Atiina aʻe le Faatuatua i Folafolaga a le Atua
1 Afai lava na iai se taimi sa manaomia ai le faatuatua malosi, o le taimi lenei. E toatele tagata e augapiu ma se faatuatua ma e ʻasa se faamoemoe mo le lumanai. Ua masani ona faatū e taʻitaʻi faapolotiki ma lotu faamoemoe sese ua folasia ai e le toatele o tagata le lotovaivai. E moni, e pei ona faamatala e le aposetolo o Paulo, “e le o i tagata uma le faatuatua.” (2 Tesa. 3:2) Peitai, o le faatuatua o se mea totino a Molimau a Ieova. Ua ia i tatou le mautinoa atoatoa o le a faataunuuina folafolaga ua maua i le Afioga a le Atua.
2 Faatasi ai i folafolaga a le Atua o ia e i le tusi o Faaaliga e faatatau i le fotuai mai o le faaumatiaga o lenei faiga o mea faalēmataʻu ma le aumaia i totonu o se lalolagi fou amiotonu. E mafai e le tusi Revelation—Its Grand Climax At Hand! ona fesoasoani i tagata e atiina aʻe le faatuatua i nei folafolaga. E amata i le masina lenei ona tatou suesueina i Suesuega Tau Tusi a le Faapotopotoga lomiga faasolosolo o lenei tusi ua lomia i Le Olomatamata. O lea o le a lelei faaauupegaina ai i tatou e fautuaina isi.
LE POGAI E FESOASOANI AI I ISI E ATIINA AʻE LE FAATUATUA
3 Ona ua lamatia ai le ola, ua ia i tatou la se mafuaaga malosi mo le fesoasoani i isi e atiina aʻe lo latou faatuatua. I le utagiaina o lenei, o le a mananao uma ai tagata talaʻi e fai se vaega i le ofoina o le tusi Revelation Climax mai lea fale ma lea fale. Faia faamaumauga o aiga e leʻi maua atu ma toe asia. E tatau i toeaiina ona iloiloina faatatauga o faatasiga faaopoopo mo le auaunaga i le fanua. Faamata e fesoasoani i le au talaʻi faatatauga o le auaunaga i le aoauli? Ua iloa e nisi le fuatele mai o le molimau i le afiafi a o leʻi po.
4 E faaopoopo i le ofoina o le tusi Revelation Climax mai lea fale ma lea fale, faaaogā lelei foi isi avanoa. E mafai e tagata talaʻi talavou ona ofo le tusi i o latou faiaʻoga. O i latou e faigaluega i aso uma e mafai ona talanoa ma uo i galuega i malologa o vaiʻaiga o le aoauli ma ofo ia i latou le tusi. Ia aaoina i tagata uma—aiga, tagata tiliva, o ē faatau e o mai i o tatou fale, fomaʻi, faʻinifo, loia, tagata faipisinisi o ē tatou te feagai—le avanoa e “faalogologo i upu o lenei valoaga.” (Faaa. 1:3) Atonu latou te mananao e auai i le motu o tagata e toatele e lē mafaitaulia o ē faaalia le faatuatua malosi ma o le a faasaoina i le taualuga o le faamasinoga tauatua ia Amaketo.
5 O le Mataupu mo Talanoaga fou “O Ai e Ao ona Tatou Tapuaia?” E mafai ona faaaofia i a tatou faatomuaga faamatalaga mai le itulau 322 o le tusi Reasoning. Fesili i lē ona le fale pe ua ia mātauina pe fia ituaiga eseese o tapuaiga o loo i ai, ona faasino lea faapea ua iai i le tagata se manaoga faavae e tapuai i se mea e maualuga atu ia te ia. Peitai, ona ua masani ona tapuai tagata i atua pepelo, ua aumaia ai e le Faaaliga 14:7 se lapataiga talafeagai. O lenei ua fasino mai ai le manaoga ia tapuaia Lē Na Foafoaina Mea le Atua moni. Ua faailogaina lotu sese uma i le tusi o Faaaliga i le igoa Papelonia Tele ma faaleoina se lapataiga faanatinati i le Faaaliga 18:2a, 4. E ui atonu e amio mamā se tasi ma taumafai e faia mea lelei i isi, o le ā pe afai na te lagolagoina faalapotopotoga o lotu sese? E lē faamaonia e le Atua sea auala. Ua aumaia e lea ia i tatou se mea matuiā e manatunatu faatatau i ai. Folasia le tusi Revelation Climax ma taulai atu i se manatu patino e faaoso naunau. Ona ofo lea o le tusi mo se meaalofa e $6.00 (US$3.00).
6 E mafai ona fetuunai lau taulimaga e tusa ma le ituaiga o oganuu o loo e galueaina. Autalu le mataupu i le tusi Reasoning i lalo “Lotu,” itulau 322-333, ma lalo “Papelonia Tele,” itulau 49-53, mo faufautuaga i le mafai faapefea ona faia o lenei. Ua faanatinati le manaomia ona tatou auai atoatoa i le faalauiloaina o lenei feau tauatua o le faamasinoga ma le faamoemoe, e fesoasoani i isi e atiina aʻe le faatuatua i lea.—Faaa. 14:6, 7.