Esekielu​—O Lona Olaga ma Taimi

O le uiga o le igoa o Esekielu, “Faamalosia e le Atua.” E ui e tele lapataʻiga i ana valoaga, ae o le feʻau atoa e ōgatusa ma le uiga o lona igoa, ma e faamalosia ai le faatuatua o i latou e mananaʻo e avatu i le Atua le tapuaʻiga mamā.

PEROFETA NA OLA I LENĀ VAITAIMI

• 

  IEREMIA,

  e mai i se aiga ositaulaga, na tele ina auauna o ia i Ierusalema (647-580 T.L.M.)

• 

  ULATA

  na auauna ina ua maua le tusi o le Tulafono i le malumalu i le pe tusa o le 642 T.L.M.

• 

  TANIELU,

  o se tasi o aloalii o Iuta na ave faapagota i Papelonia i le 617 T.L.M.

• 

  SAPAKUKA

  e foliga mai na auauna i Iuta i le amataga o le nofoaiga a Ioakima

• 

  OPETAIA

  na vavalo faasaga iā Etoma, e foliga mai i le taimi na faatafunaina ai Ierusalema

O ANAFEA NA LATOU VAVALO AI? (TAUSAGA T.L.M.)

O MEA ILOGA I LE VAITAIMI O ESEKIELU (TAUSAGA T.L.M.)

1. p.643: Fanau mai

2. 617: Ave faapagota i Papelonia

3. 613: Amata ona vavalo; vaaia faaaliga o Ieova

4. 612: Vaaia faaaliga i le malumalu o tagata ua liliuese mai i le tapuaʻiga moni

5. 611: Amata ona taʻusala Ierusalema

6. 609: Maliu lana avā ma ua amata le osofaʻiga mulimuli i Ierusalema

7. 607: Maua le faamaoniga ua faaumatia Ierusalema

8. 593: Vaaia le faaaliga o le malumalu

9. 591: Valoia le osofaʻia e Nepukanesa o Aikupito; māeʻa ana tusitusiga

TUPU O IUTA MA PAPELONIA

1. 659-629: Faaauiluma e Iosia le tapuaʻiga mamā ae na maliu i le taua ma Farao Neko

2. 628: Pulega leaga a Ioasasa mo le tolu masina ma na puʻea e Farao Neko

3. 628-618: O Ioakima o se tupu leaga ma na pule o ia i lalo o le vaavaaiga a Farao Neko

4. 625: Faatoʻilaloina e Nepukanesa le ʻautau a Aikupito

5. 620: Osofaʻia e Nepukanesa Iuta mo le uluaʻi taimi ma fai Ioakima ma tupu i Ierusalema i lalo o lana pulega

6. 618: Fouvale Ioakima iā Nepukanesa ma e foliga mai na maliu o ia i le osofaʻiga lona lua a Papelonia i le Nuu Folafolaina

7. 617: O Ioakina o le isi ona igoa o Iekonia, o se tupu leaga na pule mo le tolu masina ae na mulimuli ane siilima iā Nepukanesa

8. 617-607: O Setekaia o se tupu leaga ma e palaai, ma na pule o ia i lalo o le vaavaaiga a Nepukanesa

9. 609: Fouvale Setekaia iā Nepukanesa, o lē na osofaʻia Iuta mo le taimi lona tolu

10. 607: Faaumatia e Nepukanesa Ierusalema, puʻea Setekaia, faatauaso o ia, ma ave o ia i Papelonia