Ia Maelega e Folafola le Feau o le Malo
1 O Ieova o se Atua o galuega lelei, ma e maelega o ia e faamaeʻaina i latou. O mea uma lava na te faia e mo le lelei o i latou e auauna ia te ia. Ua faataatia e Iesu se faaaʻoaʻoga matagofie o le faataʻitaʻi le maelega o lona Tamā. I se tasi o mea na tupu, sa uunaia ai o ia e le maelega mo le maota o Ieova e tutuli esea i latou o ē na liua le malumalu e fai ma fale faatauʻoa. (Ioane 2:14-17) O i tatou foi e ao ona faaalia le maelega i la tatou auaunaga ia Ieova le Atua pe afai tatou te mananao e faitaulia o ni tagata “maelega i galuega lelei.”—Tito 2:14.
2 O galuega lelei a Kerisiano e aogā mo isi. O le mea aupito sili ona aogā e mafai ona tatou faia mo se isi tagata o le fesoasoani ia te ia e iloa ma auauna ia Ieova. (Ioane 17:3) Ua tatou faasalafa atu lena fesoasoani e ala i la tatou talaʻiga maelega o le Malo ma le galuega o le faia o soʻo.
3 O le ā le maelega? O le maelega o le vilivilitaʻi. E pogai mai le maelega faa-Kerisiano i se faanaunauga faamaoni e faia le mea saʻo ma talafeagai. O le upu Eleni mo le “maelega” o lona uiga “ia pupuna.” Ona o ni faifeau a le Atua, e ao ona tatou folasia lenei uiga a o tatou faasalalau atu le feau o le Malo. Pe o tatou maelega i le faiva? Faamata o tatou faia mea uma tatou te mafaia e fesoasoani ai i isi ia aʻoaʻo e uiga i fuafuaga a Ieova?
FAAALIA LE MAELEGA I LE OFOINA O POLOSIUA
4 I le masina o Aokuso, ua toe ia i tatou foi le faaeaga o le ofoina o so o se polosiua e 32-itulau seʻi vagana Aʻoga ma Molimau a Ieova. E mafai ona tatou ofo le Olioli i Le Ola i Le Lalolagi e Faavavau!, “Faauta! Ou te Faia ia Fou Mea Uma Lava,” Should You Beleive in the Trinity? The Divine Name That Will Endure Forever, po o O le Malo O le a na Aumaia Le Parataiso. Sauniuni e ofo po o le a lava le polosiua e foliga mai e sili ona talafeagai mo le oganuu atoa ma le tagata lua te feiloai i le aiga.
5 Ina ia maelega e folafola le feau o le Malo, e manaomia ona tatou sauni lelei. O tatou masani ma le Mataupu mo Talanoaga o loo i ai? E mafai faapefea ona tatou sosoʻoa le Mataupu mo Talanoaga ma le polosiua tatou te ofoina? O ā manatu iloga i polosiua tatou te ono taʻua? Afai tatou te faaalu le taimi e faamasani ai ma polosiua e lima ma fafau aʻe i o tatou mafaufau le aasa mo i latou, o le a faaauupega ai i tatou e taulimaina i latou ma le maelega ia i latou i la tatou oganuu.
FAUFAUTUGA MO LE OFOINA O POLOSIUA
6 A maeʻa ona faafeiloaʻi atu oe, e te ono faapea atu: “Na e tau manatu ea pe liuliualo mai le Atua e uiga i le amioleaga i le lalolagi i aso nei? [Faataga mo se tali.] Ua faamatala mai e le Tusi Paia faapea toeitiiti ona faatamaia lea o tagata amioleaga. [Faitau Salamo 92:7.] Ona o lenei tulaga, o ai e mafai ona tatou liliu atu i ai mo le taʻitaʻiga sao ma le puipuiga? [Faitau Salamo 145:20.] O lea na pau lava lo tatou auaula mo le faaolataga o se faiā ma Lē Na Foafoaina i tatou, o Ieova le Atua. E manaomia ona tatou iloiloina faamanuiaga ua faapea ona ia folafola mai mo le fanau uma a tagata usiusitai.” Ona e sue lea i le ata 49 i le polosiua Ola i le Lalolagi ma faitau le faamatalaga puupuu, e faamatilatila ai faamanuiaga ua faaataina. Pe sue foi i le itulau e 29 i le polosiua Malo, ma talanoa i faamanuiaga ua faamatalaina i ina. Atonu e mananao nisi e faaaogā palakalafa e 49 ma le 50 i le polosiua “Faauta!” e faamalamalama ai mea o le a faia e le Malo o le Atua mo le fanau a tagata.
7 Ona o taimi faigata nei, ua faanatinati ai le feau o loo tatou avatua. Ua i ai se manaoga mo i tatou ia maelega e folafola le feau o le Malo, ma faalaeiau isi ia oo ina iloa lelei le Atua ma lana Afioga. I le folafolaina ma le maelega o lenei poto foai ola, tatou te faamaonia atu ai lo tatou tuutoina faaleatua ma lo tatou alofa mo Ieova. Fesili ane ia te oe lava: ‘O oʻu maelega ea mo galuega lelei? Pe mafai ona faamatalaina laʻu lagolagosua i le gaoioiga talaʻi o se galuega vilivilitaʻi ma le solu atoa?’ E anoanoai o le a taʻu mai e la tatou tali e faatatau i le uigā o lo tatou maelega. O le tele tatou te auai i le folafolaina o le feau o le Malo, o le sili atu foi lea o lo tatou maelega o le a i ai. O le a matauina e isi faapea o i tatou moni lava o tagata maelega mo galuega lelei.