ala i se faaaliga,+ ma ou te tautala atu iā te ia i se miti.+ 7 Ae ou te le‘i faia faapea i laʻu auauna o Mose! Ua faamaoni o ia i le vaavaaia o loʻu aiga atoa.+ 8 E ma te faafesaga‘i pe a ou tautala atu iā te ia,+ ma ou faailoa manino atu iā te ia, e lē ala i ni tupua;* ma e na te vaaia le faatasi mai o Ieova. Aiseā ua oulua lē fefefe ai e faitio i laʻu auauna o Mose?”

9 Ona matuā toʻasā ai lea o Ieova iā i laʻua, ma ua ia afio ese ai. 10 Ua alu ese le ao mai i le faleʻie, faauta! ua taia Miriama i le lepela, ua paʻepaʻe e pei o le kiona.+ Ona faliu atu lea o Arona iā Miriama, ma vaaia ua taia o ia i le lepela.+ 11 Ona fai mai loa lea o Arona iā Mose: “Auē loʻu alii e! Faamolemole, aua neʻi faasalaina i maʻua i lenei agasala! Ua ma gaoioi ma le lē mafaufau. 12 Faamolemole, aua neʻi tuua o ia e pei o se pepe ua oti, o lē ua palagia le tasi itu o lona tino ina ua fanau mai!” 13 Ona alaga lea o Mose iā Ieova e faapea: “Faamolemole le Atua e, faamolemole ia faamālōlō i loʻu tuafafine!”+

14 Ua tali mai Ieova iā Mose: “Pe afai e feanu saʻo lava lona tamā i ona foliga, pe e lē faamāina ai ea o ia i aso e fitu? Ia faanofoesea o ia i tua o le togālauapi+ mo aso e fitu, pe a mavae lea ona toe taliaina ai lea o ia.” 15 Ona faanofoesea lea o Miriama i tua o le togālauapi mo aso e fitu,+ ma e leʻi malaga ese le nuu seʻia toe talia Miriama. 16 Mulimuli ane, ua malaga ese le nuu mai i Haserota+ ma ua faatutū o latou faleʻie i le toafa o Parana.+

13 Ona fetalai mai lea o Ieova iā Mose e faapea: 2 “Ia aauina atu ni tane e ō faalilolilo e mataʻi le laueleele o Kanana, lea o le a ou avatu i le fanauga a Isaraelu. O tane taʻitasi tou te aauina atu, ia fai ma sui o le ituaiga o lona tamā, e taʻitasi foʻi ma fai ma taʻitaʻi+ iā i latou.”+

3 O le faatonuga a Ieova ua aauina atu ai e Mose i latou mai i le toafa o Parana.+ O tane uma o ulu ia o le fanauga a Isaraelu. 4 O o latou igoa nei: o Samua le atalii o Sakuro, mai i le ituaiga o Reupena; 5 o Safata le atalii o Hori, mai i le ituaiga o Simeona; 6 o Kalepo+ le atalii o Iefune, mai i le ituaiga o Iuta; 7 o Ikalo le atalii o Iosefa, mai i le ituaiga o Isakara; 8 o Hosea+ le atalii o Nuno, mai i le ituaiga o Efaraima; 9 o Paleti le atalii o Rafo, mai i le ituaiga o Peniamina; 10 o Katieli le atalii o Soti, mai i le ituaiga o Sepulona; 11 o Kati le atalii o Suse, mai i le ituaiga o Iosefa+ mo le ituaiga o Manase;+ 12 o Amueli le atalii o Kameli, mai i le ituaiga o Tanu; 13 o Seturi le atalii o Mikaele, mai i le ituaiga o Asera; 14 o Naepi le atalii o Vapese, mai i le ituaiga o Nafatali; 15 o Keueli le atalii o Maki, mai i le ituaiga o Kato. 16 O igoa ia o tane ua aauina atu e Mose e ō faalilolilo e mataʻi le atunuu. Ua faaigoa e Mose Hosea le atalii o Nuno, o Iosua.*+

17 Ina ua aauina atu faalilolilo i latou e Mose e mataʻi le laueleele o Kanana, ua ia fai atu iā i latou: “Ia outou ō aʻe i laufanua o Nekepi,* ma outou ō aʻe i vaega maugā.+ 18 E ao ona outou vāai pe faapeʻī le laueleele+ ma tagata o loo nonofo ai, pe malolosi i latou pe vaivai, pe toʻatele foʻi i latou pe toʻalaiti; 19 ma pe faapeʻī le laueleele, pe lelei pe leaga, ma pe faapeʻī foʻi aai o loo latou nonofo ai, pe nonofo i faleʻie po o ni aai ua malupuipuia. 20 Ia vaai pe faapeʻī le fanua pe lauolaola* pe lafulafuā,*+ ma pe iai ni laau pe leai. E ao ona outou lototetele+ ma aumai ni fua o le fanua mai i lea laueleele.” O le taimi lea e maua ai uluaʻi fua matua o le laau o le vine.+

21 Ona latou ō aʻe faalilolilo lea e mataʻi le laueleele mai i le toafa o Tisina+ e oo atu i Reopa,+ e lata i Lepo-amato.*+ 22 Ua latou ō aʻe mai i laufanua o Nekepi ma taunuu i Heperona,+ ua nonofo foʻi i inā Aimano, Sesai, ma Talemai,+ o tagata Anakima+ ia. Na fausia Heperona i le fitu tausaga muamua atu a o leʻi fausia Soana i Aikupito. 23 Ua latou oo atu i le vanu* o Esekolo,+ ona latou tā lea i lalo o se lālā ua iai le fuifui vine e tasi, lea na amoina e ni tamāloloa se toʻalua i se amo, faapea foʻi ni rimoni ma ni mati.+ 24 Ua latou faaigoa lea mea o le vanu* o Esekolo,*+ ona o le fuifui vine na tā mai i inā e tagata Isaraelu.

25 I le faaiʻuga o aso e 40,+ na latou toe foʻi ai mai i le mataʻiina faalilolilo o le laueleele. 26 Ua latou toe foʻi atu iā Mose ma Arona, ma le faapotopotoga atoa o le fanauga a Isaraelu i Katesa,+ i le toafa o Parana. Ua latou taʻu atu le tala i le faapotopotoga atoa ma faaali atu iā i latou fua o le laueleele. 27 O le tala lea ua latou faamatala atu iā Mose: “Na matou ō atu i le laueleele na e aauina atu i ai i matou, ma e moni o loo tafe ai le suāsusu ma le meli,+ ma o fua nei o lona fanua.+ 28 Peitaʻi, o tagata o loo nonofo ai i lea laueleele e malolosi, ma e tetelē o latou aai ua malupuipuia. Na matou vāai ai foʻi i tagata Anakima.+ 29 O loo nonofo tagata Amaleka+ i le laufanua o Nekepi,+ ma o loo nonofo le ʻau Hetī, le ʻau Iepusē,+ ma le ʻau Amorī+ i vaega maugā, a o tagata Kanana+ o loo nonofo i le talafatai+ ma i tafatafa ane o Ioritana.”

30 Ua taumafai Kalepo e faafilemu tagata a o latou tutū i luma o Mose e ala i le faapea atu: “Ia tatou ō loa, ma fai mo i tatou le laueleele auā e mautinoa e tatou te manumalo ai.”+ 31 Ae ua faapea mai tamāloloa na ō atu faatasi ma ia: “E lē mafai ona tatou ō aʻe e tau ma i latou, ona e latou te malolosi atu nai lo o i tatou.”+ 32 Ua latou faamatala mai pea tala leaga i le fanauga a Isaraelu+ e uiga i le atunuu na latou ō atu faalilolilo e mataʻi ma faapea mai: “O le laueleele na matou malaga i ai e mataʻi faalilolilo, e faaumatia e le laueleele ē o loo nonofo ai, o tagata uma foʻi na matou vāai i ai e tinoeese i latou.+ 33 Ioe na matou vāai i Nefilimi o atalii ia o Anaki,+ o ē e tupuga mai i Nefilimi, ma ua pei ai i matou o ni sē i o matou lava manatu, ma sa faapea foʻi i matou i o latou manatu.”

14 Ona alalaga lea o le faapotopotoga uma, ua tagiauē pea i latou ma fetagisi i le pō atoa.+ 2 Ua muimui le fanauga a Isaraelu uma e faatatau iā Mose ma Arona,+ ma ua faaseā le faapotopotoga atoa e uiga iā i laʻua e faapea: “E sili pe ana matou feoti i Aikupito, e sili foʻi pe ana matou feoti i lenei toafa! 3 Aiseā ua aumai ai e Ieova i matou i lenei laueleele ina ia feoti ai i le pelu?+ O a matou avā ma fanau o le a ave e fai ma pagota.+ Pe e lē sili ea ona matou toe foʻi i Aikupito?”+ 4 Ua oo lava ina faapea ane le tasi i le isi: “Seʻi o tatou tofia so tatou taʻitaʻi ma tatou toe foʻi i Aikupito!”+

5 Ona faapaʻuʻū faō lea o Mose ma Arona i luma o le faapotopotoga atoa o le fanauga a Isaraelu. 6 Ua saeia e Iosua+ le atalii o Nuno ma Kalepo+ le atalii o Iefune o la ofu, o i laʻua foʻi o nisi na ō faalilolilo e mataʻi le atunuu, 7 ma ua la fai atu i le faapotopotoga atoa o le fanauga a Isaraelu e faapea: “O le atunuu na matou ō atu faalilolilo e mataʻi, e matuā lelei lava.+ 8 Afai e fiafia le finagalo o Ieova iā i tatou, o le a ia avatu i tatou i lea laueleele ma tuuina mai iā i tatou, o le laueleele e tafe ai le suāsusu ma le meli.+ 9 Ae aua neʻi outou fouvale iā Ieova, ma aua tou te fefefe i tagata o le laueleele,+ auā e faigofie ona tatou faato‘ilaloina i latou.* Ua leai so latou puipuiga, ma ua faatasi Ieova ma i tatou.+ Aua tou te fefefe iā i latou.”

10 Peitaʻi, ua faapea ane le faapotopotoga atoa e fetogi i laʻua i maa.+ Ae ua faaali mai le mamalu o Ieova i luga o le faleʻie o le feiloaʻiga a o vāai atu le fanauga uma a Isaraelu.+

11 Ona fetalai mai lea o Ieova iā Mose: “O le ā le umi e lē faaaloalo mai ai nei tagata iā te aʻu,+ o le ā foʻi le umi e latou te lē faatuatua mai ai iā te aʻu, e ui i le tele o faailoga na ou faia iā i latou?+ 12 Seʻi oʻu taia i latou i faamaʻi ma faaumatia ai i latou, ma ou te faia oe ma nuu tele ma malosi e sili atu nai lo o i latou.”+

13 Ae ua faapea atu Mose iā Ieova: “O le a faalogo tagata Aikupito i lenei tala,+ auā na e aumaia i lou mana lenei nuu mai iā i latou, 14 o le a latou taʻu atu foʻi lenei tala i ē o loo nonofo i lenei atunuu. Ua latou faalogo fo‘i o oe o Ieova o loo faatasi ma lenei nuu,+ o lē foʻi na faafesagaʻi ma i latou.+ O oe o Ieova, ua tū lou ao i luga aʻe o i latou, e te afio i o latou luma i le ao faaniutū i le ao, a o le afi faaniutū i le pō.+ 15 Pe afai e te fasiotia lenei nuu atoa i le taimi e tasi,* ona fai ane lea o atunuu ua faalogo i lou taʻutaʻua e faapea: 16 ‘Ua lē mafai e Ieova ona avatu lenei nuu i le laueleele na ia tautō ai iā i latou, o lea ua ia faaumatia ai i latou i le toafa.’+ 17 Faamolemole Ieova e, ia e faaalia le tele o lou mana e pei ona e folafola mai ina ua e fetalai: 18 ‘O Ieova e telegese lona toʻasā ma e tele lona alofa faamaoni,+ e faamagalo mea sesē ma agasala, ae e na te lē faasaoina lava ē e agasala mai faasalaga, e na te faasalaina atalii ona o mea sesē a o latou tamā, e oo lava i le tupulaga e tolu ma le tupulaga e fā.’+ 19 Faamolemole ia faamagalo sesē o lenei nuu e tusa ma le tele o lou alofa faamaoni, e pei foʻi ona e faamagalo i lenei nuu a o iai i Aikupito seʻia oo mai i le asō.”+

20 Ona fetalai mai lea o Ieova: “Ou te faamagalo i latou e tusa ai ma lau upu.+ 21 E lē gata i lea, ou te tautō iā te a‘u,* o le a faatumulia le lalolagi atoa i le mamalu o Ieova.+ 22 Peita‘i, o tagata uma na vāai i loʻu mamalu ma faailoga+ na ou faia i Aikupito ma le toafa, ae ua faasefulu ona latou tofotofo mai pea iā te aʻu,+ ma lē faalogo i loʻu leo,+ 23 e lē vāai lava i latou i le laueleele na ou tautō ai i o latou augātamā. E leai, e lē vāai i ai i latou uma ua lē faaaloalo mai iā te aʻu.+ 24 A o laʻu auauna o Kalepo,+ talu ai ua ese le agaga ua iā te ia ma ua ia mulimuli pea ma lona lotoatoa iā te aʻu, ou te avatu ai o ia i le laueleele lea na ia alu atu i ai, e fai le laueleele mo lana fanau.+ 25 Talu ai o loo nonofo tagata Amaleka ma tagata Kanana+ i le vanu,* ia outou liliu a taeao ma malaga atu i le toafa i le ala o le Sami Ulaula.”+

26 Ua fetalai atili mai Ieova iā Mose ma Arona: 27 “O le ā le umi e muimui ai lenei faapotopotoga leaga iā te aʻu?+ Ua ou faalogo i muimuiga a le fanauga a Isaraelu, ua latou muimui mai ai iā te aʻu.+ 28 Ia fai atu iā i latou, ‘O loo fai mai Ieova: “Ou te tautō iā te aʻu,* ou te faia lava iā te outou e pei o a outou upu ua ou faalogo i ai!+ 29 O le a taatitia o outou tino oti i lenei toafa,+ o le faitau aofaʻi o outou uma mai i le 20 tausaga agaʻi i luga le matutua ua lesitalaina, o outou uma o ē na muimui mai iā te aʻu.+ 30 E leai se tasi o outou e ulu atu i le atunuu na ou tautō* e tou te nonofo ai,+ seʻi vaganā ai Kalepo le atalii o Iefune ma Iosua le atalii o Nuno.+

31 “ʻ“Ae ou te avatu ai a outou fanau ia ua outou faapea mai e ave e fai ma pagota,+ ma o le a latou iloa ai le atunuu ua outou teena.+ 32 Ae o le a taatitia o outou tino oti i lenei toafa. 33 O le a fai o outou atalii ma leoleo mamoe i le toafa mo le 40 tausaga,+ ma e tali atu i latou i a outou gaoioiga lē faamaoni,* seʻia outou feoti uma i le toafa.+ 34 E tusa ma le aofaʻiga o aso na outou mataʻi faalilolilo ai le atunuu, e 40 aso,+ o le a faatatau atu le aso mo le tausaga, o le aso mo le tausaga, o le a outou tali atu mo o outou sesē i tausaga e 40,+ ona outou iloa ai lea o le i‘uga o le tetee mai iā te a‘u.*

35 “ʻ“O aʻu o Ieova ua ou fai atu ai. O le mea lenei ou te matuā faia i lenei faapotopotoga leaga uma, o i latou ua faapotopoto e tetee mai iā te aʻu: E feoti i latou i lenei toafa, ma faaumatia ai i latou i inei.+ 36 O tamāloloa na aauina atu e Mose e ō faalilolilo e mataʻi le atunuu, ma o ē na faapogaia le muimui o le faapotopotoga atoa iā te ia, ina ua toe fo‘i ane ma se lipoti leaga e uiga i lenā atunuu,+ 37 ioe, o tamāloloa uma na aumaia le lipoti leaga e uiga i le atunuu, o le a faasalaina ma feoti i luma o Ieova.+ 38 A o Iosua le atalii o Nuno ma Kalepo le atalii o Iefune, o i la‘ua o nisi na ō faalilolilo e mataʻi le atunuu, o le a ola pea i laʻua.”’”+

39 Ua tautala atu Mose i nei upu i le fanauga uma a Isaraelu, ona matuā faanoanoa ai lea o le nuu. 40 Ona latou usupō ai lea i le taeao ma taumafai e ō aʻe i le tumutumu o le mauga ma faapea ane: “O lea ua tatou sauni, e ao ona tatou ō aʻe i le mea na fetalai mai ai Ieova, auā ua tatou agasala.”+ 41 Ae ua fai atu Mose: “Aiseā ua outou sopo tapulaa ai i le faatonuga a Ieova? E lē taulau outou i lea mea. 42 Aua tou te ō aʻe ona e lē o faatasi Ieova ma outou; ma o le a faatoʻilaloina outou e o outou fili.+ 43 Auā o loo iai tagata Amaleka ma tagata Kanana e fetaia‘i ma outou,+ ma e tou te feoti i le pelu. Talu ai ua outou liliuese mai iā Ieova, e lē faatasi Ieova ma outou.”+

44 Peitaʻi ua latou ō aʻe ma le faamaualuluga i le tumutumu o le mauga,+ ae e leʻi te‘a ese Mose ma le atolaau o le feagaiga a Ieova mai i le togālauapi.+ 45 Ona ō ifo lea o tagata Amaleka ma tagata Kanana o ē na nonofo i lenā mauga, ua fasiotia i latou ma faataapeapeina i latou seʻia oo atu i Horema.+

15 Ua fetalai mai pea Ieova iā Mose e faapea: 2 “Ia e fai atu i le fanauga a Isaraelu, ia e faapea atu iā i latou, ‘Pe a outou oo atu i le laueleele lea ou te tuuina atu iā te outou e tou te nonofo ai,+ 3 ma outou avatu se taulaga iā Ieova ua faia i le afi mai i le lafu povi po o le lafu mamoe, e tusa po o se taulaga mū+ po o se taulaga e fai ai se tautoga faapitoa, po o se taulaga tauofo+ po o se taulaga i aso e fai ai a outou tausamiga,+ ina ia avea o se manogi lelei iā* Ieova,+ 4 e ao i lē o loo aumaia lana taulaga ona ia avatu faatasi iā Ieova le taulaga i meaʻai o falaoamata lelei,+ e tusa ma le tasi vaesefulu o le efa* ua liligi i ai le tasi vaefā o le sinu* o le suāuu. 5 E te avatu fo‘i le uaina e fai ma taulaga i meainu, e tusa ma le tasi vaefā o le sinu, e avatu faatasi ma le taulaga mū+ po o taulaga o tamaʻi mamoe poʻa uma. 6 A faapea o se mamoe poʻa, e ao ona e avatu le taulaga i meaʻai e tusa ma le lua vaesefulu o le efa o le falaoamata lelei, ua liligi i ai le tasi vaetolu o le sinu o le suāuu. 7 E te avatu foʻi le uaina e fai ai le taulaga i meainu, e tusa ma le tasi vaetolu o le sinu, o se manogi lelei lea iā* Ieova.

8 “‘Ae afai e te avatu se povi poʻa e fai ai le taulaga mū+ po o se taulaga e faia ai se tautoga faapitoa,+ po o taulaga faifaatasi iā Ieova,+ 9 ia avatu faatasi ma le povi poʻa le taulaga i meaʻai,+ o le tolu vaesefulu o le efa o le falaoamata lelei ua liligi i ai le ʻafa o le sinu o le suāuu. 10 E te avatu foʻi le uaina e fai ai le taulaga i meainu,+ e tusa ma le ʻafa o le sinu e fai ai le taulaga i le afi, o se manogi lelei lea iā* Ieova. 11 O le mea lea e fai i povi poʻa taʻitasi po o mamoe poʻa taʻitasi, po o tamaʻi mamoe poʻa taʻitasi po o ʻoti taʻitasi. 12 Po o le ā lava le aofaʻiga e tou te avatu, o le mea lava lea e tou te faia i manu taʻitasi e tusa ma lo latou aofaʻiga. 13 O le auala lenei e ao i tagatānuu uma o Isaraelu ona avatu ai le taulaga ua faia i le afi, o se manogi lelei lea iā* Ieova.

14 “‘Afai e iai se tagata ese o loo aumau iā te outou, po o se tasi ua iā te outou mo le tele o o outou tupulaga o loo mulimuli mai, e ao ona ia avatu se taulaga ua faia i le afi, o se manogi lelei lea iā* Ieova, e pei ona outou faia e faapea foʻi ona ia faia.+ 15 E tasi le tulafono mo outou o tagata o le faapotopotoga, ma le tagata ese o loo aumau iā te outou. E fai ma tulafono tumau mo outou ma o outou tupulaga uma o loo mulimuli mai. E tutusa le tagata ese ma outou i luma o Ieova.+ 16 E ao ona tasi le tulafono ma e tasi foʻi le iʻuga o faamasinoga mo outou, ma le tagata ese ua aumau iā te outou.’”

17 Ua fetalai mai pea Ieova iā Mose: 18 “Ia e fai atu i le fanauga a Isaraelu ma e faapea atu iā i latou, ‘Pe a outou taunuu atu i le atunuu ou te avatua i ai outou, 19 ma outou aai i meaʻai* o le laueleele,+ e ao ona faia sa outou foaʻi iā Ieova. 20 E tou te avatu a outou foaʻi o uluaʻi fua+ o fatu ua tuʻininii ua faia ai falaoa lapotopoto. E pei o le foaʻi e mai i le mea e soli ai saito,* e faapea foʻi ona outou foaʻi atu. 21 E tou te avatu foʻi nisi o uluaʻi fua o fatu ua tuʻininii e fai ma foaʻi iā Ieova, e faia e outou ma o outou tupulaga o loo mulimuli mai.

22 “‘Afai ua outou faia se sesē ma lē tausia mea uma ua poloaʻi mai ai Ieova iā Mose, 23 o mea uma na poloaʻi mai ai Ieova iā te outou e ala iā Mose mai i le aso na poloaʻi mai ai Ieova, ma faasolo atu ai i o outou tupulaga o loo mulimuli mai, 24 ma afai ua fai se mea sesē ma e lē iloa e le faapotopotoga, e avatu e le faapotopotoga atoa le tamaʻi povi poʻa e tasi e fai ma taulaga mū, o se manogi lelei lea iā* Ieova, atoa ma le taulaga i meaʻai, o le taulaga i meainu e tusa ma le faiga masani,+ ma le tamaʻi ʻoti e fai ai le taulaga o agasala.+ 25 E fai e le ositaulaga le togisala mo le faapotopotoga atoa o le fanauga a Isaraelu, ona faamagaloina ai lea o i latou,+ auā o le mea sesē lea, ma na latou aumaia la latou taulaga, o le taulaga lea iā Ieova ua faia i le afi, ma la latou taulaga o agasala i luma o Ieova ona o a latou mea sesē. 26 E faamagaloina le faapotopotoga atoa o le fanauga a Isaraelu ma le tagata ese ua aumau iā i latou, ona o le mea sesē ua faia e tagata uma.

27 “‘Afai e faia e se tasi se agasala e aunoa ma le mafaufauina, e ao ona ia avatu se ʻoti fafine faatoʻā atoa le tausaga e fai ai le taulaga o agasala.+ 28 E faia e le ositaulaga le togisala i luma o Ieova mo le tagata ua agasala ona o se mea sesē ua faia e aunoa ma le mafaufauina, e faia le togisala ona o lea mea, ma e faamagaloina o ia.+ 29 E tasi le tulafono iā te outou, o tagatānuu o le fanauga a Isaraelu ma tagata ese ua aumau iā i latou, e tusa ma le faia o se mea e aunoa ma le mafaufauina.+

30 “‘Ae o le tagata e faia se mea ma le loto i ai,+ e tusa po o se tagatānuu po o se tagata ese e aumau, ua upuleaga o ia iā Ieova, e ao lava ona fasiotia o ia. 31 Auā ua ʻinoʻino o ia i le afioga a Ieova ma ua ia solia ana poloaʻiga, e fasiotia lava o ia.+ E paʻū i ona lava luga lana mea sesē.’”+

32 A o nonofo le fanauga a Isaraelu i le toafa, ua latou maua ai se tamāloa o fai fafie i le aso Sapati.+ 33 Ona avatu lea o ia iā Mose ma Arona ma le faapotopotoga atoa e i latou na mauaina o ia o loo fai fafie. 34 Ua tuuina atu o ia e leoleoina+ ona e leʻi faailoa tuusaʻo mai le mea e fai iā te ia.

35 Ona fetalai mai lea o Ieova iā Mose: “Ia fasiotia lava o ia,+ ia fetogia o ia i maa e le faapotopotoga atoa i tua o le togālauapi.”+ 36 Ona avatu lea o ia i tua o le togālauapi e le faapotopotoga atoa, ma ua latou fetogi iā te ia i maa ma oti ai o ia, e pei ona poloaʻi mai ai Ieova iā Mose.

37 Ona fetalai mai lea o Ieova iā Mose e faapea: 38 “Ia e fai atu i le fanauga a Isaraelu ia latou suʻi ni fele i le pito i lalo o o latou ofu, o i latou ma o latou tupulaga o loo mulimuli mai, e ao foʻi ona latou tuu ai se manoa lanu moana i luga aʻe o le fele i le pito i lalo o le ofu.+ 39 ‘Ia outou fai lenei fele ina ia outou vāai i ai ma manatua poloaʻiga uma a Ieova ma tausia.+ Ia aua ne‘i outou usiusitaʻi i o outou loto ma o outou mata, auā e i‘u atu ai i lo outou faia o faiga faatalitane faaleagaga.+ 40 Ua faia lenei mea ina ia outou manatua ai, ma ia outou tausia aʻu poloaʻiga uma, ma ia paia foʻi outou mo lo outou Atua.+ 41 O aʻu o Ieova lo outou Atua, o lē na aumaia outou mai i le atunuu o Aikupito, ina ia faailoa atu iā te outou o aʻu o lo outou Atua.+ O aʻu o Ieova lo outou Atua.’”+

16 Ua auaufaatasi Koru+ le atalii o Isara,+ o le atalii o Koato,+ o le atalii o Levi,+ faatasi ma Tatano ma Apiramo, o atalii o Eliapo+ ma Onu le atalii o Peleto, o atalii ia o Reupena.+ 2 Ua latou auaufaatasi e tetee atu iā Mose, o i latou atoa ma tane Isaraelu e toʻa 250, o taʻitaʻi o le faapotopotoga, o ē ua filifilia o le faapotopotoga, o tane aloa‘ia. 3 Ona latou faapotopoto lea e tetee atu+ iā Mose ma Arona ma ua faapea mai iā i laʻua: “Ua matou fiu iā te oulua! E paia le faapotopotoga atoa+ ma ua faatasi Ieova ma i latou.+ Aiseā ua oulua faasili ai oulua i le faapotopotoga a Ieova?”

4 Ua faalogo Mose i ia upu ona faapaʻū faō lea o ia. 5 Ona ia fai atu lea iā Koru ma ē uma e lagolagoina o ia e faapea: “O taeao o le a faailoa mai ai e Ieova po o ai lē e fai mo ia+ ma o ai foʻi e paia, ma o ai e ao ona faalatalata atu iā te ia.+ O lē e na te filifilia,+ o ia lea e faalatalata atu iā te ia. 6 O oe Koru ma ē uma e lagolagoina oe,+ ia outou faia lenei mea: Ia ave salefu,+ 7 ma tuu i ai le afi ma avane i ai mea manogi, i luma o Ieova i le aso a taeao, ma o le tagata e filifilia e Ieova,+ o ia lea e paia. O outou atalii o Levi,+ ua lava loa lenā!”

8 Ua faapea atili atu Mose iā Koru: “O outou o atalii o Levi, faamolemole ia faalogo mai. 9 Po o se mea faatauvaa ea iā te outou le vavaeese o outou e le Atua o Isaraelu mai i le faapotopotoga o Isaraelu,+ ma faataga outou e faalatalata atu iā te ia ina ia galulue i le faleʻie paia o Ieova, ma tutū i luma o le faapotopotoga e auauna iā i latou,+ 10 ma ua ia avatu oe faatasi ma ou uso uma o atalii o Levi e faalatalata atu iā te ia? Po o se mea tatau la ona outou taumafai fo‘i e maua ma le faiva o ositaulaga?+ 11 O le mea lea ua outou tetee ai iā Ieova, o oe ma ē uma e lagolagoina oe ua faapotopoto faatasi. A o Arona, o ai o ia ua outou muimui ai iā te ia?”+

12 Mulimuli ane, ua auina atu e Mose se isi e aami mai Tatano ma Apiramo+ o atalii o Eliapo, ae ua la faapea mai: “E ma te lē ō atu! 13 Po o se mea faatauvaa ea lou aumaia o i matou mai i le laueleele o loo tafe ai le suāsusu ma le meli ma fasiotia i matou i le toafa?+ Po ua e manaʻo tele fo‘i e avea oe ma o matou pule?* 14 E te leʻi avea fo‘i i matou i se laueleele e tafe ai le suāsusu ma le meli,+ pe tuuina mai iā i matou ni tofi o fanua ma togāvine. Po ua e fia manaʻo ea e sali ese mata o ia tagata? E ma te lē ō atu!”

15 Ona matuā ita ai lea o Mose ma faapea atu iā Ieova: “Aua lava neʻi e silasila i a latou taulaga i meaʻai. Ou te leʻi avea sa latou asini se tasi, pe agaleaga atu i se tasi o i latou.”+

16 Ua faapea atu Mose iā Koru: “O oe ma ē uma e lagolagoina oe, ia outou tulaʻi i luma o Ieova a taeao, o oe ma i latou ma Arona. 17 Ia taʻitasi ma ave lana salefu, ma outou avane i ai mea manogi ma ia taʻitasi ma alu atu ma lana salefu i luma o Ieova, e 250 mea e faamū ai mea manogi, ia taʻitasi oe ma Arona ma ave lana salefu.” 18 Ua taʻitasi i latou ma ave lana mea e faamū ai mea manogi, ua tuu i ai le afi ma avane i ai mea manogi, ma tutū i luma o le faleʻie o le feiloaʻiga faatasi ma Mose ma Arona. 19 Ina ua faapotopoto mai e Koru ē e lagolagoina o ia+ i le faitotoʻa o le faleʻie o le feiloaʻiga e tetee iā i laʻua, ona faaali mai lea o le mamalu o Ieova i le faapotopotoga uma.+

20 Ua fetalai mai Ieova iā Mose ma Arona: 21 “Ia oulua ō ese mai i lenei vaega, ina ia ou faaumatia vave i latou.”+ 22 Ona la faapaʻuʻū faō lea ma faapea atu: “Le Atua e, le Atua o le ola o tagata uma,*+ pe e te toʻatamaʻi ea i le faapotopotoga atoa ona o le agasala a le tagata e toʻatasi?”+

23 Ona fetalai mai lea o Ieova iā Mose: 24 “Ia e fai atu i le faapotopotoga e faapea, ‘Ia ō ese mai i autafa o faleʻie o Koru, Tatano, ma Apiramo!’”+

25 Ona ō atu lea o Mose ma toeaina+ o Isaraelu iā Tatano ma Apiramo. 26 Ua ia fai atu i le faapotopotoga: “Faamolemole ia outou ō ese mai i luma o faleʻie o ia tane leaga ma aua tou te fetagofi i so o sa latou mea, ina neʻi faaumatia outou ona o a latou agasala uma.” 27 Ua latou ō ese loa mai i itu uma o faleʻie o Koru, Tatano, ma Apiramo, ona ō mai lea i fafo o Tatano ma Apiramo, ua tutū i faitotoʻa o o la faleʻie faatasi ma a la avā, o o la atalii, ma a la fanau iti.

28 Ua fai atu Mose: “O nei mea e tou te iloa ai ua auina mai aʻu e Ieova e faia ia galuega uma, ae ou te lē faia ona o loʻu loto: 29 Afai e feoti ia tagata e pei o le feoti o tagata uma, ma faasalaina i latou e pei o le faasalaga e oo i tagata uma, o lona uiga la e lē o Ieova na auina mai aʻu.+ 30 Ae afai o le a faia e Ieova se mea uigaese iā i latou, ma faamaga le gutu o le eleele ma folo i latou ma a latou mea uma, ma ō ifo i latou a o feola i le Tuugamau,* ona outou iloa ai lea ua matuā lē faaaloalo ia tane iā Ieova.”

31 Ina ua uma ona ia fai atu nei upu uma, ona māvaevae lea o le eleele i lalo ifo o i latou.+ 32 Ua faamaga le gutu o le eleele ma folo i latou, o o latou aiga, o tagata uma na iā Koru+ ma a latou mea uma. 33 Ua latou ō ifo i lalo i le Tuugamau* a o feola i latou, ma ē uma ua iā i latou, ua tanumia i latou i le eleele ma faaumatia ai mai i le faapotopotoga uma.+ 34 Ua feʻei i latou ma ua sosola ai tagata Isaraelu uma mai i lea mea, auā ua latou faapea ane: “Ua tatou fefefe ina neʻi folo i tatou e le eleele!” 35 Ona alu ifo lea o se afi mai iā Ieova+ ma faaumatia ai le toʻa 250 o tane o loo avatua mea manogi.+

36 Ua fetalai mai Ieova iā Mose: 37 “Ia e fai atu iā Eleasaro le atalii o Arona le ositaulaga, e ao ona ia aveina aʻe salefu+ mai i le afi auā e paia ia mea. Ia fai atu fo‘i iā te ia e faasalalau le afi i se mea mamao. 38 O salefu a tane o ē ua feoti ona o a latou lava agasala, ia faaaogā ia mea e faia ai ni ‘apamemea mafolafola manifinifi e ufiufi ai le fata faitaulaga,+ auā na latou avatuina ia mea i luma o Ieova, ma ua paia ai. E fai ia ma faailoga i le fanauga a Isaraelu.”+ 39 Ona ave lea e Eleasaro le ositaulaga, o salefu ʻapamemea na avatu e i latou na susunuina, ma ua sasa ia mea ina ia ufiufi ai le fata faitaulaga, 40 e pei ona fetalai mai ai Ieova iā te ia e ala iā Mose. E fai lea ma faamanatuga i le fanauga a Isaraelu ina neʻi faalatalata atu se tagata ese e lē o se tasi o le fanau a Arona, e faamū mea manogi i luma o Ieova,+ ma aua neʻi pei se tasi o Koru ma ē na lagolagoina o ia.+

41 A o le aso na sosoo ai na muimui ai le faapotopotoga uma o le fanauga a Isaraelu iā Mose ma Arona+ e faapea: “Ua oulua fasiotia tagata o Ieova.” 42 Ina ua faapotopoto le faapotopotoga e tetee atu iā Mose ma Arona, ua latou liliu atu i le faleʻie o le feiloaʻiga; faauta! ua ufitia i le ao ma ua faaali mai ai le mamalu o Ieova.+

43 Ona ō atu lea o Mose ma Arona i luma o le faleʻie o le feiloaʻiga,+ 44 ma ua fetalai mai Ieova iā Mose: 45 “Ia oulua ō ese mai i lea faapotopotoga, ae seʻi o‘u faaumatia vave i latou.”+ Ona la faapaʻuʻū faō ai lea.+ 46 Ona fai atu lea o Mose iā Arona: “Ia e ave le mea e faamū ai mea manogi ma tuu i ai le afi mai i le fata faitaulaga,+ ma avane i ai ni mea manogi, ma ia e alu faavave i le faapotopotoga e fai le togisala mo i latou,+ auā ua toʻatamaʻi Ieova. Ua amata le mala!” 47 Ona ave loa lea e Arona o le mea e faamū ai mea manogi e pei ona fai atu ai Mose, ua ia tamoʻe atu i le mea o iai le faapotopotoga; faauta! ua amata le mala i le nuu. Ona ia tuu lea o mea manogi i luga o le mea e faamū ai mea manogi ma faia le togisala mo le nuu. 48 Ua ia tū pea i le vā o ē ua feoti ma ē o loo ola. Mulimuli ane ua taofia le mala. 49 E toʻa 14,700 i latou na feoti i le mala, e ese mai iā i latou na feoti ona o Koru. 50 Ua toe foʻi Arona iā Mose i le faitotoʻa o le faleʻie o le feiloaʻiga, ma ua taofia le mala.

17 Ua fetalai mai Ieova iā Mose: 2 “Ia e talanoa atu i le fanauga a Isaraelu, ma ia e aumaia mai iā i latou ni tootoo, e ta‘itasi le aiga o o latou tamā ma le tootoo, e mai i taʻitaʻi o aiga o o latou tamā,+ e 12 tootoo. Ia e tusia le igoa o le tagata i luga o lona tootoo. 3 Ia e tusia le igoa o Arona i le tootoo o Levi, auā e tasi le tootoo mo ulu o aiga o o latou tamā. 4 Ia e tuuina na tootoo i le faleʻie o le feiloaʻiga i luma o le atolaau o le feagaiga,*+ i le mea e masani ona ou faaali atu ai iā te outou.+ 5 O le tootoo o le tagata ou te filifilia,+ o le a fuga mai ai fua, ma ou te faamuta ai muimuiga a le fanauga a Isaraelu iā te aʻu,+ ia ua latou muimui ai fo‘i iā te oulua.”+

6 Ua fai atu Mose i le fanauga a Isaraelu, ona aumaia lea e o latou taʻitaʻi uma o tootoo iā te ia, o le tootoo mo taʻitaʻi taʻitoʻatasi e tusa ma aiga o o latou tamā, e 12 tootoo; ma ua iai le tootoo o Arona faatasi ma o latou tootoo. 7 Ona tuuina lea e Mose o tootoo i luma o Ieova i le faleʻie i le mea ua iai le atolaau o le feagaiga.*

8 I le aso na sosoo ai, ona alu atu ai lea o Mose i le faleʻie i le mea ua iai le atolaau o le feagaiga,* faauta foʻi! ua fuga mai le tootoo o Arona mo le aiga o Levi, ua tuli oso mai moemoe, ua matala mai fua, ma ua fua mai sekati matutua. 9 Ua aumai i fafo e Mose o tootoo uma mai i luma o Ieova i le nuu o Isaraelu. Ua latou vaavaai i ai ma ua taʻitasi ma ave lona tootoo.

10 Ona fetalai mai lea o Ieova iā Mose: “Ia toe tuu le tootoo o Arona+ i luma o le atolaau o le feagaiga,* e fai ma faailoga+ i atalii fouvale,+ ina ia taofia ai lo latou muimui iā te aʻu, neʻi feoti i latou.” 11 Ona faia loa lea e Mose e pei ona poloaʻi mai ai Ieova iā te ia. Ua faapea lava ona ia faia.

12 Ona fai mai lea o le fanauga a Isaraelu iā Mose: “O le a matou feoti, o le a fano lava i matou, o le a fano i matou uma! 13 E oti so o se tasi e faalatalata i le faleʻie paia o Ieova!+ Po o le a matou feoti uma?”+

18 Ona fetalai mai lea o Ieova iā Arona: “O oe ma ou atalii, ma le aiga o lou tamā faatasi ma oe, e tou te tali atu pe a solia so o se poloaʻiga e faatatau i le mea paia,+ ma o oe ma ou atalii faatasi ma oe, e tou te tali atu pe a solia so o se poloaʻiga e faatatau i la outou faiva o ositaulaga.+ 2 Ia faalatalata mai foʻi ou uso o le ituaiga o Levi, o le ituaiga o lou tamā, ina ia aufaatasi ma fesoasoani iā te oe+ ma ou atalii i luma o le faleʻie i le mea ua iai le atolaau o le feagaiga.*+ 3 Ia latou tausia a latou tiute tauave iā te oe ma le faleʻie atoa.+ Peita‘i, e lē tatau ona latou faalatalata i mea e faaaogā i le mea paia ma le fata faitaulaga, neʻi feoti i latou atoa foʻi ma outou.+ 4 E latou te aufaatasi ma oe ma tausia a latou tiute tauave i le faleʻie o le feiloaʻiga ma auaunaga uma o le faleʻie, ma e sā ona faalatalata atu iā te outou se tagata ese.*+ 5 E ao ona outou tausia la outou tiute tauave i le mea paia+ ma le fata faitaulaga,+ ina neʻi toe oo le toʻasā+ i le fanauga a Isaraelu. 6 Ua ou aumaia ou uso, o le ʻau sa Levī mai i le fanauga a Isaraelu, o se meaalofa mo outou.+ O i latou ia ua avatu iā Ieova e faia le galuega o le faleʻie o le feiloaʻiga.+ 7 E ao iā te oe ma ou atalii ona faataunuu o outou tiute o ni ositaulaga, e tusa ai ma le fata faitaulaga, ma mea uma ua i tua o le ʻie puipui;+ ia outou faia lenei auaunaga.+ Ua ou avatu iā te outou le auaunaga o le faiva o ositaulaga e fai ma meaalofa iā te outou, e fasiotia se tagata ese* e faalatalata atu i ai.”+

8 Ua toe fetalai mai Ieova iā Arona: “Ou te avatu iā te oe le pule i foaʻi ua faia iā te aʻu.+ Ua ou avatu iā te oe ma ou atalii e fai ma a outou tufaaga o mea paia uma ua foa‘i e le fanauga a Isaraelu, e fai ma au vaega tumau.+ 9 E fai mo oe ia mea mai i taulaga e sili ona paia ua faia i le afi: o taulaga uma ua latou faia, e aofia ai a latou taulaga i meaʻai,+ ma a latou taulaga o agasala,+ ma a latou taulaga o le nofosala,+ ia e latou te aumaia iā te aʻu. O le mea e sili ona paia mo oe ma ou atalii. 10 E tatau ona e ʻaina i se nofoaga e sili ona paia.+ E mafai ona aai ai tane uma lava. O se mea paia lea iā te oe.+ 11 O au mea ia: o le foaʻi+ o la latou meaalofa faatasi ma taulaga lūlū+ uma a le fanauga a Isaraelu. Ua ou tuuina atu ia mea iā te oe ma ou atalii ma ou afafine faatasi ma oe, e fai ma tufaaga tumau.+ E aai ai ē uma e mamā o lou aiga.+

12 “O le suāuu e sili ona lelei, ma le uaina fou aupito i lelei, o fatu ma uluaʻi fua,+ o mea ia e latou te avatu iā Ieova ou te avatua iā te oe.+ 13 O uluaʻi fua ua matua o lo latou laueleele e latou te avatu iā Ieova, e fai mo oe.+ E aai ai i latou uma e mamā i lou aiga.

14 “O mea uma ua taofia mo se fuafuaga paia i Isaraelu, e ao ona avea ma au lava mea.+

15 “O ulumatua uma a tagata ma manu,+ ia o le a latou avatu iā Ieova, e fai mo oe. Peitaʻi e tatau ona e toe totogi atu lava ulumatua a tagata,+ ma e tatau ona e fesuiaʻi ulumatua a manu lē mamā.+ 16 E ao ona e faatau mai i le tau e toe faatau mai ai, e amata mai i le masina agaʻi i luga le matua, e tusa ma le tau faatulagaina e lima sekeli* siliva+ e tusa ma le fua masani o le mea paia.* E 20 kire.* 17 E na o le povi poʻa ulumatua, po o le mamoe poʻa ulumatua, po o le ʻoti ulumatua e te lē fesuiaʻia.+ O ni manu paia. O toto o ia manu e te sausau i luga o le fata faitaulaga,+ ma le gaʻo o ia manu e te susunu e fai ai le taulaga i le afi, o se manogi lelei lea iā* Ieova.+ 18 Ia ave mo oe aano o ia manu. E pei ona faia i le fatafata o le taulaga lūlū ma le alagavae taumatau, ia ave ma oe.+ 19 O foaʻi paia uma ia o le a avatu e le fanauga a Isaraelu iā Ieova,+ ou te tuuina atu mo oe ma ou atalii ma ou afafine faatasi ma oe, o se tufaaga tumau.+ O le feagaiga tumau o le masima* i luma o Ieova, mo oe ma lau fanau faatasi ma oe.”

20 Ua fetalai atili mai Ieova iā Arona: “E leai sou tofi i lo latou laueleele, e leai foʻi sou fanua i le laueleele ua iā i latou.+ E fai aʻu ma ou tofi i le fanauga a Isaraelu.+

21 “Faauta! ua ou tuuina atu i atalii o Levi le tasi vaesefulu+ o mea i Isaraelu, e fai ma tofi ona o la latou galuega o loo faia, o le galuega o le faleʻie o le feiloaʻiga. 22 E sā ona toe faalatalata atu le fanauga a Isaraelu i le faleʻie o le feiloaʻiga, neʻi agasala ai ma feoti. 23 E tatau i le ʻau sa Levī ona faaauau la latou galuega o le faleʻie o le feiloaʻiga, ma o le a latou tali atu i mea sesē e faia e tagata faasaga i le mea paia.+ O le tulafono tumau lea mo outou ma o outou tupulaga o loo mulimuli mai, e lē maua so latou tofi i le fanauga a Isaraelu.+ 24 O le tasi vaesefulu o mea a le fanauga a Isaraelu ia latou te foaʻi atu iā Ieova o se foaʻi tauofo, ou te avatua i le ʻau sa Levī e fai ma o latou tofi. O le mea lea ua ou fai atu ai iā te i latou, ‘E lē maua so latou tofi i le fanauga a Isaraelu.’”+

25 Ona fetalai mai lea o Ieova iā Mose: 26 “E ao ona e fai atu i le ʻau sa Levī, ‘E tou te maua mai i le fanauga a Isaraelu, le tasi vaesefulu o mea ua ou avatu iā te outou mai iā i latou, e fai mo outou tofi+ ma e ao ona outou foaʻi atu mai i lenā tasi vaesefulu, le tasi vaesefulu e fai ma foa‘i iā Ieova.+ 27 E ao ona taʻua o a outou foaʻi, e pei o fatu i le mea e soli ai saito+ ma e pei foʻi o le tele o le uaina ma le suāuu o le olive. 28 O le auala lea e tou te faia ai foaʻi iā Ieova mai i le tasi vaesefulu o mea tou te maua mai i le fanauga a Isaraelu, ma e mai i na mea e ao ona outou avatu iā Arona le ositaulaga, le foaʻi mo Ieova. 29 O meaalofa uma ua avatu iā te outou,+ ia outou fai atu ai foaʻi o mea eseese iā Ieova, o mea uma e sili ona lelei, o le mea paia lea.’

30 “E ao ona e fai atu iā i latou, ‘Pe a outou foaʻi atu le mea e aupito sili ona lelei o na mea, o mea e totoe ai e mo outou le ʻau sa Levī, e pei o saito mai i le mea e soli ai a outou saito, ma e pei foʻi o fua e maua mai i le mea e soli ai a outou uaina ma olive. 31 E mafai ona outou ʻaina i so o se nofoaga, o outou ma o outou aiga, auā o lo outou totogi lea mo la outou galuega i le faleʻie o le feiloaʻiga.+ 32 E tou te lē agasala i lenei mea pe a outou foaʻi atu mea e sili ona lelei mai i ia mea, aua foʻi tou te faaleagaina mea paia a le fanauga a Isaraelu, neʻi outou feoti.’”+

19 Ona toe fetalai mai lea o Ieova iā Mose ma Arona e faapea: 2 “O le tulafono lenei ua poloaʻi mai ai Ieova, ‘Ia fai atu i le fanauga a Isaraelu, e ao ona latou aumai iā te oe se povi mūmū e matuā lelei lava,+ e aunoa ma se faalētonu ma e leʻi oo foʻi i ai se amo. 3 Ia oulua avatu le povi iā Eleasaro le ositaulaga, e na te ave i tua o le togālauapi, ma fasia ai i ona luma. 4 Ona ave lea e Eleasaro le ositaulaga o se vaega o le toto o le povi i lona tamatamaʻilima, ma sausau faafitu i le eleele i luma lava o le faleʻie o le feiloaʻiga.+ 5 Ona susunuina lea o le povi i ona luma. E susunuina lona paʻu, o lona aano, o lona toto faatasi ma ona otaota.+ 6 E ave fo‘i e le ositaulaga le laau o le arasi, o le lālā isopo,+ ma mea ua vali mūmū sesega ma togi i le afi lea ua susunuina ai le povi. 7 E tatā e le ositaulaga ona ofu ma tāʻele o ia* i le vai, ona sau ai lea o ia i le togālauapi; ae e lē mamā le ositaulaga seʻia oo i le afiafi.

8 “‘O lē na susunuina le povi e na te tatā ona ofu i le vai, e tāʻele foʻi o ia* i le vai, ma e lē mamā o ia seʻia oo i le afiafi.

9 “‘E aoao mai e se tagata o loo mamā lefulefu o le povi+ ma tuu i se nofoaga mamā i tua o le togālauapi, ma e ao ona teuina e le faapotopotoga o le fanauga a Isaraelu, e saunia ai le vai e faamamā ai.+ O le taulaga lea o agasala. 10 O lē e aoaoina lefulefu o le povi, e ao ona tatā ona ofu ma e lē mamā o ia seʻia oo i le afiafi.

“‘E faia lenei mea ma tulafono tumau mo le fanauga a Isaraelu ma le tagata ese ua aumau iā te i latou.+ 11 O so o se tasi e paʻi i se tagata oti,* e lē mamā o ia i aso e fitu.+ 12 E ao i lea tagata ona faamamā o ia lava i lea vai i le aso lona tolu, ona mamā ai lea o ia i le aso lona fitu. Ae afai e na te lē faamamāina o ia lava i le aso lona tolu, e lē mamā o ia i le aso lona fitu. 13 O tagata uma e papaʻi i le tino o so o se tagata oti, ma na te lē faamamāina o ia lava, ua ia faaleagaina le faleʻie paia o Ieova,+ ma e tatau ona fasiotia lea tagata mai i tagata Isaraelu.+ Talu ai ona e leʻi sausauina i ona luga le vai mo le faamamāina,+ ua lē mamā ai pea o ia. Ua lē mamā pea o ia.

14 “‘O le tulafono lenei pe a oti se tane i le faleʻie: O i latou uma e ulufale atu i lea faleʻie ma ē o loo iai i le faleʻie, e lē mamā i latou mo aso e fitu. 15 E lē mamā tanoa uma e leʻi faamauina lelei tapuni.*+ 16 E lē mamā i aso e fitu so o se tasi i le fanua e paʻi atu i se isi ua fasiotia i le pelu, po o se tino oti, po o se ponaivi o se tagata, po o se tuugamau.+ 17 E ao ona latou ave ni lefulefu mo lē ua lē mamā mai i le taulaga o agasala lea na faamūina, ma tuu i se ipu ona sasaa lea i ai o ni vai mai i le vaipuna. 18 Ona ave lea e se tagata mamā+ o le lālā isopo+ ma lolō i le vai ma sausau ai le faleʻie ma ipu uma, ma tagata ua iai i lea mea, i luga foʻi o lē na paʻi i se ponaivi, po o se isi ua fasiotia, po o se tino oti, po o se tuugamau. 19 E sausau e le tagata o loo mamā le vai i luga o lē e lē o mamā i le aso lona tolu atoa ma le aso lona fitu, ma e na te faamamāina o ia mai i le agasala i le aso lona fitu;+ ona ia tatā lea o ona ofu ma tāʻele i le vai, ona mamā ai lea o ia i le afiafi.

20 “‘A o le tagata ua lē mamā ma ua lē faamamāina o ia lava, e ao ona fasiotia o ia,+ auā ua ia faaleagaina le faleʻie paia o Ieova. E leʻi sausauina le vai e faamamā ai i ona luga, o lea e lē mamā o ia.

21 “‘Ia fai lenei mea ma tulafono tumau mo i latou: E ao i lē ua sausauina le vai mo le faamamāina+ ona tatā ona ofu, ma o lē e paʻi i le vai mo le faamamāina e lē mamā o ia seʻia oo i le afiafi. 22 O mea uma e paʻi i ai lē ua lē mamā e lē mamā foʻi ia mea, ma o le tagata e paʻi i ia mea e lē mamā o ia seʻia oo i le afiafi.’”+

20 I le masina muamua, ua ō atu ai le faapotopotoga atoa o le fanauga a Isaraelu i le toafa o Tisina, ma ua nonofo ai i le nuu o Katesa.+ O i inā na oti ai Miriama+ ma tanu ai o ia.

2 Ua leai se vai mo le faapotopotoga,+ ona latou faapotopoto ai lea ma tetee atu iā Mose ma Arona. 3 Ua finau tagata ma Mose+ ma ua latou faapea mai: “Sa sili ai pe ana matou feoti i le taimi na feoti ai o matou uso i luma o Ieova! 4 Aiseā ua oulua aumaia ai le faapotopotoga a Ieova i lenei toafa, ina ia matou feoti ma mamate ai a matou lafumanu?+ 5 Aiseā foʻi ua oulua aumaia ai i matou mai i Aikupito ma tuu i matou i lenei nofoaga leaga?+ E lē ola ai i lenei mea ni fatu, o mati, o vine, ma rimoni, ma e leai foʻi ni vai e feinu ai.”+ 6 Ua ō atu Mose ma Arona mai i luma o le faapotopotoga i le faitotoʻa o le faleʻie o le feiloaʻiga, ua faapaʻuʻū faō, ona faaali mai lea o le mamalu o Ieova iā i laʻua.+

7 Ua fetalai mai Ieova iā Mose: 8 “Ia tago i le tootoo ma faapotopoto mai le faapotopotoga, o oe ma Arona lou uso a o vāai mai i latou, ma ia lua tautatala atu i le papa ina ia tafe mai ai le vai; ma e te aumaia le vai mo i latou mai i le papa e feinu ai le faapotopotoga ma a latou lafumanu.”+

9 Ona ave lea e Mose o le tootoo mai i luma o Ieova,+ e pei ona Ia poloaʻi mai ai iā te ia. 10 Ona faapotopoto ai lea e Mose ma Arona o le faapotopotoga i luma o le papa, ona ia fai atu lea iā i latou: “O outou tagata fouvale, faalogo mai ia! Pe e ma te aumaia ea mai i lenei papa se vai mo outou?”+ 11 Ua sii i luga e Mose lona lima ma tā faalua le papa i lona tootoo, ona tafe tele mai ai lea o le vai, ma ua feinu ai le faapotopotoga ma a latou lafumanu.+

12 Mulimuli ane ua fetalai mai Ieova iā Mose ma Arona: “Ona ua oulua lē faatuatua mai iā te aʻu ma ua lē faapaiaina aʻu i luma o le fanauga a Isaraelu, o lea, o le a oulua lē avatua lenei faapotopotoga i le laueleele ou te foa‘iina atu iā i latou.”+ 13 O vai nei o Meripa,*+ ia na finau ai le fanauga a Isaraelu ma Ieova, ma ua faapaiaina ai o ia i lea mea i luma o tagata.

14 Ua auina atu e Mose ni avefeʻau mai i Katesa i le tupu o Etoma:+ “O le tala lenei a lou uso o Isaraelu+ e faapea, ‘Ua e silafia lelei faigatā uma na oo iā i matou. 15 Na ō o matou tamā i Aikupito+ ma na matou nonofo ai pea i Aikupito mo le tele o tausaga,*+ na sauāina foʻi i matou ma o matou tamā e tagata Aikupito.+ 16 Ona matou alalaga atu lea iā Ieova+ ma na ia faafofoga i o matou leo ma ia auina mai se agelu,+ ma aveese i matou mai i Aikupito; ona matou nonofo ai lea i Katesa, o se aai i le tuaoi o lou laueleele. 17 Faamolemole seʻi o matou ui atu i lou laueleele. E matou te lē ui i se fanua po o se togāvine, e matou te lē feinu foʻi i se vai o se vaieli. E matou te malaga i le Auala a le Tupu e aunoa ma le afe i le itu taumatau po o le itu tauagavale, seʻia matou sopoʻia lou laueleele.’”+

18 Peitaʻi ua tali mai Etoma iā te ia: “Aua neʻi e uia loʻu laueleele, ina neʻi oʻu alu atu ma le pelu e faafetaui ai oe.” 19 Ona fai atu lea o le fanauga a Isaraelu iā te ia: “E matou te ō aʻe i le ala tele; ma afai e matou te feinu ma a matou lafumanu i lou vai, e matou te avatu le tau o lea mea.+ E leai se mea matou te mananaʻo ai tau lava o lo matou savavali e ui atu ai.”+ 20 Ae ua ia faapea mai lava: “Aua tou te ui ane.”+ Ona ō mai lea o Etoma ma tagata e toʻatele ma se ‘autau* malosi ina ia faafetaui iā te ia. 21 Ua lē faatagaina e Etoma Isaraelu e ui ane i lona laueleele, ona liliuese ai lea o Isaraelu mai iā te ia.+

22 Ua malaga ese le fanauga a Isaraelu, o le faapotopotoga atoa mai i Katesa ma ua oo atu i le mauga o Horo.+ 23 Ona fetalai mai lea o Ieova iā Mose ma Arona i le mauga o Horo i le tuaoi o le laueleele o Etoma: 24 “O le a faatasia Arona ma ona tagata.*+ E lē ulu atu o ia i le laueleele ou te avatu i le fanauga a Isaraelu, talu ai ua oulua fouvale i laʻu faatonuga e tusa ai ma vai o Meripa.+ 25 Ia aumai Arona ma Eleasaro lona atalii ma ave i laʻua i le mauga o Horo. 26 Ia tatala ese ofu ositaulaga o Arona,+ ma faaofu ai Eleasaro+ lona atalii; ma e oti Arona i inā.”*

27 Ona faia lea e Mose e pei ona poloaʻi mai ai Ieova, ma ua latou ō aʻe i le mauga o Horo a o vāai atu le faapotopotoga atoa. 28 Ona tatala lea e Mose o ofu ositaulaga o Arona ma faaofu ai Eleasaro lona atalii. Ona maliu ai lea o Arona i inā i le tumutumu mauga.+ Ua ō ifo Mose ma Eleasaro mai i le mauga. 29 Ua iloa e le faapotopotoga atoa ua maliu Arona, ona fetagisi ai lea o le aiga o Isaraelu i aso e 30+ ona o Arona.

21 Ua logotala le tupu o Arata,+ o se tagata Kanana e nofo i Nekepi,* ua ō mai tagata Isaraelu i le ala o Atarima, ona ia tau lea ma Isaraelu ma ave faapagota nisi o i latou. 2 Ona faia lea e tagata Isaraelu o lenei tautoga iā Ieova: “Afai e te tuuina mai lava lenei nuu i o matou lima, matou te matuā faaumatia o latou aai.” 3 Ua faafofoga Ieova i le leo o tagata Isaraelu ma tuuina atu tagata Kanana iā i latou; ua latou matuā faaumatia i latou ma o latou aai. O lea ua latou taʻua ai lea mea o Horema.*+

4 A o latou malaga ese mai i le mauga o Horo,+ i le ala i le Sami Ulaula ina ia ui i autafa o Etoma,+ ua lē lavavā tagata ona o le faigāmalaga. 5 Ua faaauau ona faitio tagata i le Atua ma Mose+ e faapea: “Aiseā ua oulua aumaia ai i matou mai i Aikupito ina ia feoti i le toafa? Ua leai ni meaʻai po o ni vai,+ ma ua matou ʻinoʻino i lenei meaʻai e lē manaia.”+ 6 Ona auina mai lea e Ieova o gata uogo i le nuu, ma ua ū ai pea tagata e ia gata, ua feoti ai foʻi le toʻatele o tagata Isaraelu.+

7 Ua ō mai le nuu iā Mose ma faapea mai: “Ua matou agasala, ona ua matou faaseā iā Ieova atoa ma oe.+ Ia faatoga atu iā Ieova ina ia aveese ia gata mai iā i matou.” Ona faatoga atu lea o Mose mo le nuu.+ 8 Ua fetalai mai Ieova iā Mose: “Ia e faia se faatusa o se gata uogo ma tuu i luga o le pou. Afai e ū e se gata se tasi, e ao ona ia vaavaai atu i le gata ona ola ai pea lea o ia.” 9 Ona faia loa lea e Mose o se gata mai i le ʻapamemea+ ma tuu i luga o le pou;+ ma a ū le tagata e se gata, e vaavaai atu o ia i le gata ʻapamemea, ona ola ai pea lea o ia.+

10 Ua mavae lea ona malaga ese lea o le fanauga a Isaraelu mai i lea mea ma faatutū o latou faleʻie i Opoto.+ 11 Ua latou malaga ese mai i Opoto ma faatutū o latou faleʻie i Ie-aperima+ i le toafa o loo feagai ma Moapi, i le itu i sasa‘e. 12 Ua latou malaga ese mai i inā ma faatutū o latou faleʻie e lata ane i le vanu* o Sareta.+ 13 Ua latou ō ese mai i lea mea ma faatutū o latou faleʻie e latalata ane i Arinona,+ o loo i le toafa e alu atu i le tuaoi o tagata Amorī, auā o Arinona o le tuaoi o Moapi, i le vā o Moapi ma tagata Amorī. 14 O le mea lea ua ta‘ua ai i le tusi o Taua a Ieova “Vaepa* i Sufo ma vanu* o Arinona, 15 e oo atu vanu ma ona ālia i le nuu o Aro ma tau i le tuaoi o Moapi.”

16 Ona latou malaga atu lea i Pere. O le vaieli lea ua fetalai mai ai Ieova iā Mose: “Ia faapotopoto mai le nuu ma ou te avatu le vai iā te i latou.”

17 Ona pepese ai lea o tagata Isaraelu i lenei pese:

“Le vaieli e, Inā e puna aʻe ia! (Ia tali* atu i ai!)

Ua latou tuua le toafa ma malaga atu i Matanaa, 19 ua latou tuua Matanaa ma malaga atu i Nalielu, ma mai i Nalielu e oo atu i Pamota.+ 20 Ua latou tuua Pamota ma malaga atu i le vanu ua iai i le laufanua o Moapi,+ i le tumutumu o Peseka,+ e i luga aʻe o Iesimoni.*+

21 Ona aauina atu lea e Isaraelu o avefeʻau iā Sekono le tupu o tagata Amorī ma faapea atu:+ 22 “Seʻi o matou ui atu i lou laueleele. E matou te lē afe ane i se fanua po o se togāvine. E matou te lē feinu foʻi i se vai o se vaieli. E matou te malaga i le Auala a le Tupu seʻia o matou sopoʻia lou laueleele.”+ 23 Ae ua lē faatagaina e Sekono Isaraelu e ui ane i lona laueleele. Nai lo o lea, ua faapotopoto e Sekono ona tagata uma ma ō atu e faafetaui Isaraelu i le toafa, ma ua oo atu i Iaesa, ona tau lea ma Isaraelu.+ 24 Peita‘i, ua fasiotia o ia e Isaraelu i le pelu+ ma ua fai foʻi mo i latou lona laueleele,+ e amata mai i Arinona+ e oo atu i Iapoka,+ e latalata i tagata Amonī, auā o Iasaru+ o le tuaoi lea o tagata Amonī.+

25 Ua maua foʻi e Isaraelu ia aai uma, ma ua latou nonofo i aai uma o tagata Amorī,+ i Hesepona ma ona tamaʻi aai uma. 26 Auā o Hesepona o le aai o Sekono le tupu o tagata Amorī, o ia foʻi lea na tau ma le tupu o Moapi ma aveese mai iā te ia ona laueleele uma e oo lava i Arinona. 27 O le mea lea ua iai se alagāupu faatauemu e faapea:

“Ō mai ia i Hesepona.

Ia fausia le aai o Sekono ma ia malosi lona faavae.

28 Auā ua alu aʻe se afi mai i Hesepona, o le afi mumū mai i le aai o Sekono.

Ua mū ai Aro i Moapi, o alii o mea maualuluga i Arinona.

29 Oi talofa iā te oe Moapi! O le a faaumatia lava oe, O tagata o Kimosa!+

O le a ia faia ona atalii ma ē e maumausolo ma ona afafine o le a ave faapagota e Sekono le tupu o tagata Amorī.

31 Ua nonofo Isaraelu i laueleele o tagata Amorī. 32 Ona aauina faalilolilo atu lea e Mose o nisi e mataʻi Iasaru.+ Ua latou mauaina ona tamaʻi aai ma tutuliese tagata Amorī na i lea mea. 33 Mulimuli ane ua latou liliu ma ō aʻe i le ala i Vasana. Ona sau lea o Oko+ le tupu o Vasana ma ona tagata uma ina ia faafetaui i latou i le taua i Eterei.+ 34 Ua fetalai mai Ieova iā Mose: “Aua e te fefe iā te ia,+ auā ou te tuuina atu o ia i lou lima atoa ma ona tagata uma ma ona laueleele;+ e te faia iā te ia le mea e pei ona e faia iā Sekono le tupu o tagata Amorī, o lē sa nofo i Hesepona.”+ 35 Ua latou fasiotia o ia ma ona atalii ma ona tagata uma, seʻia oo ina lē toe iai se isi e totoe o ona tagata,+ ona latou ave lea mo i latou o lona laueleele.+

22 Ona malaga ese lea o le fanauga a Isaraelu mai i lea mea ma faatutū o latou faleʻie i le fanua laugatasi o le toafa o Moapi, i le isi itu o Ioritana e faafesagaʻi ma Ieriko.+ 2 Ua iloa foʻi e Palako+ le atalii o Seporu mea uma sa faia e Isaraelu i tagata Amorī, 3 ma ua fefefe tele Moapi ona o lea nuu, auā ua toʻatele i latou; ua matuā atuatuvale Moapi ona o le fanauga a Isaraelu.+ 4 Ona faapea atu lea o Moapi i toeaina o Mitiana:+ “E faatamaʻia e lenei faapotopotoga mea uma e siʻomia ai i tatou e pei ona ʻai e le povi poʻa o le vao o le fanua.”

Ua avea Palako le atalii o Seporu ma tupu o Moapi i lea taimi. 5 Ua ia aauina atu ni avefeʻau iā Palaamo le atalii o Peoro, i Petoru+ lea e i tala ane o le Vaitafe* o le laueleele o lona nuu. Ua ia aami iā te ia, ma faapea atu: “Vaai oe! Ua ō mai ni tagata mai i Aikupito. Faauta! Ua latou ufitia le laueleele+ i le mamao e mafai ona vaai i ai se tasi,* ma o loo latou nonofo i oʻu luma tonu lava. 6 Faamolemole seʻi maliu mai, ma faamalaia nei tagata mo aʻu,+ auā ua sili atu lo latou malolosi nai lo o aʻu. Atonu e mafai ona ou faatoʻilalo i latou ma tutuliese mai i le laueleele, auā ua ou iloa o lē e te faamanuia i ai e manuia a o lē e te faamalaia i ai e malaia.”

7 Ona malaga lea o toeaina o Moapi ma toeaina o Mitiana faatasi ma le totogi o valovaloga i o latou lima, ua latou taunuu iā Palaamo+ ma faailoa mai iā te ia le fe‘au a Palako. 8 Ua ia fai atu iā i latou: “Ia outou tofafā i inei i le pō lenei, ma o le a ou taʻu atu lava iā te outou upu e fetalai mai ai Ieova iā te aʻu.” Ona nonofo faatasi ai lea o perenise o Moapi ma Palaamo.

9 Ua afio mai le Atua ma fetalai mai iā Palaamo:+ “O ai nei tamāloloa o loo faatasi ma oe?” 10 Ona tali atu lea o Palaamo i le Atua moni: “Ua oo mai iā te aʻu le feʻau a Palako le atalii o Seporu, o le tupu o Moapi, e faapea, 11 ‘Vaai foʻi! Ua ō mai le nuu mai i Aikupito, ma ua latou ufitia le laueleele i le mamao e mafai ona vaai i ai se tasi.* Ia e sau ma faamalaia i latou mo aʻu.+ Atonu e mafai ai ona ou tau ma i latou ma tutuliese i latou.’” 12 Ae ua fetalai mai le Atua iā Palaamo: “Aua e te alu faatasi ma i latou. Aua foʻi e te faamalaiaina le nuu auā ua faamanuiaina i latou.”+

13 Ua tulaʻi Palaamo i le taeao ma faapea atu i perenise a Palako: “Ia outou ō i lo outou atunuu, auā ua lē finagalo Ieova tatou te ō.” 14 Ona ō lea o perenise o Moapi ma toe fo‘i atu iā Palako ma faapea atu: “Ua musu Palaamo e matou te ō mai.”

15 Peitaʻi, ua toe aauina atu e Palako nisi perenise e toʻatele atu ma e sili atu ona aloaʻia nai lo o le vaega muamua. 16 Ua latou taunuu atu iā Palaamo ma faapea atu iā te ia: “O le tala lenei a Palako le atalii o Seporu, ‘Faamolemole aua ne‘i iai se mea e taofia ai oe mai i lou maliu mai iā te aʻu, 17 auā o le a ou matuā faamamaluina lava oe, ma o mea uma e te saunoa mai ai o le a ou faia. Faamolemole maliu mai, ma ia e faamalaia lenei nuu mo aʻu.’” 18 Ae ua tali mai Palaamo i auauna a Palako: “Afai e foaʻi mai e Palako iā te aʻu lona fale e tumu i siliva ma auro, e lē mafai ona ou solia le poloaʻiga a Ieova loʻu Atua, e tusa po o se mea itiiti po o se mea telē.+ 19 Ae faamolemole ia outou tofafā i inei i lenei pō, ina ia ou iloa ai po o le ā se isi fetalaiga a Ieova iā te aʻu.”+

20 Ona afio mai lea o le Atua iā Palaamo i le pō ma fetalai mai iā te ia: “Afai ua ō mai ia tane e aami oe, ia outou ō ma i latou. Ae tau ina ia e tautala atu i upu ou te fai atu ai iā te oe.”+ 21 Ona tulaʻi lea o Palaamo i le taeao ma faanofoa lana asini* ma ua ō faatasi ma perenise o Moapi.+

22 Peita‘i, ua matuā toʻasā le Atua ona ua alu o ia; ona tū lea o le agelu a Ieova i le auala e tetee atu iā te ia. Ua tiʻetiʻe Palaamo i lana asini ma ua ō faatasi ma ana auauna e toʻalua. 23 Ua iloa e le asini le agelu a Ieova ua tū i le auala, ua i lona lima lana pelu ua seʻi; ua taumafai le asini e liliuese mai i le auala ina ia alu atu i le fanua. Ae ua sasa e Palaamo le asini ina ia toe liliu i le auala. 24 Ua tū le agelu a Ieova i se ala vāiti i le vā o togāvine e lua, ua iai le pā maa i le tasi itu ma le pā maa i le isi itu. 25 Ua iloa atu e le asini le agelu a Ieova ona matuā sōsō lea o ia i le pā ma omia ai le vae o Palaamo i le pā; ona toe sasa ai lea e Palaamo le asini.

26 Ona toe alu atu lea o le agelu a Ieova ma tū i se mea vāiti, o se mea e lē mafai ona liliu ai i le itu taumatau po o le itu tauagavale. 27 Ae ua iloa e le asini le agelu a Ieova ona taoto ifo ai lea o ia i lalo o Palaamo; ua matuā ita Palaamo ma soona sasa le asini i lona tootoo. 28 Mulimuli ane ua faatautala e Ieova le asini* ma ua faapea mai le asini+ iā Palaamo: “O le ā laʻu mea ua fai iā te oe ua e sasa faatolu ai aʻu?”+ 29 Ona tali atu lea o Palaamo i le asini: “Auā ua leaga lau amio iā te aʻu. Pe ana iai se pelu i loʻu lima, ua ou fasimatea oe!” 30 Ua faapea mai le asini iā Palaamo: “Pe e lē o aʻu ea o lau asini na e tiʻetiʻe ai i lou olaga atoa seʻia oo mai i le asō? Pe e masani ea ona ou faia faapea iā te oe?” Ua ia tali atu: “E leai!” 31 Ona faapupulaina lea e Ieova o mata o Palaamo,+ ma ua ia vaai ai i le agelu a Ieova o loo tū i le ala, ua uu lana pelu i lona lima. Ona ia ifo toʻele loa lea, ua tootuli ma faō.

32 Ua fai mai le agelu a Ieova iā te ia: “Aiseā ua e sasa faatolu ai i lau asini? Faauta! Ua ou sau e tetee atu iā te oe, auā ua lē tusa lou ala ma loʻu loto.+ 33 Sa iloa aʻu e le asini ma sa taumafai faatolu e liliuese mai i oʻu luma.+ Pe ana lē liliuese le asini mai i oʻu luma, semanū ua ou fasiotia oe, ae faasaoina le asini!” 34 Ona fai atu lea o Palaamo i le agelu a Ieova: “Ua ou agasala auā ua ou lē iloa o oe lea ua tū i le ala e fetaiaʻi ma aʻu. Afai e leaga lenei mea i lau silafaga, o le a ou toe foʻi.” 35 Ae ua faapea mai le agelu a Ieova iā Palaamo: “Ia ō ma tamāloloa, ae tau ina ia e tautala atu i upu ou te fai atu ai iā te oe.” Ona ō pea lea o Palaamo faatasi ma perenise a Palako.

36 Ina ua faalogo Palako ua sau Palaamo, ona alu atu loa lea o ia e faafetaui o ia i le aai o Moapi e i le auvai o Arinona, o loo i le tuaoi o le laueleele o le atunuu. 37 Ua fai mai Palako iā Palaamo: “Pe na ou lē aauina atu ea nisi e aami iā te oe? Aiseā na e lē sau ai iā te aʻu? Pe e te manatu e lē mafai ona ou matuā faamamaluina oe?”+ 38 Ona tali atu lea o Palaamo iā Palako: “O lea ua ou sau. Pe mafai lava ona ou fai atu se tala? O upu e tuu mai e le Atua i loʻu gutu, o upu ia ou te tautala atu ai.”+

39 Ua ō Palaamo ma Palako ma ua la taunuu atu i Kiriata-usota. 40 Ona faia lea e Palako o taulaga i povi ma mamoe ma aauina atu nisi vaega iā Palaamo ma perenise ua faatasi ma ia. 41 Ua oo i le taeao ona ave lea e Palako o Palaamo ma la ō aʻe i Pamota-paala, ina ia iloa atu ai e ia tagata uma o le nuu.+

23 Ona fai atu lea o Palaamo iā Palako: “Ia e fausia i lenei mea ni fata faitaulaga se fitu,+ ma ia e sauniuni ni povi poʻa se fitu ma ni mamoe poʻa se fitu mo aʻu.” 2 Ona faia lea e Palako e pei ona fai mai ai Palaamo. Ua faia e Palako ma Palaamo ni taulaga i le povi poʻa ma le mamoe poʻa i fata faitaulaga taʻitasi.+ 3 Ua faapea atu Palaamo iā Palako: “Ia e tū i autafa o lau taulaga mū, ae seʻi oʻu alu. Atonu e afio mai Ieova ma te feiloaʻi. Po o le ā lava e na te faailoa mai iā te aʻu, ou te taʻu atu iā te oe.” Ona alu lea o ia i se aʻega taalaelae.

4 Ua feiloaʻi le Atua iā Palaamo,+ ona ia fai atu lea iā te Ia: “Ua ou faatulaga ni fata faitaulaga se fitu, ma ua ou faia ai taulaga i le povi poʻa ma le mamoe poʻa i fata faitaulaga taʻitasi.” 5 Ona tuu mai lea e Ieova o upu nei i le gutu o Palaamo:+ “Ia e toe foʻi atu iā Palako, ma o upu nei e ao ona e fai atu.” 6 Ua toe foʻi mai o ia, ma vaaia Palako o loo tutū faatasi ma perenise uma o Moapi i autafa o lana taulaga mū. 7 Ua ia taʻu atu lenei feʻau faavaloaga:+

‘Ia e sau e faamalaia Iakopo mo aʻu.

Ioe, ia e sau e taʻusala Isaraelu.’+

 8 E faapefea ona ou faamalaia o ē e leʻi faamalaiaina e le Atua?

E faapefea foʻi ona ou taʻusalaina o ē e leʻi taʻusalaina e Ieova?+

11 Ona fai mai lea o Palako iā Palaamo: “O le ā lau mea ua fai iā te aʻu? Na ou amia oe ina ia faamalaia oʻu fili a o lenei ua e faamanuia iā i latou.”+ 12 Ae ua ia tali atu: “Pe e lē tatau ea ona ou tautala i upu uma ua tuu mai e Ieova i loʻu gutu?”+

13 Ona fai mai lea o Palako iā te ia: “Faamolemole seʻi ta ō i se mea e mafai ona e vaai atu ai iā i latou. E na o se vaega o i latou e te iloa atu, ae e te lē iloa atu i latou uma. Ia e faamalaia i latou mo aʻu mai i inā.”+ 14 Ua ia ave o ia i le fanua o Sofima, i le tumutumu o Peseka,+ ua faia fata faitaulaga e fitu ma fai ai taulaga i le povi poʻa ma le mamoe poʻa i fata faitaulaga taʻitasi.+ 15 Ona fai atu lea o Palaamo iā Palako: “Ia e tū i autafa o lau taulaga mū ae seʻi oʻu alu ma te feiloaʻi ma Ia i o.” 16 Ona feiloaʻi lea o Ieova ma Palaamo ma tuu nei upu i le gutu o Palaamo:+ “Ia e toe foʻi atu iā Palako, ma o upu nei e ao ona e fai atu.” 17 Ua toe foʻi mai o ia iā te ia, ma vaaia o loo tū o ia i autafa o lana taulaga mū, ma o loo faatasi o ia ma perenise o Moapi. Ona fesili mai lea o Palako iā te ia: “O le ā le mea ua fetalai mai ai Ieova?” 18 Ona ia taʻu atu lea o lenei feʻau faavaloaga:+

“Inā tulaʻi ia Palako ma faafofoga mai.

Ia faafofoga mai iā te aʻu, Le atalii o Seporu.

Pe a ia fetalai i se mea, pe e na te lē faia ea?

Pe a ia fetalai i se mea, pe e na te lē faataunuuina ea?+

22 Ua aumaia e le Atua i latou mai i Aikupito.+

Ua pei o ia o seu o se povi poʻa o le vao iā i latou.+

E mafai ona faapea atu nei e uiga iā Iakopo ma Isaraelu:

‘Maʻeu le mea ua faia e le Atua!’

25 Ona fai mai lea o Palako iā Palaamo: “Afai e lē mafai ona e faamalaia iā te ia, e lē tatau foʻi la ona e faamanuia atu iā te ia.” 26 Ua tali atu Palaamo iā Palako: “Pe na ou lē fai atu ea iā te oe, ‘Ou te faia mea uma e fetalai mai ai Ieova’?”+

27 Ona fai mai lea o Palako iā Palaamo: “Faamolemole sau ia seʻi ta ō i se isi mea. Atonu o le a lelei i le silafaga a le Atua moni, ma mafai ai ona e faamalaia o ia mo aʻu mai i inā.”+ 28 Ua ave e Palako o Palaamo i le tumutumu o Peoro lea e faafesagaʻi ma Iesimoni.*+ 29 Ona fai atu lea o Palaamo iā Palako: “Ia e fausia i lenei mea ni fata faitaulaga se fitu, ma ia e sauniuni ni povi poʻa se fitu ma ni mamoe poʻa se fitu mo aʻu.”+ 30 Ua faia e Palako e pei ona fai mai ai o Palaamo, ma ua ia faia taulaga i le povi poʻa ma le mamoe poʻa i fata faitaulaga taʻitasi.

24 Ua iloa e Palaamo ua lelei i le silafaga a Ieova le faamanuia o Isaraelu, ona lē toe alu lea o ia e pei o isi taimi e saʻili i ni faailoilo faataulāitu,+ ae ua faasaga atu ona mata i le toafa. 2 Ua tepa aʻe Palaamo ma iloa atu Isaraelu o loo nonofo i o latou faleʻie e tusa ma o latou ituaiga,+ ona oo lea o le agaga o le Atua iā te ia.+ 3 Ona ia fai atu lea o lenei feʻau faavaloaga:+

10 Ona matuā ita ai lea o Palako iā Palaamo. Ua pati lima o Palako ma le ita, ma ua fai mai iā Palaamo: “Na ou amia oe ina ia e faamalaia oʻu fili,+ ae ua faatolu ona e faamanuia iā i latou. 11 Ia e alu loa i lou fale. Na ou mafaufau e matuā faamamaluina oe,+ ae faauta! ua taofia oe e Ieova neʻi faamamaluina oe.”

12 Ona tali atu lea o Palaamo iā Palako: “Po ou te leʻi fai atu ea i avefeʻau na e aauina mai, 13 ‘Afai e foaʻi mai e Palako iā te aʻu lona fale ua tumu i siliva ma auro, e lē mafai i lo‘u lava loto ona ou solia le poloaʻiga a Ieova, e tusa po o se mea lelei po o se mea leaga’? Po ou te leʻi fai atu ea, ‘O mea e fetalai mai ai Ieova, o mea ia ou te tautala atu ai’?+ 14 O lenei o le a ou alu atu i loʻu lava nuu. O le mea lea, seʻi oʻu faailoa atu iā te oe le mea o le a faia e lenei nuu iā te outou i le lumanaʻi.”* 15 Ona ia fai atu lea o lenei feʻau faavaloaga:+

20 A o ia vaai atu iā Amaleka, ua faaauau ona fai atu ana feʻau faavaloaga e faapea:

21 A o ia vaai atu foʻi i tagata Keni,+ ua faaauau ona fai atu ana feʻau faavaloaga e faapea:

“E tumau le mea e te nofo ai, e fai lou fale i luga o le papa.

22 Peitaʻi o le a iai se tasi e na te susunuina Kaino.*

O le ā le umi ona ave faapagota lea o oe e Asuria?”

23 Ua faaauau ona faia ana feʻau faavaloaga e faapea:

“Auē! O ai o le a sao pe a faaoo mai e le Atua lenei mea?

Ae e matuā faaumatia foʻi o ia.”

25 Ona tulaʻi lea o Palaamo+ ma alu i lona ala, ua toe fo‘i i le mea na nofo ai. Ua alu foʻi Palako i lona ala.

25 Ua nonofo Isaraelu i Setima,+ ona amata lea ona faia e tagata o amioga lē mamā taufeusuaʻiga ma afafine o tagata Moapi.+ 2 Ua valaaulia e fafine tagata e ō atu i taulaga ua faia i o latou atua,+ ona aai lea o tagata o le nuu i taulaga ma ifo i o latou atua.+ 3 O lea, ua aufaatasi tagata Isaraelu i le tapuaʻiga iā Paala o Peoro;+ ona matuā toʻasā ai lea o Ieova iā Isaraelu. 4 Ua fetalai mai Ieova iā Mose: “Ia pupuʻe ta‘ita‘i* uma o lenei nuu, ma fasiotia i latou ma faatautau o latou tino i le ao teatea* i luma o Ieova, ina ia liliuese ai le toʻasā tele o Ieova mai iā Isaraelu.” 5 Ona fai atu lea o Mose i faamasino o Isaraelu:+ “Ia taʻitasi outou ma fasioti ona tagata o ē ua aufaatasi i le tapuaʻiga iā Paala o Peoro.”+

6 Ae i lenā taimi, ua sau ai se tasi o le fanauga a Isaraelu ma aumai se fafine Mitiana+ e latalata i le mea ua iai ona uso, a o vāai i ai Mose atoa ma le faapotopotoga uma o le fanauga a Isaraelu, a o fetagisi i latou i le faitotoʻa o le faleʻie o le feiloaʻiga. 7 Ua vaai atu i ai Fineaso+ le atalii o Eleasaro, o le atalii o Arona le ositaulaga, ona tulaʻi loa lea o ia mai i le faapotopotoga ma ave le tao i lona lima. 8 Ua mulimuli atu o ia i le tane o Isaraelu i le faleʻie, ua tui ma ua ati ai iā i laʻua, o le tane o Isaraelu atoa ma le fafine i ona totogasā. Ona taofia ai lea o le mala i le fanauga a Isaraelu.+ 9 O i latou na feoti i le mala e toʻa 24,000.+

10 Ona fetalai mai lea o Ieova iā Mose: 11 “Ua liliuese e Fineaso+ le atalii o Eleasaro, o le atalii o Arona le ositaulaga, loʻu ita tele i le fanauga a Isaraelu, e ala i lona lē lagolagoina o lo latou lē faamaoni iā te aʻu.+ O le mea lea ua ou lē faaumatia ai le fanauga a Isaraelu ona o loʻu maumauaʻi e tapuaʻi mai tau lava o aʻu.*+ 12 O le mea lea ia e fai atu ai, ‘Ou te tuuina atu iā te ia laʻu feagaiga o le filemu. 13 Ia fai ma feagaiga o le faiva o ositaulaga e tumau mo ia ma lana fanau pe a mavae atu o ia,+ talu ai na te leʻi lagolagoina le lē faamaoni i lona Atua,+ ma na ia faia foʻi le togisala mo le fanauga a Isaraelu.’”

14 O le igoa foʻi o le tane Isaraelu na fasiotia faatasi ma le fafine Mitiana, o Semeri le atalii o Salu, o se taʻitaʻi o le ʻauaiga o se tasi o tamā mai i le ituaiga o Simeona. 15 A o le igoa o le fafine Mitiana o lē na fasiotia, o Kosepi le afafine o Suro;+ o ia foʻi o se ta‘ita‘i o se ʻauaiga o se tasi o tamā mai i Mitiana.+

16 Mulimuli ane, ua fetalai mai Ieova iā Mose: 17 “Ia faatigā i tagata Mitiana ma fasiotia i latou,+ 18 auā ua latou faatigā iā te outou i a latou gaoioiga faaʻoleʻole na latou faia iā te outou i le mataupu iā Peoro,+ ma le mataupu iā Kosepi le afafine o se tasi o taʻitaʻi Mitiana, o lo latou tuafafine lea na fasiotia+ i le aso na tupu ai le mala, ona o le mataupu iā Peoro.”+

26 Ua mavae le mala,+ ona fetalai mai lea o Ieova iā Mose ma Eleasaro le atalii o Arona le ositaulaga: 2 “Ia faitau le aofaʻi o le faapotopotoga atoa o le fanauga a Isaraelu mai i le 20 tausaga agaʻi i luga le matutua, e tusa ma aiga o o latou tamā, ia faitau i latou uma ua mafai ona auai i le ʻautau a Isaraelu.”+ 3 Ona fai atu lea o Mose ma Eleasaro+ le ositaulaga iā i latou i le fanua laugatasi o le toafa o Moapi,+ e lata i Ioritana e faafesagaʻi ma Ieriko,+ ua faapea atu: 4 “Ia faitau le aofaʻi o i latou e mai i le 20 tausaga agaʻi i luga le matutua, e pei ona poloaʻi mai ai Ieova iā Mose.”+

O atalii ia o Isaraelu na ō ese mai i le atunuu o Aikupito: 5 o Reupena+ le ulumatua a Isaraelu; o atalii ia o Reupena:+ o Hanoka, na tupuga mai ai tagata Hanoka; o Falu, na tupuga mai ai tagata Falu; 6 o Esarona, na tupuga mai ai tagata Esarona; o Karame, na tupuga mai ai tagata Karame. 7 O aiga nei o tagata Reupena, ma o i latou ua lesitalaina e toʻa 43,730.+

8 O le atalii o Falu o Eliapo. 9 O atalii o Eliapo o Nemuelu, Tatano, ma Apiramo. O Tatano ma Apiramo o tagata ia na filifilia o le faapotopotoga, o ē na fouvale iā Mose+ ma Arona faatasi ma ē na ʻau ma Koru,+ ina ua latou fouvale iā Ieova.+

10 Na faamaga le gutu o le eleele ma folo ai i latou. A o Koru na oti o ia faatasi ma ē na lagolagoina o ia, ina ua faaumatia e le afi tane e toʻa 250.+ Ua fai i latou ma faaaʻoaʻoga lapataʻi.+ 11 Peitaʻi e leʻi feoti atalii o Koru.+

12 O atalii ia o Simeona+ e tusa ma o latou aiga: o Nemuelu, na tupuga mai ai tagata Nemuelu; o Iaminu, na tupuga mai ai tagata Iaminu; o Iakinu, na tupuga mai ai tagata Iakinu; 13 o Sera, na tupuga mai ai tagata Sera; o Sekulo, na tupuga mai ai tagata Sekulo. 14 O aiga nei o tagata Simeona, e toʻa 22,200.+

15 O atalii ia o Kato+ e tusa ma o latou aiga: o Sefiono, na tupuga mai ai tagata Sefiono; o Haki, na tupuga mai ai tagata Haki; o Suni, na tupuga mai ai tagata Suni; 16 o Oseni, na tupuga mai ai tagata Oseni; o Eri, na tupuga mai ai tagata Eri; 17 o Aroti, na tupuga mai ai tagata Aroti; o Areli na tupuga mai ai tagata Areli. 18 O aiga nei o atalii o Kato, ma o i latou ua lesitalaina e toʻa 40,500.+

19 O atalii o Iuta+ o Eru ma Onani.+ Peitaʻi na feoti Eru ma Onani i le atunuu o Kanana.+ 20 O atalii foʻi ia o Iuta e tusa ma o latou aiga: o Selaa, na tupuga mai ai tagata Selaa;+ o Faresa,+ na tupuga mai ai tagata Faresa; o Sera,+ na tupuga mai ai tagata Sera. 21 O atalii foʻi o Faresa: o Esarona,+ na tupuga mai ai tagata Esarona; o Hamulu,+ na tupuga mai ai tagata Hamulu. 22 O aiga nei o Iuta, ma o i latou ua lesitalaina e toʻa 76,500.+

23 O atalii ia o Isakara+ e tusa ma o latou aiga: o Tulaga,+ na tupuga mai ai tagata Tulaga; o Puva, na tupuga mai ai tagata Puva; 24 o Iasuvi, na tupuga mai ai tagata Iasuvi; o Semarona, na tupuga mai ai tagata Semarona. 25 O aiga nei o Isakara, ma o i latou ua lesitalaina e toʻa 64,300.+

26 O atalii ia o Sepulona+ e tusa ma o latou aiga: o Seretu, na tupuga mai ai tagata Seretu; o Aluna, na tupuga mai ai tagata Aluna; o Ialelu, na tupuga mai ai tagata Ialelu. 27 O aiga nei o Sepulona, ma o i latou ua lesitalaina e toʻa 60,500.+

28 O atalii ia o Iosefa+ e tusa ma o latou aiga: o Manase ma Efaraima.+ 29 O atalii ia o Manase:+ o Makiro,+ na tupuga mai ai tagata Makiro; ma o le atalii o Makiro o Kiliata;+ o Kiliata, na tupuga mai ai tagata Kiliata. 30 O atalii ia o Kiliata: o Ieseru, na tupuga mai ai tagata Ieseru; o Eleka, na tupuga mai ai tagata Eleka; 31 o Aserieli, na tupuga mai ai tagata Aserieli; o Sekema, na tupuga mai ai tagata Sekema; 32 o Semita, na tupuga mai ai tagata Semita; o Eferu, na tupuga mai ai tagata Eferu. 33 E leai ni atalii o Selofeata le atalii o Eferu, ae na o ona afafine,+ o igoa ia o afafine o Selofeata:+ o Maala, o Noa, o Hakelu, o Meleka, ma Tiresa. 34 O aiga nei o Manase, ma o i latou ua lesitalaina e toʻa 52,700.+

35 O atalii ia o Efaraima+ e tusa ma o latou aiga: o Sutelu, na tupuga mai ai tagata Sutelu;+ o Pekaru, na tupuga mai ai tagata Pekaru; o Taana, na tupuga mai ai tagata Taana. 36 O atalii ia o Sutelu: o Erana, na tupuga mai ai tagata Erana. 37 O aiga nei o atalii o Efaraima, ma o i latou ua lesitalaina e toʻa 32,500.+ O atalii nei o Iosefa e tusa ma o latou aiga.

38 O atalii ia o Peniamina+ e tusa ma o latou aiga: o Pela,+ na tupuga mai ai tagata Pela; o Asepelu, na tupuga mai ai tagata Asepelu; o Airamo, na tupuga mai ai tagata Airamo; 39 o Sefuama, na tupuga mai ai tagata Sefuama; o Hupima, na tupuga mai ai tagata Hupima. 40 O atalii ia o Pela, o Aratu ma Naamanu:+ o Aratu, na tupuga mai ai tagata Aratu; o Naamanu, na tupuga mai ai tagata Naamanu. 41 O atalii nei o Peniamina e tusa ma o latou aiga, ma o i latou ua lesitalaina e toʻa 45,600.+

42 O atalii ia o Tanu+ e tusa ma o latou aiga: o Suama, na tupuga mai ai tagata Suama. O aiga nei o Tanu e tusa ma o latou aiga. 43 O aiga uma o tagata Suama, o i latou ua lesitalaina e toʻa 64,400.+

44 O atalii ia o Asera+ e tusa ma o latou aiga: o Iemina, na tupuga mai ai tagata Iemina; o Iesivi, na tupuga mai ai tagata Iesivi; o Peria, na tupuga mai ai tagata Peria; 45 o atalii foʻi nei o Peria: o Kaveru, na tupuga mai ai tagata Kaveru; o Mekielu, na tupuga mai ai tagata Mekielu. 46 O le igoa o le afafine o Asera o Sera. 47 O aiga nei o atalii o Asera, ma o i latou ua lesitalaina e toʻa 53,400.+

48 O atalii ia o Nafatali+ e tusa ma o latou aiga: o Iaseelu, na tupuga mai ai tagata Iaseelu; o Kuni, na tupuga mai ai tagata Kuni; 49 o Iesaru, na tupuga mai ai tagata Iesaru; o Selimo, na tupuga mai ai tagata Selimo. 50 O aiga nei o Nafatali e tusa ma o latou aiga, ma o i latou ua lesitalaina e toʻa 45,400.+

51 O i latou uma o le fanauga a Isaraelu ua lesitalaina e toʻa 601,730.+

52 Ina ua mavae lea, ona fetalai mai lea o Ieova iā Mose: 53 “Ia vaevae iā i latou nei le fanua e fai ma tofi e tusa ma igoa o loo i le lisi.*+ 54 Afai e toʻatele le aofaʻi o tagata, e ao ona faateleina le tofi, ae afai e itiiti le aofaʻi o tagata, e ao ona faaitiitia le tofi.+ E ao ona vaevaeina le tofi o vaega taʻitasi e tusa ma le aofaʻi o tagata ua lesitalaina. 55 Peita‘i, e vaevaeina le fanua e ala i le faia o le vili.*+ E latou te maua le tofi e tusa ma le igoa o le ituaiga o o latou tamā. 56 E vaevaeina e ala i le vili tofi ta‘itasi i ē toʻatele atoa foʻi ma ē toʻaitiiti.”

57 O i latou nei ua lesitalaina o le ʻau sa Levī+ e tusa ma o latou aiga: o Keresona, na tupuga mai ai tagata Keresona; o Koato,+ na tupuga mai ai tagata Koato; o Merari, na tupuga mai ai tagata Merari. 58 O aiga nei o le ʻau sa Levī: o le aiga o tagata Lipeni;+ o le aiga o tagata Heperona;+ o le aiga o tagata Maali;+ o le aiga o tagata Muse;+ o le aiga o tagata Koru.+

O le atalii o Koato o Amaramo.+ 59 O le igoa o le avā a Amaramo o Iokapeta,+ le afafine o Levi lea na fanaua e le avā a Levi i Aikupito. Ona fanaua lea e Iokapeta mai iā Amaramo o Arona ma Mose, ma Miriama+ lo laʻua tuafafine. 60 Ona fanaua lea o atalii o Arona, o Natapu, o Aviu, o Eleasaro, ma Itamaro.+ 61 Ae na feoti Natapu ma Aviu ona na la faamū le afi ua faasāina i luma o Ieova.+

62 O le aofaʻiga o i latou ua lesitalaina e toʻa 23,000, o tane uma mai i le tasi le masina agaʻi i luga le matutua.+ E leʻi lesitalaina i latou faatasi ma le fanauga a Isaraelu,+ auā e lē maua so latou tofi faatasi ma le fanauga a Isaraelu.+

63 O i latou nei ua lesitalaina e Mose ma Eleasaro le ositaulaga ina ua lesitala le fanauga a Isaraelu, i le fanua laugatasi o le toafa o Moapi, e lata i Ioritana e faafesagaʻi ma Ieriko. 64 Ae ua lē toe iai lava se tasi na lesitalaina e Mose ma Arona le ositaulaga, ina ua faitau le aofaʻi o le fanauga a Isaraelu i le toafa o Sinai.+ 65 Auā na fetalai mai Ieova e faatatau iā i latou: “E latou te feoti lava i le toafa.”+ O lea ua lē toe iai lava se tane o i latou o ola, e na o Kalepo le atalii o Iefune ma Iosua le atalii o Nuno.+

27 Ona ō mai ai lea o afafine o Selofeata+ le atalii o Eferu, le atalii o Kiliata, le atalii o Makiro, le atalii o Manase mai i le aiga o Manase, le atalii o Iosefa. O igoa o ona afafine o Maala, o Noa, o Hakelu, o Meleka, ma Tiresa. 2 Ua latou tutū i luma o Mose ma Eleasaro le ositaulaga, ma luma foʻi o taʻitaʻi+ ma le faapotopotoga atoa, i le faitotoʻa o le faleʻie o le feiloaʻiga, ma ua latou faapea mai: 3 “Na oti si o matou tamā i le toafa, ae e leʻi iai o ia i ē na aufaatasi e tetee iā Ieova, o ē na lagolagoina Koru;+ na oti ona o lana lava agasala ae e leʻi maua ni ona atalii. 4 Aiseā ua aveesea ai le igoa o lo matou tamā mai i lona aiga ona ua leai ni ona atalii? Seʻi aumai so matou tofi faatasi ma uso o lo matou tamā.” 5 Ona tuuina atu lea e Mose o la latou mataupu i luma o Ieova.+

6 Ua fetalai mai Ieova iā Mose: 7 “E saʻo afafine o Selofeata. E ao lava ona e avatu iā i latou le tofi faatasi ma uso o lo latou tamā, ma tuu atu le tofi o lo latou tamā iā i latou.+ 8 Ia e fai atu foʻi i le fanauga a Isaraelu, ‘Afai e oti se tamāloa ae e leai sona atalii, ia outou faia ni fuafuaga e tuu atu le tofi i lona afafine. 9 Ae afai e leai sona afafine, ia outou tuu atu lona tofi i ona uso. 10 Ae afai e leai ni ona uso, ia outou tuu atu lona tofi i uso o lona tamā. 11 Ae afai e leai ni uso o lona tamā, ia outou tuu atu lona tofi i le tagata o lona aiga e sili ona latalata lana faiā iā te ia, ma e ave mo ia le tofi. Ia fai lenei mea ma tulafono e tusa ma iʻuga o faamasinoga mo le fanauga a Isaraelu, e pei ona poloaʻi mai ai Ieova iā Mose.’”

12 Ona fetalai mai lea o Ieova iā Mose: “Ia e alu aʻe i lenei mauga o Aperima,+ ma vaai atu i le laueleele o le a ou avatu i le fanauga a Isaraelu.+ 13 A e vaai i le laueleele, ona faatasia ai lea o oe ma ou tagata*+ e pei fo‘i o Arona lou uso,+ 14 talu ai ina ua finau mai le faapotopotoga iā te aʻu i le toafa o Tisina, na oulua fouvale i laʻu faatonuga ina ia faapaiaina aʻu i o latou luma e ala i le vai.+ O vai nei o Meripa+ i Katesa+ i le toafa o Tisina.”+

15 Ua faapea atu Mose iā Ieova: 16 “Ia tofia e Ieova, o le Atua o le ola o tagata uma,* se tane ina ia vaavaaia le faapotopotoga, 17 o lē e ulu atu ma toe sau i o latou luma, ma o lē e taʻitaʻia atu i latou ma toe aumai i latou, ina neʻi avea le faapotopotoga a Ieova e pei o ni mamoe ua leai se leoleo mamoe.” 18 Ona fetalai mai lea o Ieova iā Mose: “Ia e ave Iosua le atalii o Nuno, o ia o se tane ua agavaa,* ma faaee lou lima i ona luga.+ 19 Ia e faatū o ia i luma o Eleasaro le ositaulaga ma luma o le faapotopotoga atoa, ma ia e tofia o ia o se ta‘ita‘i a o latou vāai mai.+ 20 Ia e tuuina atu iā te ia se vaega o le pule o loo iā te oe,*+ ina ia faalogo ai le faapotopotoga atoa o le fanauga a Isaraelu iā te ia.+ 21 E tū foʻi o ia i luma o Eleasaro le ositaulaga, o lē e fesili atu mo ia e tusa ai ma le faamasinoga o le Urima+ i luma o Ieova. E latou te ō atu ona o lana faatonuga, e latou te ō mai foʻi ona o lana faatonuga, o ia atoa ma le fanauga uma a Isaraelu ua faatasi ma ia, ma le faapotopotoga atoa.”

22 Ona faia lea e Mose e pei ona poloaʻi mai ai Ieova iā te ia. Ua ia ave Iosua ma faatū o ia i luma o Eleasaro le ositaulaga, ma luma foʻi o le faapotopotoga atoa 23 ma faaee ona lima i ona luga ma tofia o ia o se ta‘ita‘i,+ e pei ona fetalai mai ai Ieova e ala iā Mose.+

28 Ua toe fetalai mai Ieova iā Mose: 2 “Ia e poloaʻi atu i le fanauga a Isaraelu, ma ia e faapea atu iā i latou, ‘Ia outou aumaia pea iā te aʻu o aʻu taulaga, o laʻu meaʻai. O aʻu taulaga ua faia i le afi, o se manogi lelei iā te aʻu,* e tatau ona fai i taimi ua atofaina.’+

3 “Ia e fai atu iā i latou, ‘O le taulaga lenei e tou te avatu iā Ieova ua faia i le afi: e lua tamaʻi mamoe poʻa e matuā lelei lava e taʻitasi tausaga, mo aso taʻitasi e fai ma taulaga mū faifai pea.+ 4 E te fai taulaga i le isi tamaʻi mamoe poʻa i le taeao, a o le isi tamaʻi mamoe poʻa e te fai taulaga ai i le afiafipō,*+ 5 e te avatu faatasi ma ia taulaga le taulaga i meaʻai,+ ua faia i le tasi vaesefulu o le efa* o le falaoamata lelei, ua liligi i ai le tasi vaefā o le sinu* o le suāuu olive ua tuʻia. 6 O le taulaga mū faifai pea,+ lea sa faavaeina i le mauga o Sinai o se manogi lelei,* o le taulaga iā Ieova ua faia i le afi, 7 faatasi ma taulaga i meainu, o le tasi vaefā o le sinu mo tamaʻi mamoe poʻa taʻitasi.+ Ia liligi atu le ʻava malosi i le mea paia e fai ma taulaga i meainu iā Ieova. 8 E te fai taulaga i le isi tamaʻi mamoe poʻa i le afiafipō.* E te faia faatasi foʻi ma le taulaga i meaʻai e pei ona faia i le taeao, e faapea foʻi i le taulaga i meainu, e te ofo atu o se taulaga ua faia i le afi, o se manogi lelei lea iā* Ieova.+

9 “‘Peitaʻi i le aso Sapati,+ ia e ofo atu ni tamaʻi mamoe poʻa se lua e taʻitasi tausaga e matuā lelei lava, ma le lua vaesefulu o le efa o le falaoamata lelei ua iai sina suāuu e fai ma taulaga i meaʻai, faatasi ma le taulaga i meainu. 10 O le taulaga mū lea mo le Sapati, faatasi ma le taulaga mū faifai pea ma taulaga i meainu.+

11 “‘I le amataga o masina ta‘itasi,* ia outou aumaia ni tamaʻi povi poʻa se lua, o le mamoe poʻa e tasi, ma tamaʻi mamoe poʻa e fitu e matuā lelei lava e taʻitasi tausaga, e fai ai le taulaga mū iā Ieova,+ 12 ma le tolu vaesefulu o le efa o le falaoamata lelei ua iai sina suāuu e fai ma taulaga i meaʻai+ mo povi poʻa taʻitasi, ma le lua vaesefulu o le efa o le falaoamata lelei ua iai sina suāuu, e fai ma taulaga i meaʻai mo le mamoe poʻa e tasi,+ 13 ma le tasi vaesefulu o le efa o le falaoamata lelei ua iai sina suāuu, e fai ma taulaga i meaʻai mo tamaʻi mamoe poʻa taʻitasi, e fai ai le taulaga mū, o se manogi lelei lea,*+ o se taulaga iā Ieova ua faia i le afi. 14 O taulaga i meainu e tatau ona iai le ʻafa o le sinu o le uaina mo se povi poʻa,+ o le tasi vaetolu o le sinu mo le mamoe poʻa,+ ma le tasi vaefā o le sinu mo le tamaʻi mamoe poʻa.+ O le taulaga mū lenei i masina taʻitasi i masina uma o le tausaga. 15 E ao foʻi ona fai le taulaga i le tamaʻi ʻoti e tasi, e fai ma taulaga o agasala iā Ieova e ese mai i le taulaga mū faifai pea lea e fai faatasi ma le taulaga i meainu.

16 “‘O le masina muamua, i le aso lona 14 o le masina, e fai ai le Paseka a Ieova.+ 17 E fai le tausamiga i le aso 15 o lea masina. E ʻai ai falaoa e lē faafefeteina mo aso e fitu.+ 18 O le aso muamua e fai ai le tauaofiaga paia. Aua tou te faia ai ni galuega mamafa. 19 E tou te aumaia tamaʻi povi poʻa e lua, o le mamoe poʻa e tasi ma tamaʻi mamoe poʻa e fitu e taʻitasi tausaga, ina ia fai ai ni taulaga i le afi, o le taulaga mū lea iā Ieova. E ao ona outou avatu manu ua matuā lelei lava.+ 20 E ao ona outou avatu faatasi ma na manu taulaga i meaʻai, o le falaoamata lelei ua iai sina suāuu,+ o le tolu vaesefulu o le efa mo le povi poʻa, ma le lua vaesefulu o le efa mo le mamoe poʻa. 21 E te avatu le tasi vaesefulu o le efa mo tamaʻi mamoe poʻa taʻitasi e fitu, 22 ma le ʻoti e tasi e fai ai le taulaga o agasala ina ia fai ma togisala mo outou. 23 E tou te fai taulaga i ia mea e ese mai i le taulaga mū o le taeao, lea e fai ma taulaga mū faifai pea. 24 O le auala lava lea e tou te fai ai le taulaga i ia mea i aso taʻitasi mo aso e fitu o meaʻai* ia, o le taulaga ua faia i le afi, o se manogi lelei lea iā* Ieova. E ao ona avatu faatasi ma le taulaga mū faifai pea atoa ai ma le taulaga i meainu. 25 E ao ona outou faia se tauaofiaga paia i le aso lona fitu.+ Aua tou te faia ai ni galuega mamafa.+

26 “‘I le aso o uluaʻi fua ua matutua,+ pe a outou avatu a outou taulaga i meaʻai fou iā Ieova,+ e ao ona outou faia se tauaofiaga paia i la outou tausamiga o vaiaso.+ Aua tou te faia ai ni galuega mamafa.+ 27 E tou te avatu ni tamaʻi povi poʻa se lua, o se mamoe poʻa e tasi, ma tamaʻi mamoe poʻa e fitu e taʻitasi tausaga, e fai ai le taulaga mū, o se manogi lelei lea iā* Ieova,+ 28 ma o taulaga i meaʻai e avatu faatasi ma ia manu, o le tolu vaesefulu o le efa o le falaoamata lelei ua iai sina suāuu mo povi poʻa taʻitasi, o le lua vaesefulu o le efa mo le mamoe poʻa e tasi, 29 o le tasi vaesefulu o le efa mo tamaʻi mamoe poʻa taʻitasi o tamaʻi mamoe poʻa e fitu, 30 atoa ma le tama‘i ʻoti e tasi e fai ai le togisala mo outou.+ 31 E tou te faia ia taulaga e ese mai i taulaga mū faifai pea ma taulaga i meaʻai. E ao ona matuā lelei lava ia manu,+ atoa ai ma taulaga i meainu.

29 “‘E ao ona outou faia se tauaofiaga paia i le aso muamua o le masina lona fitu. Aua neʻi outou faia ai ni galuega mamafa.+ O le aso lea e tou te iliina ai pū.+ 2 E tou te faia se taulaga mū i le tamaʻi povi poʻa e tasi, o le mamoe poʻa e tasi, o tama‘i mamoe poʻa e fitu e taʻitasi tausaga, e matuā lelei uma lava, o se manogi lelei lea iā* Ieova, 3 ma le taulaga i meaʻai e avatu faatasi ma ia manu, o le falaoamata lelei ua iai sina suāuu, o le tolu vaesefulu o le efa mo le povi poʻa, o le lua vaesefulu o le efa mo le mamoe poʻa, 4 ma le tasi vaesefulu o le efa mo tamaʻi mamoe poʻa taʻitasi e fitu, 5 ma le tama‘i ʻoti po‘a e tasi e fai ai le taulaga o agasala ina ia fai ma togisala mo outou. 6 O lenei taulaga e ese mai i le taulaga mū faalemasina ma le taulaga i meaʻai,+ o le taulaga mū faifai pea ma le taulaga i meaʻai,+ faatasi ma taulaga i meainu,+ e tusa ma faiga masani mo ia mea, o se manogi lelei,* o le taulaga iā Ieova ua faia i le afi.

7 “‘E ao ona outou faia se tauaofiaga paia i le aso lona sefulu o lea masina lona fitu,+ ma e ao ona outou faapuapuagatia* ai iā te outou. Aua neʻi outou faia ai ni galuega.+ 8 E tou te avatua se taulaga mū iā Ieova, o se manogi lelei lea,* o se tamaʻi povi poʻa e tasi, o se mamoe poʻa e tasi, ma tamaʻi mamoe poʻa e fitu e taʻitasi tausaga, e matuā lelei uma lava ia manu.+ 9 O le taulaga i meaʻai mo ia taulaga, o le tolu vaesefulu o le efa o le falaoamata lelei ua iai sina suāuu mo le povi poʻa, o le lua vaesefulu o le efa mo le mamoe poʻa e tasi, 10 ma le tasi vaesefulu o le efa mo tamaʻi mamoe poʻa taʻitasi e fitu, 11 atoa ma le tamaʻi ʻoti e tasi e fai ai le taulaga o agasala, e ese mai i le taulaga o agasala o le togisala+ ma le taulaga mū faifai pea ma le taulaga i meaʻai, atoa ai ma taulaga i meainu.

12 “‘E ao ona outou faia se tauaofiaga paia i le aso lona 15 o le masina lona fitu. Aua neʻi outou faia ai ni galuega mamafa, ma e ao ona outou faamanatu se tausamiga iā Ieova i aso e fitu.+ 13 E tou te avatu ni tamaʻi povi poʻa e 13, o mamoe poʻa e 2, o tamaʻi mamoe poʻa e 14 e taʻitasi tausaga e faia ai le taulaga mū,+ o le taulaga ua faia i le afi, o se manogi lelei lea iā* Ieova, e matuā lelei uma lava ia manu.+ 14 O le taulaga i meaʻai mo ia taulaga, o le tolu vaesefulu o le efa o le falaoamata lelei ua iai sina suāuu mo povi poʻa taʻitasi e 13, o le lua vaesefulu o le efa mo mamoe poʻa taʻitasi e 2, 15 ma le tasi vaesefulu o le efa mo tamaʻi mamoe poʻa taʻitasi e 14, 16 atoa ma le tamaʻi ʻoti e tasi e fai ai le taulaga o agasala, e ese mai i le taulaga mū faifai pea ma le taulaga i meaʻai, atoa ai ma le taulaga i meainu.+

17 “‘Ia outou avatu i le aso lona lua o tamaʻi povi poʻa e 12, o mamoe poʻa e 2, o tamaʻi mamoe poʻa e 14 e taʻitasi tausaga, e matuā lelei uma lava,+ 18 atoa ma le taulaga i meaʻai ma taulaga i meainu mo povi poʻa, o mamoe poʻa ma tamaʻi mamoe poʻa e tusa ma le aofaʻi o ia manu, e tusa fo‘i ma faiga masani, 19 atoa ma le tamaʻi ʻoti e tasi e fai ai le taulaga o agasala, e ese mai i le taulaga mū faifai pea ma le taulaga i meaʻai, atoa ai ma taulaga i meainu.+

20 “‘Ae ia outou avatu i le aso lona tolu o povi poʻa e 11, o mamoe poʻa e 2, o tamaʻi mamoe poʻa e 14 e taʻitasi tausaga, e matuā lelei uma lava,+ 21 atoa ma le taulaga i meaʻai ma taulaga i meainu mo povi poʻa, o mamoe poʻa ma tamaʻi mamoe poʻa e tusa ma le aofaʻi o ia manu, e tusa fo‘i ma faiga masani, 22 atoa ma le ʻoti e tasi e fai ai le taulaga o agasala, e ese mai i le taulaga mū faifai pea ma le taulaga i meaʻai, atoa ai ma le taulaga i meainu.+

23 “‘Ae ia outou avatu i le aso lona fā o povi poʻa e 10, o mamoe poʻa e 2, o tamaʻi mamoe poʻa e 14 e taʻitasi tausaga, e matuā lelei uma lava,+ 24 atoa ma le taulaga i meaʻai ma taulaga i meainu mo povi poʻa, o mamoe poʻa ma tamaʻi mamoe poʻa e tusa ma le aofaʻi o ia manu, e tusa fo‘i ma faiga masani, 25 atoa ma le tamaʻi ʻoti e tasi e fai ai le taulaga o agasala, e ese mai i le taulaga mū faifai pea ma le taulaga i meaʻai, atoa ai ma le taulaga i meainu.+

26 “‘Ae ia outou avatu i le aso lona lima o povi poʻa e 9, o mamoe poʻa e 2, o tamaʻi mamoe poʻa e 14 e taʻitasi tausaga, e matuā lelei uma lava,+ 27 atoa ma le taulaga i meaʻai ma taulaga i meainu mo povi poʻa, o mamoe poʻa ma tamaʻi mamoe poʻa e tusa ma le aofaʻi o ia manu, e tusa fo‘i ma faiga masani, 28 atoa ma le ʻoti e tasi e fai ai le taulaga o agasala, e ese mai i le taulaga mū faifai pea ma le taulaga i meaʻai, atoa ai ma le taulaga i meainu.+

29 “‘Ae ia outou avatu i le aso lona ono o povi poʻa e 8, o mamoe poʻa e 2, o tamaʻi mamoe poʻa e 14 e taʻitasi tausaga, e matuā lelei uma lava,+ 30 atoa ma le taulaga i meaʻai ma taulaga i meainu mo povi poʻa, o mamoe poʻa ma tamaʻi mamoe poʻa e tusa ma le aofaʻi o ia manu, e tusa fo‘i ma faiga masani, 31 atoa ma le ʻoti e tasi e fai ai le taulaga o agasala, e ese mai i le taulaga mū faifai pea ma le taulaga i meaʻai, atoa ai ma taulaga i meainu.+

32 “‘Ae ia outou avatu i le aso lona fitu o povi poʻa e 7, o mamoe poʻa e 2, o tamaʻi mamoe poʻa e 14 e taʻitasi tausaga, e matuā lelei uma lava,+ 33 atoa ma le taulaga i meaʻai ma taulaga i meainu mo povi poʻa, o mamoe poʻa ma tamaʻi mamoe poʻa e tusa ma le aofaʻi o ia manu, e tusa ma faiga masani mo ia mea, 34 atoa ma le ʻoti e tasi e fai ai le taulaga o agasala, e ese mai i le taulaga mū faifai pea ma le taulaga i meaʻai, atoa ai ma le taulaga i meainu.+

35 “‘E ao ona outou faia se fonotaga paia i le aso lona valu. Aua neʻi o outou faia ai ni galuega mamafa.+ 36 E tou te avatu se povi poʻa e tasi, o se mamoe poʻa e tasi, o tamaʻi mamoe poʻa e fitu e taʻitasi tausaga, e matuā lelei uma lava,+ e fai ai le taulaga mū, o le taulaga ua faia i le afi, o se manogi lelei lea iā* Ieova, 37 atoa ma le taulaga i meaʻai ma taulaga i meainu mo le povi poʻa, o le mamoe poʻa ma tamaʻi mamoe poʻa e tusa ma le aofaʻi o ia manu, e tusa foʻi ma faiga masani, 38 atoa ma le ʻoti e tasi e fai ai le taulaga o agasala, e ese mai i le taulaga mū faifai pea ma le taulaga i meaʻai, atoa ai ma le taulaga i meainu.+

39 “‘O mea ia tou te fai taulaga ai iā Ieova i aso o o outou tausamiga,+ e ese mai i a outou taulaga o tautoga+ ma a outou taulaga tauofo+ e fai ma a outou taulaga mū,+ o a outou taulaga i meaʻai,+ o a outou taulaga i meainu,+ ma a outou taulaga faifaatasi.’”+ 40 Ona taʻu atu lea e Mose i le fanauga a Isaraelu o mea uma na poloaʻi mai ai Ieova iā te ia.

30 Ua fai atu Mose i ulu+ o ituaiga o Isaraelu e faapea: “O fetalaiga nei ua poloaʻi mai ai Ieova: 2 Afai e faia e se tamāloa se tautoga+ iā Ieova pe e tautō i se tautoga+ e faafitia ai se mea ma ua noanoatia ai o ia, e lē tatau ona ia solia ana upu.+ E ao ona ia faia o mea uma ua ia tautō e fai.+

3 “Afai e tautō se fafine iā Ieova po ua noanoatia o ia i se tautoga e faafitia se mea, a o teine muli o ia ma nofo i le aiga o lona tamā, 4 ma a faalogo lona tamā i lana tautoga po o lana tautoga lea ua noanoatia ai o ia e faafitia ai se mea, ae e lē tetee atu lona tamā i ana tautoga, e tumau ana tautoga uma, atoa ma ana tautoga uma ua noanoatia ai o ia e faafitia ai se mea, e tumau pea ia. 5 Peitaʻi, afai e vavao e lona tamā o ia pe a faalogo i ana tautoga po o ana tautoga ua noanoatia ai o ia e faafitia ai se mea, e lē tumau ia. E faamagaloina o ia e Ieova, ona ua vavao o ia e lona tamā.+

6 “Peita‘i, afai e faaipoipo o ia i se tane, ae o loo noanoatia o ia i sana tautoga po o se folafolaga na ia faia e aunoa ma le mafaufau i ai lea ua noanoatia ai o ia, 7 ma e faalogo i ai lana tane ma e lē tetee lana tane i le aso ua faalogo ai i ana tautoga, e tumau ana tautoga, e tumau foʻi ana tautoga ua noanoatia ai o ia e faafitia ai se mea. 8 Ae afai e vavao o ia e lana tane i le aso ua faalogo ai, e mafai ona faalēaogāina e lana tane lana tautoga ua fai, po o le folafolaga ua ia faia e aunoa ma le mafaufau i ai lea ua noanoatia ai o ia,+ ma e faamagaloina o ia e Ieova.

9 “Ae afai e fai e se fafine ua oti lana tane po o se fafine ua teteʻa ma lana tane se tautoga, e tumau ona noanoatia o ia e tusa ma mea uma ua ia tautō i ai.

10 “Peita‘i, afai ua tautō se fafine po ua tautō i se tautoga ua noanoatia ai o ia e faafitia ai se mea ae o loo i le fale o lana tane, 11 ma ua faalogo i ai lana tane ae ua lē tetee pe vavao e lana tane o ia, e tumau ana tautoga uma, po o ana tautoga ua noanoatia ai o ia e faafitia ai se mea. 12 Ae afai e matuā faalēaogāina e lana tane i le aso ua faalogo ai i ana tautoga, o so o sana tautoga na fai po o se tautoga e faafitia ai se mea, e lē tumau ia.+ Ua faalēaogāina e lana tane ana tautoga ma e faamagaloina o ia e Ieova. 13 E tusa ai o so o se taʻutinoga po o so o se tautoga e faafitia ai se mea,* e ao i lana tane ona faatumauina pe faalēaogāina ia tautoga. 14 Ae afai e lē tetee lava i ai le tane i lea aso ma lea aso, ua ia faatumauina fo‘i tautoga uma a le avā po o ana tautoga uma ua noanoatia ai o ia e faafitia se mea. Ua faatumauina e le tane ia tautoga, auā ua ia lē tetee i le aso na ia faalogo o faia ai e lana avā ia tautoga. 15 Ae afai ua ia faalēaogāina mulimuli ane ia tautoga pe a mavae le aso na ia faalogo i ai, e nofosala o ia i le sala a lana avā.+

16 “O tuutuuga ia ua poloaʻi mai ai Ieova iā Mose e faatatau i se tane ma lana avā, e faatatau fo‘i i se tamā ma lona afafine a o teine muli o ia ma nofo i le aiga o lona tamā.”

31 Ona fetalai mai lea o Ieova iā Mose: 2 “Ia faaoo atu le tauimasui+ i tagata Mitiana+ ona o le fanauga a Isaraelu. Mulimuli ane e faatasia atu oe i ou tagata.”*+

3 Ua fai atu Mose i le nuu e faapea: “Ia faaauupegaina ni tamāloloa mai iā te outou mo le taua* ina ia latou faasagatau iā Mitiana, ma faaoo le tauimasui a Ieova iā Mitiana. 4 Ia e aauina atu le toʻa 1,000 mai i ituaiga taʻitasi o ituaiga uma o Isaraelu ina ia ō atu e tau.” 5 Ona saunia lea o le toʻa 1,000 mai i ituaiga taʻitasi mai i le faitau afe o Isaraelu,+ e toʻa 12,000 ua faaauupegaina mo le taua.*

6 Ona aauina atu lea o i latou e Mose e ta‘itoʻaafe mai i ituaiga taʻitasi e ō i le taua, atoa ma Fineaso+ le atalii o Eleasaro le ositaulaga mo le ‘autau, ua i lona lima foʻi o mea paia ma pū mo le taua.+ 7 Ua latou tau ma Mitiana e pei ona poloaʻi mai ai Ieova iā Mose, ma ua latou fasiotia tane uma lava. 8 E aofia ai i ē na latou fasiotia o tupu o Mitiana, o Evi, o Rekima, o Suro, o Huro, ma Repa, o tupu ia e toʻalima o Mitiana. Ua latou fasiotia foʻi i le pelu o Palaamo+ le atalii o Peoro. 9 Ae ua ave faapagota e tagata Isaraelu o fafine Mitiana ma a latou fanau. Ua latou faoa foʻi a latou manu lalata uma, o lafumanu uma, ma a latou oloa uma. 10 Ua latou susunuina i le afi o latou aai uma na latou nonofo ai, ma o latou togālauapi uma.* 11 Ua latou ave le vete* uma ma mea uma na faoa, o tagata atoa foʻi ma manu. 12 Ona latou aumaia lea o pagota, o mea na faoa, ma le vete iā Mose ma Eleasaro le ositaulaga, ma le faapotopotoga o le fanauga a Isaraelu, i le togālauapi i le fanua laugatasi o le toafa o Moapi,+ e lata ane i Ioritana e faafesagaʻi ma Ieriko.

13 Ona ō atu lea o Mose ma Eleasaro le ositaulaga, ma taʻitaʻi uma o le faapotopotoga, e feiloaʻi ma i latou i tua o le togālauapi. 14 Ae ua matuā ita Mose i tamāloloa ua tofia o le ʻautau, o taʻitaʻi o le taʻitoʻaafe ma taʻitaʻi o le taʻitoʻaselau o ē na ō mai i le taua. 15 Ona fai atu lea o Mose iā i latou: “Po ua outou faasaoina fafine uma? 16 Vaai outou! O i latou ia na faapogaia ai le lē faamaoni+ o le fanauga a Isaraelu iā Ieova, ona o le tala a Palaamo, e tusa ai ma le mataupu iā Peoro,+ ma na oo mai ai le mala i le faapotopotoga a Ieova.+ 17 Ia fasiotia loa tama tama uma mai i tamaiti, ma fasiotia fafine uma na feusuaʻi ma ni tamāloloa. 18 Ae ia faasao teine muli uma e leʻi feusua‘i ma ni tamāloloa.+ 19 Ia outou nonofo i tua o le togālauapi mo aso e fitu. O outou uma na fasiotia se tasi, ma outou uma na paʻi i se isi ua fasiotia,+ e ao ona outou faamamā iā te outou+ i le aso lona tolu ma le aso lona fitu, o outou ma a outou pagota. 20 Ia outou faamamāina ofu uma, o mea uma e faia i paʻu, o mea uma e faia i fulufulu ʻoti, ma mea uma e faia mai i laau.”

21 Ua fai atu foʻi Eleasaro le ositaulaga, i tamāloloa o le ʻautau o ē na ō atu i le taua: “O le tulafono lenei na poloaʻi mai ai Ieova iā Mose, 22 ‘Tau lava o le auro, o le siliva, o le ʻapamemea, o uʻamea, o ʻapa ma pulu,* 23 o mea uma e lē mū i le afi, e ao ona outou tuu i le afi ina ia faamamā ai. Peita‘i, e ao foʻi ona faamamāina i le vai.+ O mea uma e mū i le afi, e ao ona outou tuu i le vai. 24 E ao ona outou tatā o outou ofu i le aso lona fitu ma ia mamā ai, ona mafai ai lea ona outou ō mai i le togālauapi.’”+

25 Ona fetalai mai lea o Ieova iā Mose: 26 “Ia faitau le aofaʻi o mea na faoa, o tagata na ave faapagota, atoa foʻi ma manu; ia faia lenei mea faatasi ma Eleasaro le ositaulaga, ma ulu o aiga o le faapotopotoga. 27 Ia e vaevae mea na faoa i ni vaega se lua, iā i latou na auai i le taua ma le faapotopotoga atoa.+ 28 Ina ia fai ma lafoga mo Ieova, e ao ona e aumai mai i fitafita na ō atu i le taua, le tagata e toʻatasi mai i tagata e toʻa 500, ma le manu e tasi mai i povi e 500 ma asini ma mamoe. 29 E ao ona e aumaia ia mai i la latou vaega, ma avatu iā Eleasaro le ositaulaga, e fai ma foaʻi iā Ieova.+ 30 E ao ona e aumaia mai i le vaega na avatu i le fanauga a Isaraelu le tagata e toʻatasi mai i tagata e toʻa 50, ma le manu e tasi mai i povi e 50, o asini ma mamoe, ma manu lalata eseese, ma avatu ia i le ʻau sa Levī,+ o ē o loo tausia tiute tauave i le faleʻie paia o Ieova.”+

31 Ua faia e Mose ma Eleasaro le ositaulaga, e pei ona poloaʻi mai ai Ieova iā Mose. 32 O le vete, o mea na totoe o mea na faoa e tagata i le taua, e 675,000 mamoe, 33 e 72,000 povi, 34 ma asini e 61,000. 35 O le aofaʻi o fafine e leʻi feusua‘i ma ni tamāloloa,+ e to‘a 32,000. 36 O le vaega ua fai mo i latou na ō atu i le taua, e tusa ma le 337,500 mamoe. 37 O le lafoga mo Ieova mai i mamoe, e 675. 38 E 36,000 le aofaʻi o povi, ma o le lafoga mo Ieova mai i ia manu e 72. 39 E 30,500 asini, ma o le lafoga mo Ieova mai i ia manu e 61. 40 E 16,000 le aofaʻi o tagata, ma o le lafoga mo Ieova mai i ia tagata e toʻa 32 tagata. 41 Ona avatu lea e Mose o le lafoga e fai ma foaʻi mo Ieova iā Eleasaro le ositaulaga,+ e pei ona poloaʻi mai ai Ieova iā Mose.

42 O mea nei mai i le vaega a le fanauga a Isaraelu, lea na vaea e Mose mai i mea a tagata na ō i le taua: 43 o mamoe e 337,500, 44 o povi e 36,000, 45 o asini e 30,500, 46 ma tagata e toʻa 16,000. 47 Ona avatu lea e Mose mai i le vaega a le fanauga a Isaraelu, le tagata e toʻatasi mai i tagata e toʻa 50, ma le manu e tasi mai i manu e 50, ma ua avatu ai i le ʻau sa Levī,+ o ē o loo tausia tiute tauave i le faleʻie paia o Ieova,+ e pei ona poloaʻi mai ai Ieova iā Mose.

48 Ua faalatalata mai iā Mose tane ua tofia e taʻitaʻia vaega* o le ʻautau,+ o taʻitaʻi ia o le taʻitoʻaafe ma taʻitaʻi o le taʻitoʻaselau, 49 ma ua latou fai mai iā Mose: “Ua faitauina e au auauna le aofaʻi o tamāloloa o le taua na iai i la matou vaavaaiga, ma e leai se isi ua leiloa mai iā i matou.+ 50 Seʻi o matou taʻitasi ma avatu mea ua maua e le tagata lava ia e fai ma foaʻi iā Ieova, o teuga o auro, o tauvae filifili, o taulima, o mama, o tautaliga, ma isi teuga, ina ia fai ai le togisala mo i matou i luma o Ieova.”

51 Ona talia lea e Mose ma Eleasaro le ositaulaga, o auro uma mai iā i latou ma teuga uma. 52 O auro uma o le foaʻi ua latou avatu iā Ieova, e 16,750 sekeli,* o mea ia mai i taʻitaʻi o le taʻitoʻaafe ma taʻitaʻi o le taʻitoʻaselau. 53 Ua taʻitasi ma ave e tamāloloa o le ʻautau o mea ua faoa mo ia lava. 54 Ona talia lea e Mose ma Eleasaro le ositaulaga, o auro mai i taʻitaʻi o le taʻitoʻaafe ma taʻitaʻi o le taʻitoʻaselau, ma avatu na mea i totonu o le faleʻie o le feiloaʻiga, e fai ma faamanatuga mo le fanauga a Isaraelu i luma o Ieova.

32 Ua matuā tele lava lafumanu a atalii o Reupena+ ma atalii o Kato,+ ma ua latou vaavaai atu foʻi i le laueleele o Iasaru+ ma le laueleele o Kiliata, o ni laufanua lelei mo lafumanu. 2 Ona ō mai lea o atalii o Kato ma atalii o Reupena ma faapea mai iā Mose ma Eleasaro le ositaulaga ma taʻitaʻi o le faapotopotoga: 3 “O Atarota, o Tipona, o Iasaru, o Nimara, o Hesepona,+ o Eleale, o Sepema, o Nepo,+ ma Peona,+ 4 o le laufanua lea na faatoʻilaloina e Ieova i luma o le faapotopotoga o Isaraelu,+ o le laufanua e lelei mo lafumanu, ma o loo tele lafumanu+ a au auauna.” 5 Ua latou faapea atili mai: “Afai e te fiafia iā i matou, ia tuu mai lenei laufanua i au auauna e fai mo i matou. Aua neʻi tuua i matou e sopoʻia Ioritana.”

6 Ona faapea atu lea o Mose i atalii o Kato ma atalii o Reupena: “Pe e ō ea o outou uso i le taua a o outou nonofo pea i inei? 7 Aiseā e tou te faalotovaivai ai i le fanauga a Isaraelu mai i le ō atu i le laueleele e mautinoa e avatu e Ieova iā i latou? 8 O le mea lenā na faia e o outou tamā ina ua ou aauina atu i latou mai i Katesa-panea e mataʻi le laueleele.+ 9 Ina ua latou ō aʻe i le vanu* o Esekolo+ ma vāai atu ai i le laueleele, ona latou faalotovaivai ai lea o le fanauga a Isaraelu, ina ia aua neʻi ō atu i le laueleele lea o le a avatu e Ieova iā i latou.+ 10 Ona matuā toʻasā ai lea o Ieova i lenā aso ma tautō+ mai e faapea, 11 ‘O le a lē vāai tane na ō mai mai i Aikupito e 20 tausaga agaʻi i luga le matutua, i le laueleele+ lea na ou tautō atu ai iā Aperaamo, Isaako, ma Iakopo,+ auā ua latou lē mulimuli mai iā te aʻu ma o latou lotoatoa, 12 seʻi vaganā ai Kalepo+ le atalii o Iefune le tagata Kinasa ma Iosua+ le atalii o Nuno, auā ua la mulimuli iā Ieova ma le lotoatoa.’+ 13 Ona matuā toʻasā ai lea o Ieova iā Isaraelu ma ia tuu ai i latou e feofeoaʻi solo i le toafa mo le 40 tausaga,+ seʻia feoti le tupulaga atoa na faia mea leaga i le silafaga a Ieova.+ 14 A o lenei o outou o tagata agasala, ua outou faia le mea na faia e o outou tamā ma atili toʻasā tele ai Ieova iā Isaraelu. 15 Afai tou te liliuese mai i le mulimuli iā te ia, e mautinoa e na te toe tuua i latou i le toafa, ma e tou te faapogaia mea leaga e oo i lenei nuu.”

16 Mulimuli ane, ua latou ō atu iā te ia ma faapea mai: “Ia tuu mai i matou seʻi fausia i inei ni pā maa mo lafumanu ma ni aai mo a matou fanau. 17 Ae o le a matou sauni pea mo le taua,+ ma ō muamua i luma o le fanauga a Isaraelu seʻia matou avatu i latou i lo latou laueleele, ae e nonofo a matou fanau i aai malupuipuia e saogalemu ai mai i tagata o le atunuu. 18 E matou te lē toe foʻi i o matou aiga seʻiloga ua maua e le fanauga a Isaraelu o latou fanua, e taʻitasi ma lona lava tofi.+ 19 Auā e lē maua so matou tofi faatasi ma i latou i le isi itu o Ioritana ma tala atu, ona e maua lo matou tofi i le itu i sasa‘e o Ioritana.”+

20 Ona tali atu lea o Mose iā i latou: “Afai tou te sauni mo le taua i luma o Ieova,+ 21 ma afai e tou te sauni uma mo le taua ma sopoʻia Ioritana i luma o Ieova, a o ia tuliesea ona fili mai i ona luma+ 22 se‘ia faatoʻilaloina le atunuu i luma o Ieova,+ a mavae lea, ona outou toe foʻi mai lea+ ma saʻoloto ai mai i le nofosala i luma o Ieova ma Isaraelu. Ona fai lea mo outou tofi lenei laueleele i luma o Ieova.+ 23 Ae afai tou te lē faia faapea, o le a outou agasala iā Ieova. Afai o lea, ia outou iloa e tuliloaina lava outou e a outou agasala. 24 O lea, ia outou fausia aai mo a outou fanau, ma ni pā maa mo a outou lafumanu,+ ae ia outou faia mea ua outou folafola mai.”

25 Ona faapea mai ai lea o atalii o Kato ma atalii o Reupena iā Mose: “O le a faia e au auauna mea uma ua poloaʻi mai ai lo matou alii. 26 E nonofo i aai o Kiliata a matou fanau, o a matou avā, o a matou lafumanu, ma a matou manu lalata uma,+ 27 ae o le a sopoʻia le isi itu e au auauna o ē uma ua sauni e tau le taua i luma o Ieova,+ e pei ona fai mai ai lo matou alii.”

28 Ua taʻu atu e Mose le poloaʻiga e faatatau iā i latou iā Eleasaro le ositaulaga, ma Iosua le atalii o Nuno, ma ulu o aiga o ituaiga o le fanauga a Isaraelu. 29 Ua fai atu Mose iā i latou: “Afai e sopoʻia e atalii o Kato ma atalii o Reupena Ioritana faatasi ma outou, o i latou uma ua sauni mo le taua i luma o Ieova, ma e faatoʻilaloina le atunuu i o outou luma, ona outou avatu lea e fai mo latou le laueleele o Kiliata.+ 30 Ae afai e latou te lē sauni mo le taua ma sopoʻia le isi itu faatasi ma outou, ona latou nonofo faatasi lea ma outou i le laueleele o Kanana.”

31 Ona tali mai ai lea o atalii o Kato ma atalii o Reupena: “O mea ua fetalai mai ai Ieova i au auauna, o mea ia matou te faia. 32 O le a matou sauni mo le taua ma sopoʻia le isi itu i luma o Ieova i le laueleele o Kanana,+ ae e fai ma o matou tofi fanua i lenei itu o Ioritana.” 33 Ona avatu lea e Mose iā i latou, o atalii ia o Kato ma atalii o Reupena+ ma le ʻafa o le ituaiga o Manase+ le atalii o Iosefa, o le malo o Sekono+ le tupu o tagata Amorī ma le malo o Oko+ le tupu o Vasana, o le laueleele ma aai o ia vaipanoa ma aai o le laueleele ua si‘omia ai lea mea.

34 Ua fausia* e atalii o Kato o Tipona,+ o Atarota,+ o Aroeru,+ 35 o Atirota-sofano, o Iasaru,+ o Iakepea,+ 36 o Pete-nimara,+ ma Pete-arana,+ o aai malupuipuia, ma ua latou fausia pā maa mo lafumanu. 37 Ua fausia e atalii o Reupena o Hesepona,+ o Eleale,+ o Kiriataima,+ 38 o Nepo,+ o Paala-meona+ (ua suia igoa o ia aai), ma Sepena; ona latou toe faaigoa lea o aai na latou toe fausia.

39 Ona ō atu ai lea i Kiliata o atalii o Makiro+ le atalii o Manase, ma ua latou faatoʻilaloina Kiliata ma tutuliese tagata Amorī sa iai i lea atunuu. 40 Ona foaʻi atu lea e Mose o Kiliata* iā Makiro le atalii o Manase ma ua ia nofo ai i inā.+ 41 Ua alu atu Iairo le atalii o Manase ma faatoʻilaloina nuu e nonofo i fale‘ie, ma ua ia faaigoa foʻi o Havota-iairo.*+ 42 Ua alu atu Nopa ma faatoʻilaloina Kinata ma ona tamaʻi aai, ma ua ia faaigoa foʻi i ai i lona lava igoa o Nopa.

33 O faigāmalaga ia a le fanauga a Isaraelu ina ua ō ese mai i le atunuu o Aikupito+ e tusa ma a latou ʻautau,+ i le taʻitaʻiga a Mose ma Arona.+ 2 O le faatonuga a Ieova na faamauina ai e Mose nofoaga na ō ese mai ai a latou faigāmalaga, ma o a latou faigāmalaga nei mai i le tasi nofoaga i le isi nofoaga:+ 3 Na latou ō ese mai i Ramese+ i le masina muamua, i le aso lona 15 o lea masina.+ O le aso na sosoo ma le Paseka,+ na ō ese ai le fanauga a Isaraelu ma le lototetele* mai i luma o tagata Aikupito uma. 4 O le taimi foʻi lea, na tatanu ai e tagata Aikupito ulumatua uma na faaumatia e Ieova,+ auā na faaoo e Ieova faasalaga i o latou atua.+

5 Ona ō ese lea o le fanauga a Isaraelu mai i Ramese ma ō atu ma nonofo i faleʻie i Sukota.+ 6 Na latou ō ese mai i Sukota ma ō atu ma nonofo i faleʻie i Etama,+ o loo i le faatausiʻusiʻuga o le toafa. 7 Na latou ō ese mai i Etama ma toe foʻi i Peairota, lea e faafesagaʻi ma Paala-sefona,+ ona latou nonofo ai lea i faleʻie i luma o Mekatala.+ 8 Mulimuli ane, ona latou ō ese lea mai i Peairota ma sopoʻia le sami+ agaʻi i le toafa,+ ma malaga pea mo aso e tolu i le toafa o Etama+ ma latou nonofo ai i faleʻie i Mara.+

9 Na latou ō ese mai i Mara ma taunuu atu i Ailima. Ua iai i Ailima o vaipuna e 12 ma laau o le pama e 70, ona latou nonofo ai lea i inā i faleʻie.+ 10 Na latou ō ese mai i Ailima ma ō atu ma nonofo i faleʻie i tala ane o le Sami Ulaula. 11 Mulimuli ane, ona latou ō ese lea mai i le Sami Ulaula ma ō atu ma nonofo i faleʻie i le toafa o Sina.+ 12 Na latou ō ese mai i le toafa o Sina ma ō atu ma nonofo i faleʻie i Tapeka. 13 Mulimuli ane, na latou ō ese mai i Tapeka ma ō atu ma nonofo i faleʻie i Alusa. 14 Na latou ō ese mai i Alusa ma ō atu ma nonofo i faleʻie i Refiti,+ ma sa leai se vai i inā e feinu ai tagata. 15 Mulimuli ane, ona latou ō ese lea mai i Refiti ma ō atu ma nonofo i faleʻie i le toafa o Sinai.+

16 Na latou ō ese mai i le toafa o Sinai ma ō atu ma nonofo i faleʻie i Kiperota-atava.+ 17 Mulimuli ane, ona latou ō ese lea mai i Kiperota-atava ma ō atu ma nonofo i faleʻie i Haserota.+ 18 Na latou ō ese mai i Haserota ma ō atu ma nonofo i faleʻie i Ritima. 19 Na latou ō ese mai i Ritima ma ō atu ma nonofo i faleʻie i Rimoni-paresa. 20 Na latou ō ese mai i Rimoni-paresa ma ō atu ma nonofo i faleʻie i Lipena. 21 Na latou ō ese mai i Lipena ma ō atu ma nonofo i faleʻie i Risa. 22 Na latou ō ese mai i Risa ma ō atu ma nonofo i faleʻie i Kailata. 23 Ona latou ō ese lea mai i Kailata ma ō atu ma nonofo i faleʻie i le mauga o Sapera.

24 Mulimuli ane, ona latou ō ese lea mai i le mauga o Sapera ma ō atu ma nonofo i faleʻie i Harata. 25 Na latou ō ese mai i Harata ma ō atu ma nonofo i faleʻie i Makelota. 26 Na latou ō ese+ mai i Makelota ma ō atu ma nonofo i faleʻie i Taata. 27 Mulimuli ane, ona latou ō ese lea mai i Taata ma ō atu ma nonofo i faleʻie i Tara. 28 Na latou ō ese mai i Tara ma ō atu ma nonofo i faleʻie i Meteka. 29 Mulimuli ane, ona latou ō ese lea mai i Meteka ma ō atu ma nonofo i faleʻie i Hasamoni. 30 Na latou ō ese mai i Hasamoni ma ō atu ma nonofo i faleʻie i Moserota. 31 Na latou ō ese mai i Moserota ma ō atu ma nonofo i faleʻie i Pene-akana.+ 32 Na latou ō ese mai i Pene-akana ma ō atu ma nonofo i faleʻie i Horo-kikata. 33 Na latou ō ese mai i Horo-kikata ma ō atu ma nonofo i faleʻie i Iatepata.+ 34 Mulimuli ane, ona latou ō ese lea mai i Iatepata ma ō atu ma nonofo i faleʻie i Aperona. 35 Na latou ō ese mai i Aperona ma ō atu ma nonofo i faleʻie i Esiokape.+ 36 Ona latou ō ese lea mai i Esiokape ma ō atu ma nonofo i faleʻie i le toafa o Tisina,+ o Katesa lea.

37 Mulimuli ane, ona latou ō ese lea mai i Katesa ma ō atu ma nonofo i faleʻie i le mauga o Horo,+ e tuaoi ma le atunuu o Etoma. 38 Na alu aʻe Arona le ositaulaga i le mauga o Horo ona o le faatonuga a Ieova, ma na maliu ai o ia i inā i le tausaga lona 40 talu ona ō ese mai le fanauga a Isaraelu mai i le atunuu o Aikupito, i le masina lona lima, i le aso muamua o lea masina.+ 39 E 123 tausaga o Arona ina ua maliu o ia i le mauga o Horo.

40 Na logotala le tupu o Arata,+ le tagata Kanana sa nofo i laufanua o Nekepi* i le atunuu o Kanana, e faatatau i le ō mai o le fanauga a Isaraelu.

41 Mulimuli ane, ona latou ō ese lea mai i le mauga o Horo+ ma ō atu ma nonofo i faleʻie i Salemoni. 42 Na latou ō ese mai i Salemoni ma ō atu ma nonofo i faleʻie i Pinono. 43 Na latou ō ese mai i Pinono ma ō atu ma nonofo i faleʻie i Opoto.+ 44 Na latou ō ese mai i Opoto ma ō atu ma nonofo i faleʻie i Ie-aperima i le tuaoi o Moapi.+ 45 Na latou ō ese mai i Iimā ma ō atu ma nonofo i faleʻie i Tipona-kato.+ 46 Mulimuli ane, ona latou ō ese lea mai i Tipona-kato ma ō atu ma nonofo i faleʻie i Alemoni-tipelata. 47 Na latou ō ese mai i Alemoni-tipelata ma ō atu ma nonofo i faleʻie i atumauga o Aperima+ i luma o Nepo.+ 48 Mulimuli ane, ona latou ō ese lea mai i atumauga o Aperima ma ō atu ma nonofo i faleʻie i fanua laugatasi o le toafa o Moapi, e lata ane i Ioritana e faafesagaʻi ma Ieriko.+ 49 Na latou nonofo pea i faleʻie e lata ane i Ioritana mai i Pete-semota e oo i Apela-setima,+ i fanua laugatasi o le toafa o Moapi.

50 Ona fetalai mai lea o Ieova iā Mose i le fanua laugatasi o le toafa o Moapi e lata ane i Ioritana e faafesagaʻi ma Ieriko, ua faapea mai: 51 “Ia e fai atu i le fanauga a Isaraelu ma e faapea atu iā i latou, ‘O le a outou sopoʻia Ioritana ma agaʻi atu i le laueleele o Kanana.+ 52 Ia outou tutuliesea tagata uma o le laueleele mai i o outou luma, ma faaumatia a latou faatagata maa+ uma ma a latou tupua uʻamea*+ uma, ia nutipalaina foʻi ma a latou mea maualuluga paia+ uma. 53 Ia faia mo outou le laueleele ma nonofo ai, auā o le a ou avatu lava iā te outou le laueleele e fai mo outou.+ 54 E ao ona outou vaevaeina le laueleele e ala i le vili,+ e fai ma fanua mo o outou aiga. O le aiga e toʻatele e ao ona outou faateleina lo latou tofi, ma o le aiga e toʻalaiti, e ao ona outou faaitiitia lo latou tofi.+ O le mea ua faasaga i ai le vili a le tagata, o le fanua lenā e fai mo ia. E maua o outou fanua e fai ma tofi e tusa ai ma ituaiga o o outou tamā.+

55 “‘Peitaʻi, afai tou te lē tutuliesea tagata o le atunuu mai i o outou luma,+ ona fai lea o ē ua outou faatotoeina ma mea matuitui i o outou mata ma mea talatala i o outou itu, ma e latou te faasoesa iā te outou i le laueleele o le a outou nonofo ai.+ 56 O le a ou faia fo‘i iā te outou le mea ua ou manatu e faia iā i latou.’”+

34 Ua toe fetalai mai Ieova iā Mose e faapea: 2 “Ia e poloaʻi atu i le fanauga a Isaraelu: ‘Pe a outou ō atu i le laueleele o Kanana,+ o le laueleele lava lea e maua e outou e fai ma o outou tofi, o le laueleele o Kanana e tusa ma ona tuaoi.+

3 “‘O lo outou tuaoi i le itu i saute, e mai i le toafa o Tisina lea e i tafatafa ane o Etoma, ma o lo outou tuaoi i saute i le itu i sasaʻe, e amata mai i le pito i lalo o le Sami Oona.*+ 4 E afe ane lo outou tuaoi, i le itu i saute o le mafa o Akarava+ e oo atu i Tisina, ona agaʻi lea i saute i Katesa-panea.+ Ona piʻo ane lea agaʻi i Hasara-tara+ ma oo atu i Asemoni. 5 Ona toe piʻo ane lea o le tuaoi i Asemoni agaʻi i le ālia* o Aikupito ma e gata mai i le Sami.*+

6 “‘O lo outou tuaoi i le itu i sisifo, o le Sami Tele ma le talafatai. O lo outou tuaoi lea i le itu i sisifo.+

7 “‘O lo outou tuaoi lenei i le itu i mātū: E tou te faailoga lo outou tuaoi mai i le Sami Tele e oo atu i le mauga o Horo. 8 E tou te faailoga le tuaoi mai i le mauga o Horo e oo atu i Lepo-amato,*+ ma e gata mai le tuaoi i Setata.+ 9 E agaʻi atu le tuaoi i Seferona, ma e gata mai i Hasare-nana.+ O lo outou tuaoi lea i le itu i mātū.

10 “‘E ao ona outou faailoga e fai ma o outou tuaoi i le itu i sasaʻe mai i Hasare-nana e oo atu i Sefana. 11 E alu ifo le tuaoi mai i Sefana e oo atu i Ripelu i le itu i sasaʻe o Aino, ma e alu ifo lava le tuaoi i le malifa i le itu i sasaʻe o le vai o Kinereta.*+ 12 E alu ifo le tuaoi i Ioritana, ma e gata mai i le Sami Oona.+ O lo outou laueleele+ lea ma ona tuaoi ua siʻomia ai.’”

13 Ona poloaʻi atu lea o Mose i le fanauga a Isaraelu e faapea: “O le laueleele lenei e tou te vaevaeina e fai ma o outou fanua e ala i le vili,+ e pei ona poloaʻi mai ai Ieova ina ia avatu i ituaiga e iva ma le ʻafa. 14 Auā ua maua e le ituaiga o le fanauga a Reupena e tusa ma le ituaiga o o latou tamā, ma le ituaiga o le fanauga a Kato, e tusa ma le ituaiga o o latou tamā o latou tofi, ma ua maua foʻi e le ʻafa o le ituaiga o Manase o latou tofi.+ 15 Ua maua e ituaiga e lua ma le ʻafa o latou tofi i le itu i sasaʻe o Ioritana, e faafesagaʻi ma Ieriko i le mea e oso aʻe ai le lā.”+

16 Ua toe fetalai mai Ieova iā Mose e faapea: 17 “O igoa ia o tane o ē o le a vaevaeina le laueleele mo outou e fai ma o outou fanua: o Eleasaro+ le ositaulaga ma Iosua+ le atalii o Nuno. 18 E tou te aumaia se taʻitaʻi mai i ituaiga taʻitasi, e fesoasoani i le vaevaeina o le laueleele.+ 19 O igoa nei o tane: o Kalepo+ le atalii o Iefune mai i le ituaiga o Iuta;+ 20 o Semueli le atalii o Ameuta mai i le ituaiga o le fanauga a Simeona;+ 21 o Elitata le atalii o Kiselona mai i le ituaiga o Peniamina;+ 22 o Puki le atalii o Iakeli, o se taʻitaʻi mai i le ituaiga o le fanauga a Tanu;+ 23 o Hanieli le atalii o Efota, o se taʻitaʻi mai i le ituaiga o le fanauga a Manase,+ e mai i atalii o Iosefa;+ 24 o Kimueli le atalii o Sefatana, o se taʻitaʻi mai i le ituaiga o le fanauga a Efaraima;+ 25 o Elisafano le atalii o Parenaka, o se taʻitaʻi mai i le ituaiga o le fanauga a Sepulona;+ 26 o Paletieli le atalii o Asani, o se taʻitaʻi mai i le ituaiga o le fanauga a Isakara;+ 27 o Aiuta le atalii o Selomi, o se taʻitaʻi mai i le ituaiga o le fanauga a Asera;+ 28 o Petaeli le atalii o Ameuta, o se taʻitaʻi mai i le ituaiga o le fanauga a Nafatali.”+ 29 O i latou ia ua poloaʻi mai i ai Ieova e vaevaeina laueleele o Kanana mo le fanauga a Isaraelu.+

35 Ua fetalai mai Ieova iā Mose i le fanua laugatasi o le toafa o Moapi, e lata ane i Ioritana+ e faafesagaʻi ma Ieriko, ua faapea mai: 2 “Ia poloaʻi atu i le fanauga a Isaraelu, e ao ona latou avatu i le ʻau sa Levī ni aai mai i o latou tofi ina ia latou nonofo ai,+ ma e ao foʻi ona latou avatu i le ʻau sa Levī o fanua e aai ai lafumanu, ia ua siʻomia ai aai.+ 3 E latou te nonofo i ia aai, a o fanua e aai ai lafumanu e mo a latou lafumanu, o a latou fale manu, ma isi a latou manu uma. 4 O fanua e aai ai lafumanu ia e siʻomia ai aai, e tou te avatu i le ʻau sa Levī, e amata mai i le pā e oo i le mea e gata mai ai, e 1,000 kupita.* 5 Ia outou fuatia fafo o le aai i le itu i sasaʻe e 2,000 kupita, o le itu i saute e 2,000 kupita, o le itu i sisifo e 2,000 kupita, ma le itu i mātū e 2,000 kupita, ae e iai i le ogatotonu le aai. E fai ia ma laufanua e aai ai lafumanu o o latou aai.

6 “O aai e tou te avatu i le ʻau sa Levī e 6 aai o sulufa‘iga,+ ia e tou te avatu ina ia sola atu i ai le tagata fasioti tagata paʻivalea,+ atoa ma isi aai e 42. 7 E 48 le aofa‘i o aai e tou te avatu i le ʻau sa Levī, atoa ai ma fanua e aai ai lafumanu.+ 8 O aai tou te avatu e mai i tofi o le fanauga a Isaraelu.+ O ituaiga e to‘atele e tou te aumaia ai aai e tele, a o ituaiga e to‘aitiiti e itiiti aai tou te aumaia ai.+ E avatu e ituaiga taʻitasi nisi o o latou aai mo le ‘au sa Levī e tusa ma tofi ua latou mauaina.”

9 Ua fetalai mai pea Ieova iā Mose e faapea: 10 “Ia e fai atu i le fanauga a Isaraelu, ma faapea atu iā i latou, ‘O le a outou sopoʻia Ioritana e agaʻi atu i le laueleele o Kanana.+ 11 E ao ona outou filifilia aai e talafeagai mo outou ina ia fai ma aai o sulufaʻiga, ma e sola atu i ai le fasioti tagata, o lē na fasioti tagata paʻivalea.*+ 12 E fai foʻi ia aai ma sulufaʻiga iā te outou mai i le tagata e tauimasui i le toto,+ ina neʻi oti le fasioti tagata paʻivalea a o leʻi tū o ia i luma o le faapotopotoga e faamasinoina ai.+ 13 O le fuafuaga lenā o aai o sulufaʻiga e ono ia tou te tuuina atu. 14 E tolu aai e tou te tuuina atu i lenei itu o Ioritana,+ e tolu foʻi aai e tou te tuuina atu i le laueleele o Kanana+ e fai ma aai o sulufaʻiga. 15 E fai na aai e ono ma aai o sulufaʻiga mo le fanauga a Isaraelu, mo le tagata ese,+ ma lē e aumau ma i latou, ina ia sola atu i ai so o se tagata fasioti tagata paʻivalea.+

16 “‘Peitaʻi, afai e na te tāina se tagata i se mea ua faia i le uʻamea ma oti ai, o le fasioti tagata o ia. Ia fasiotia lava le fasioti tagata.+ 17 Afai na te tuʻi o ia i se maa lea e mafai ona oti ai ma e oti ai lava, o le fasioti tagata o ia. Ia fasiotia lava le fasioti tagata. 18 Afai e na te tāina o ia i se laau lea e mafai ona oti ai ma e oti ai lava, o le fasioti tagata o ia. Ia fasiotia lava le fasioti tagata.

19 “‘O lē na te tauimasui i le toto, o ia lea na te fasiotia le fasioti tagata. Afai na te maua atu lea tagata, e na te fasiotia o ia. 20 Afai e oti se tasi ona ua tūlei e se isi i lona ita, pe togi o ia i se mea ma se faanaunauga leaga,*+ 21 pe na te faaoo lona lima iā te ia ona o lona ita ma oti ai, e ao ona fasiotia lava lea tagata. O ia o le fasioti tagata. O lē na te tauimasui i le toto, e na te fasiotia le fasioti tagata pe a maua atu o ia.

22 “‘Ae afai e teʻi ua ia tūlei iā te ia e aunoa ma le ita pe togi atu se mea iā te ia e aunoa ma se faanaunauga leaga,*+ 23 pe e na te faapaʻū i ona luga se maa ae e na te lē iloa atu o ia, ma e lē o ia o sona fili pe e na te leʻi fia faia foʻi se mea leaga iā te ia, ma oti ai o ia, 24 e ao i le faapotopotoga ona faamasino i le tagata na faia le mea leaga ma lē na te tauimasui i le toto e tusa ma ia tulafono.+ 25 E tatau i le faapotopotoga ona laveaʻi le fasioti tagata paʻivalea mai i lima o lē e tauimasui i le toto, ma toe faafoʻi o ia i lona aai o sulufaʻiga lea ua sola i ai, ma e ao ona ia nofo ai i inā seʻia oti le ositaulaga sili, o lē na faauuina i le suāuu paia.+

26 “‘Ae afai e alu atu le fasioti tagata paʻivalea i fafo o le tuaoi o lona aai o sulufaʻiga lea ua ia sola atu i ai, 27 ma ua maua o ia e lē e tauimasui i le toto i fafo o le tuaoi o lona aai o sulufaʻiga, ma fasiotia ai le fasioti tagata paʻivalea, e lē nofosala o ia i le toto o lea tagata. 28 Auā e tatau ona nofo o ia i lona aai o sulufaʻiga seʻia oti le ositaulaga sili. Ae pe a mavae le oti o le ositaulaga sili, e mafai ona toe foʻi le fasioti tagata paʻivalea i lona lava fanua.+ 29 E fai nei mea ma aiāiga mo faamasinoga mo outou ma o outou tupulaga uma i mea uma tou te nonofo ai.

30 “‘O se tasi e fasiotia se tagata e tatau ona fasiotia o ia+ ona o faamatalaga a ni molimau;+ ae e lē tatau ona fasiotia se tasi ona o le faamatalaga a se molimau e toʻatasi. 31 E lē tatau ona outou talia se togiola mo le ola o se fasioti tagata o lē ua tatau i ai le oti, e ao lava ona fasiotia lea tagata.+ 32 E lē tatau foʻi ona outou talia se togiola mo se tasi ua sola i lona aai o sulufaʻiga, e faataga ai e toe foʻi mai e nofo i lona fanua ae e leʻi oti le ositaulaga sili.

33 “‘Aua foʻi tou te faaleagaina le laueleele tou te nonofo ai, auā e faaleagaina le laueleele i le toto,+ ma e lē mafai ona togiolaina le laueleele ona o le toto ua faamaligiina i ai, seʻi vaganā ai le toto o lē ua faamaligiina le toto.+ 34 Aua tou te faaleagaina le laueleele tou te nonofo ai, lea ou te nofo ai; auā o aʻu o Ieova, ou te nofo faatasi ma le fanauga a Isaraelu.’”+

36 Ona faalatalata mai ai lea o ulu o aiga o ē na tupuga mai iā Kiliata le atalii o Makiro,+ o le atalii o Manase, o aiga o atalii o Iosefa, ma fai mai i luma o Mose, ma taʻitaʻi, o ulu o aiga o le fanauga a Isaraelu. 2 Ua latou faapea mai: “Ua poloaʻi mai Ieova iā te oe lo matou alii, ina ia vaevae le laueleele e ala i le vili+ e fai ma tofi o le fanauga a Isaraelu; ma ua poloaʻia foʻi lo matou alii e Ieova, ina ia tuu atu le tofi o Selofeata lo matou uso i ona afafine.+ 3 Afai e latou te faaipoipo atu i tane mai i se isi ituaiga o le fanauga a Isaraelu, o le a aveesea le tofi o ia tamaʻitaʻi mai i tofi o o matou tamā, ae faaopoopo atu i le tofi o le ituaiga o tane ia o le a latou faaipoipo atu i ai, ona aveese lea o ia fanua mai i lo matou tofi. 4 A faapea e oo i le Iupelī+ a le fanauga a Isaraelu, ona faaopoopo atu lea o le tofi o ia tamaʻitaʻi i le tofi o le ituaiga o tane ia o le a latou faaipoipo atu i ai, ona aveese lea o o latou tofi mai i le tofi o le ituaiga o o matou tamā.”

5 Ona fai atu lea o Mose i le fanauga a Isaraelu e tusa ma le faatonuga a Ieova e faapea: “E saʻo le mea o loo fai mai ai le ituaiga o atalii o Iosefa. 6 O le poloaʻiga lenei a Ieova ua ia fetalai mai ai e tusa ma afafine o Selofeata, ‘Ia latou faaipoipo i ē ua latou loto i ai. Peita‘i, e ao ona latou faaipoipo i se tasi mai i se aiga o le ituaiga o lo latou tamā. 7 E lē feaveaʻia tofi o le fanauga a Isaraelu mai i le tasi ituaiga i le isi ituaiga, auā e ao i le fanauga a Isaraelu ona taofimau i le tofi o le ituaiga o o latou augātamā. 8 O so o se fafine ua maua se tofi mai i ituaiga o Isaraelu, e ao iā te ia ona faaipoipo atu i se tasi e tupuga mai i le ituaiga o lona tamā,+ ina ia faatumauina ai e le fanauga a Isaraelu le tofi o o latou augātamā. 9 E lē feaveaʻia tofi mai i le tasi ituaiga i le isi ituaiga, auā e ao i ituaiga o Isaraelu ona taofimau o latou lava tofi.’”

10 Ua faapea lava ona faia e afafine o Selofeata, e pei ona poloaʻi mai ai Ieova iā Mose.+ 11 Ona faaipoipo lea o Maala, o Tiresa, o Hakelu, o Meleka, ma Noa, o afafine ia o Selofeata,+ i atalii o uso o lo latou tamā. 12 Ua latou faaipoipo atu i tane mai i aiga o Manase le atalii o Iosefa, ina ia tumau ai pea lo latou tofi i le ituaiga o le aiga o lo latou tamā.

13 O poloaʻiga lava ia ma iʻuga o faamasinoga na tuuina mai e Ieova e ala iā Mose, i le fanauga a Isaraelu i le fanua laugatasi o le toafa o Moapi, e lata ane i Ioritana e faafesagaʻi ma Ieriko.+